KUWAIT POLICE
من الأشياء اللى أتمنى تصير بالكويت إننى أغير اللباس الرسمى مال الشرطه و أشترط على كل أفراد الشرطه يروحون النادى يتدربون علشان تكون أجسامهم لايقه
شرايكم بهالأقتراح؟
الصراحه،مو عاجبنى شكل الشرطة ،أبداً
posted by Chai-7aleeb @ 7:09 AM
14 Comments:
KITTY
موتتينى من الضحك
الله يلعن إبليسك
راح أصد
على قولتك
ya7leeel shir6atna :) 3ala golat kitty.. hehehe ya 7adhom skinny ya kroosh el michabees.. :)
3ad etsadig.. lazim kil mara eghayroon alwan el dawriyat, lazim edawroon alwan yideeda for their costumes.. i guess alwanhom hathi min ayam el mercedes el qadeema om el asfar wil aswad :P
اتصدق عاد يا اخي !! من زمان وانا اقول اتشرطتنا ليش منقين لهم لون الخاكي ياربي مع هبوب رياح الكوس والغبار التشرطي فيهم مايبين اتصير ظاهرة الكوموفلاج يختفي
اما من ناحية الكروش والعصاقيل اللهم يا كافي يفشلوووون يا زين اتشرطة لندن حمر عطر طول وعرض هيبه لا ويحجي عنكريزي بعد مو حنا خفالله عليهم عوير وزوير والمنكسر والي مافيه خير، بس اقولك اكو بعضهم لا بالله هيبه ورزه اما زيهم ودي لو يسون القميص برتقالي والبنطلون كحلي وااااي جان يزوغون من بعيد تشوفهم ويرضون جميع الاطراف
THE SIMPER
الدوريات صج يبيلهم تغيير
أنا أقول لازم كل الدوريات تكون
4X4
أم الحفيز
أنا أقول لازم يكون اللباس أبيض بأبيض
أدرى راح تتطنزين و تقولين ممرضين
ابيض بابيض....حق ملائكة الرحمه عزة الله ما فيهم رحمه بس يردون على بدالة المستشفى :اميييييييييييييييري نعم؟؟ قطيعتهم على الله
شرطه وابيض!! ابشر بالوسخ وناهيتك عن قمصان لازم يكونون من خلجونة الململ بعد ابرد لهم بلواهيب هالحر
يقطع إبليسك يا شاى حليب. صج لى شفت شرطتنا يضيق خلقك من الأجسام العجيبة. وين المقاييس الدولية طول واد وزن واحد. وين يا خلاف عندنا اللى ما يجيب مجموع يدخل الشرطة والجيش. وعلى قولة أم الحفيز لون البدله مع الغبار ما يبين. يكون طالعين فيها ومنقين لون يتماشى مع جو الكويت. أنا أقول قميص أبيض وبنطلون كحلى ولا اشرايك
كان يعجبني لبسهم القديم الازرق السماوي
FUZZY
صاج
السماوى كان وايد أحلى من الحين
العين الساهره
صاجه والله
أشوه إنتى معاى على الخط طول الوقت
no no new uniforms , bahaseen will go out of business you guys haram 3laikum
MOSAN MOSAN
We want to change......!!! Bahaseen has enough business,Mashallah.
I do agree with you, they should change their uniforms and they should get us stronger men to serve as police men in this country. Their uniforms are horriable, they do not fit their skinny bodies at all...madree mino ykhay6hum :s
خوش قرارات
نتمنى تطبيقها بالقريب العاجل
أتمنى اشتراط " طول وتفاصيل محددة لأجسام الشرطة" وما يخلونهم يلفون الحزام على خصرهم 3 مرات ويدخلونهم دورات فن التعامل مع الناس واذا امكن تقوية اللغة العربية " قراءة وكتابة" لأنهم يهجون الأسماء اذا يبون يكتبون المخالفة ومايعرفون يقرون دفتر السيارة ويفكرون عشر مرات قبل لا يقارن الاسم بدفتر السيارة بالاسم اللي بالليسن!! اي السيارة مو باسمي؟؟ توك تستوعب يا حظي
Post a Comment
<< Home