KUWAITI SNOB
من الأطباع اللى أكرهها بالكويتيين هى إنهم دايماً شايفين حالهم على شعوب بلدان الخليج و العرب و دايماً يرون نفسهم إنهم أحسن من أى أحد
مثلاً،إذا ذكرت أحد من السعوديه،قالو : وييييييه يوكم أهل المارلبورو-المقصود لباسهم الدشداشه البيضاء مع الشماغ الأحمر
وإذا جاهم واحد إيرانى ، قالوا:كاه كاه ،يوكم الخبابيز
وإذا ذكروا أحد من اليمن،قالوا: ويييه قطيعه تقطع المهاره
وبعد،لو يجيهم أحد من الإمارات،قالوا : كا يووكم قوم نحن
وسيييده،لما يسمعون طارى قطر،قالوا : وييييع ،أهل التيوس
واعلياه،البحرينيين الطيبيين،دايم يقولون عنهم :وييه خداى البحرين
ولا يابوا طارى عمان،قالوا : أيييه، طبابيخنا كلهم كانوا عمانيين
يعنى ليش هالطبع الخايس فى أغلب الكويتيين اللى يشوفون روحهم على خلق الله؟
والله عيب
posted by Chai-7aleeb @ 5:22 AM
50 Comments:
على قولتك
الاغلب مو الكل طبعا
بس صراحه شي يضيق الخلق
لان قبل لكويتيين كانوا معروفين بتواضعهم وحبهم للخير
والحين سبحان الله
تغيروا 180 درجه
وقمت اعتبرهم بالنسبه لي
اكثر شعب مغرور
:/
ويعطيك العافيه اخوي
3ad sij hatha 6ab3 `7ayes feena bas 3ad leesh elfethaye7 elblog is international
etfada7na
la bas fee awadem minna 7aram 3alik
bas fi gararat nafsy adry inna fi wayed chethi 3asa enta`3ayer
SI7LEYA
الله يعافيج إختى
مثل ما قلتى
شى يضيق الخلق إنه نشوف بعض شعبنا فيه الغرور اللى يرا نفسه لأنه كويتى يعنى هو أحسن الناس
ما يذكرون قبل 16 سنه كانوا بكل ديرة مثل المشردين أيام الغزو
الحمد لله على العافيه
الغاليه البندرى
لأ والله
بقولها وخل يسمعونها الكل
عندنا بعض الناس فيهم الغرور اللى إحنا يا كويتيين مو راضيين عليه
كل شعب و كل ديره لها إحترامها ونقدر كل الناس
لكن المشكله إنه إحنا صرنا معروفين بين الناس بالخليج بالغرور و إننا شايفين حالنا
يعنى الشمس ما تتغطى بمنخل
إنبطت الجربه و خياسنا فاح بين هالعالم
حسبى الله و نعم الوكيل
البندرى
على فكرة
مبروك الصورة الجديده
بس ليش ما غيرتى جنطتج؟؟
طلعوا موديلات جديده و إنتى مجلبه بهاذى الجنطه؟
هذا طبع ردي عند بعض الكويتيين
ولا يعني ان بعض اهل هالدير عليهم قاصر
اللي ينعت الكويتيين باليهود واللي ينعتهم بالعمالة واللي ينعتهم بالفساد الاخلاقي "البركه بمسلسلات الاخت ...." وانتو رايحين من هالتهم
بالنهاية اصابع ايدك مو وحده والردي موجود بكل ديرة
الأخ الغالى حسام بن ضرار
صح لسانك
مسلسلات الأخت اللى خبرك إهى الفضيحه العوده بين العالم كله
مثل ما قلت،أصابع إيدك مو وحده
الله يهداهم
جاي حليب
لا إله الا الله محمد رسول الله...مذكور بالقرآن ان هالشي مكروه وغير مقبول من سبحانه...بسم الله الرحمن الرحيم
"يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ."صدق الله العظيم
ياربي فوق انه حرام وما يجوز... ترى عيب...وقل تقدير لنفسك قبل غيرك...وبعدين اهل الخليج كلهم فيهم من الطيب والكرم وسنع الضيافه لو يتوزع على العالم يفيض...بعد احنا الكويتين اشفينا ازويده عليهم خد ولا يد؟؟؟ ما اقول الا من تواضع لله رفعه...وفكونه من ربربة التعليق والمطنزه على اهلناوحبايبنا اهل الخليج...وعلى قولة المثل( لو البعير شاف حدبته جان طاح وانكسرت رقبته)عابلوا بعمركم يا بعض الاقليه بالكويت وسنعوا علاقاتكم مع البشر وابدوا من داخل الكويت قبل بره في نقدكم على البشر
والله العظيم شي يحرررررررررررر...صج اني انقثيت يا اخي
هذي صفه للأسف ان كثيرين يصدقونها و تكرارها يعزز صدقها
واللي يبي الصدق و مايستسهل انه يأخذ اي فكره معلبه وجاهزه عن اي شعب لازم مايحكم عليه من اي فكره عامه..
بالاحتكاك و االتعامل اكتشفت ان الشعب الكويتي متميز بسعة الافق و الثقافه.. وصفة الغرور هي صفه شخصيه تطبع الشخص ماتطبع شعب..حنا في امس الحاجه للتلاحم مع بعض ومع باقي شعوب الخليج و اثاره مواضيع نعرات و صفات مالها بالواقع الا حقيقه باهته.ماهو في مصلحة الكويت.
عذرا على الاطاله
لكني احب الكويت
حقيقي ماراح اكون كويتيه اكثر منكم
لكن ماارضى عليكم بالكلام اللي ماله سنع..
..
اعذرني شاهي بالحليب على التطفل..
على فكره البلوق حقك مررره دمه خفيف و حلو
..
يازين كلونيات الجده
تحياتي
مساء الخير ,
الظاهرة هذي فعلا موجودة ,
لكن لا تقتصر على الكويتيين فقط ,.
فالكثير من الدول العربية والخليجية ايضا ,.
فيها هذه الظاهرة
***
وطبعا تكون من فئات معينة
يعني مو الشعب الكويتي ! او الشعب السعودي
مجموعة من الناس تكون بهذا الشكل ,.
*****
لو كان هذا الكلام صحيح
يعني انا وانت واهلي واهلك ,
كلهم بالشكل هذا !
وطبعا الحمدلله هذا غير موجود
وهي فئة نتمنى من الله ان يستر عليهم
ويهديهم ,.
****
اشكرك حبيب قلبي على الجهد الحلو
والسموحة على القصووور
so what do they say of Egyptians?
صاج والله جاى حليب وايد كويتيين كله شايفيين حالهم على أهل الخليج والشعوب العربية ما أدرى على شنو. بلدانهم صارت أحسن منا متفوقين علينا في كل شىء، شوف البطولات الرياضية عندهم وشوفها عندنا. ولا الحفلات الغنائية شوف استوديوهاتهم وشوف مسرحنا صالة التزلج والله فشلة. المشكله إن هذول الكويتيين عايشين في زمن أول لما كانت الكويت درة الخليج وما يبون يعترفون إن الخليج صبقنا واحنا قاعدين نرجع ورا. بالنسبة حق الأخواق القطريين البعض يقول جاكم اللبتون كناية للعقالأبو ذيل طويل
الغاليه أم الحفيز
الله يجزاك خير على الآيه
والله مثل ما قلتى
شىء يقهر لما الناس بالكويت تعلق على غيرها قبل ما تشوف نفسها
صدقتى يالغاليه
من وين مطلعه هالأمثال العجيبه؟
عذبه
مشكوره على زيارتك الحلوه و على الكلام العجيب اللى قلتيه
مثل ما ذكرتى،إحنا بحاجة للتلاحم و هذا أهم شىء
وإذا حابه كلونيات اليده،ترا عندنا ستوك وايد
فكينا منهم واللى يخليج
عادل القلاف
أخوى شهالقطاعه؟
من زمان ما زرتنا بالبلوغ مالتى
كلامك على متمه
الطبع فى فئه معينه من الناس
بس لازم القضاء على هالعاده القشره
كلامك حلو و ما فيه طواله أبد
جزاك الله خير
STILL BREATHING
UNFORTUNATELY,YOU COME IN THE CATEGORY OF LIARS&CROOKS YET FUNNY.
الغاليه العين الساهرة
أموت و أعرف شلون طافتنى سالفة الليبتون على عقال أهل قطر؟؟
شفينى خرفت؟
صاجه والله
البلدان الثانيه للأمام
وإحنا قرى
مزاجيه
صاجه
والملاحظ إنه تغيروا بعد الغزو بشكل أكبر الله يهداهم
حساويه
داء العظمه والشوح الله يجيرك
ish7aga enshoof nafsna 3alaihom ??? sheno feena zoood 3annhom ???
most of the Gulf countries are more developed than Kuwait in many sectors ....oo e7na deeeratna ga3da terja3 laih wara wel booog thabe7naaa !!!!
3al 3omom fee zain oo shain fee kel deera ...ya33ni mithil ma ako bil Kuwait nass shayfa nafs-ha fee bil Dowal il Khaleejya nass shayfa nafs-ha as well its a mutual thing :) ....this all gets down to the person upbringing and personality ! :)
أنا أختلف معاكم ...أنا أعتقد أنهم شويه في مجتمعنا بس أهم البارزين والواضحين للناس...وفعلا الأخت أبرزت هذه الأقليه وأضهرتها على أنها أكثريه وأبرزت عيوب المجتمع الكويتي الصغيره وكبرتها في مسلسلاتها سوتنا -كعيبر-الله يهدها ويصلحها...بس ما تنلام أهي متأثره فيهم ...تراهم يمها
صراحه صراحه اعترف إني استخدم خداي البحرين ... بس يعني مو القصد اني اعيب على البحرينيين بس راحت عليهم ان خداي البحرين ..
والله قمت اخفف منها والله والله واقول خداي بروحها :)
حبيب قلبي والله اشكرك ,.
السموحة على القصور,.
وباذن الله بحاول بقدر المستطاع اتواصل معاك دايم
حبيب :)
thanX
أنا أتفق على انه سلوك شين موجود في كل دولة مو بس الكويت في ناس جذي من السعودية والامارات وغيرهم في ناس ينظرون للكويتيين كلهم نظرة وحدة سيئة لتعاملهم مع شخص او اثنين سيئين بالكويت ..وتعميم الفكرة السلبية على مجتمع كامل خطأ
السالفة المفروض تبتدي من الاهل .. يربون عيالهم على احترام الناس بغض النظر عن جنسياتهم وفئاتهم وأعمالهم , انا أهلي كانوا يشددون وايد على هالموضوع لدرجة خلونا تلقائيا نحترم كل الناس حتى الهندي عامل النظافة بالشارع
This comment has been removed by a blog administrator.
تويتي
والله انج صاجه اهم شي البيت وتربية الوالدين....والله انج صاجه وصح الله اللسانج يماااااه....عساها ما تكوبج ويعطيج على قد نيتج
My parents and I sometimes meet people from the Gulf and they say mashalla ma chinnkum Kuwaitiyeed likwaityeen wayed shayfeen 7alhum! When I hear that madri ashkurha willa agoolaha aya qaleelt il adab! i9ara7a tinba66 chabdi and I'm always trying to fix this impression with non-Kuwaitis. I feel that Kuwaitis asna3 oo a6yab nass oo wayed ibayin ib3ainhum il6eeb (although I might sound stuck up myself talking like this). Unfortunately, some Kuwaitis give a crappy impression of all of us and we end up having a bad reputation because of a few people.
And chai 7aleeb I think it's great that you brought this issue up to discuss but to be truthful I wish you hadn't actually put the exact things that people say about each nation because if you have a Qatari or any other nationality reading this that didn't know this was being said, well now they know. Ya3ni illi ma yikrahna al7een gaam yikrahna.
اي والله صدقت يا جاي وحليب
الطبع هاذا بايخ ببعض اهل الكويت الله يهديهم
والمشكلة ان اهل الخليج عبالهم كل الكويتيين شايفين روحهم ويعيبون عالكل
والسبه المسلسلات اللي تكلم عنهم الاخ الكريم
عبالهم هذا المجتمع الكويتي وكل الكويتيين جذي
اعتقد ان ه1ا الطبع موجود عند الجميع و حتى بين الكوتيين موجود
يعني هالطبع العنصري قديم و موجود عند الكل
و الرسول صلى الله عليه و سلم قال
اتركوها فانها نتنة
كا يووكم قوم نحن
hehe I luv it
Oh and here is some late night falsafa for u..
Our understanding of the world is based on biases, the differences that should be celebrated are the same differences that are scruitinized..
We are all similar even in our differences, some may highlight the differences in order to bring familiarity in understanding the unknown [Their brains may justify the process but that doesn't necessarily resolve the issue]
All because of Fear of the unfamiliar
As il 3am Yoda says
Fear leads to anger, anger leads to hate, hate leads to suffering.
Meaning, those who fear other cultures can actually be afraid of losing their own, which can also mean that these people are not truly aware of with their culture and hence the fear of losing it!
Same theory can apply to religion..
عاد الله يهداك جاي وحليب سويتنا كلش ناس شريرين .. !!
اشدعوه إحنا مو الدنيا كلها تقرض فينا ..!!
السالفة وما فيها أنك لو بتفكر تقول تعلوقة على الكويتيين ما راح اتلاقي :)) وهذا الصج ..
بعدين الصج ينقال أنا لو أشوف سعوديين اتذكر أغانينا عنهم ..
أقول:
" السعودية الفخارو والحكايات .. "
أو
" قطر قطر هاذي قطر .. قطر بنت منايرها...."
والله احنا يا الكويتيين أنهبل شوف منتدياتنا وقروباتنا وديرتنا وحتى بلوقاتنا ... كلها خليجيين :)
يسلموو ،،،،
الف ليله وليله
المثل يقول (الشر يعم والخير يخص)والله
............
وهذول قوم التشوح مثل القصيع على يال البحر...من تشوفه تقول البحر وصخ وماينبقى.... بس لو تزله وتبحر داخل القبا تشوف خيرات وثروات البحر هذه الكويت وصل على النبي مثل البحر في القبا خيرها باهلها من الداخل مو قصيعهاالي على يالها الي هم حديثي النعمه كل كلمه والثانيه احنا واحنا........ويــــــــــــع عليهم
ياربي مادري من وين دش علينا هالطبع خلووواه
7aba haljan6a shasawee chi7aleeb
tamshy 3ala kelshay
loooooooool
ne6roo my imited edirion bag sooon
love ur blooooooooooooooooooooooog
o an6er new posts awal b awal
ashwa 3ajabek elnew look
:)
braaad moo
عيل المفروض الهنود والسيرلانكين يقولون
انتوا كنتوا خدم عن الكويتين عندنا
لان اغلب الكويتين لما يسافرون الهند وسيلان كانوا يشتغلون بمزارع الجاى
يعنى هم احنا ماضينا يفشل ولا نشوف نفسنا وايد على الناس
العنصريه موجوده في كل بلاد العالم
ولكن هذا شي مو صح
و هم انج اتشيش خلق الله علينا و تحط هالبوست مو صح
مجرد وجهه نظر
مو الكل و الحين الناس تساوت
و تعلمت
و ما اظن لي الحين في ناس سطحيين يتظنزون على البشر
ان اكرمكم عند الله اتقاكم
و لي الحين في ناس تظن ان في احد احسن منها
ما اعتقد
شااااااااي حليب بديت اشك فيك انك من الطابور الخامس
هههههههههههههه
هذا غير ما يقال عن المصريين والشاميين وغيرهم
أما الغربيين بكافة أصولهم فالتعليق هو وييع وصخين ما يغسلون
مع ان أشكالهم تلمع دائماً :)
بصراحه اشكرك اول شي على طرحك لهل الموضوع المنتشر في ديرتنا وبين اعيالنا صغير وكبير الحريم والرياييل وااايد الكويتيين شايفين نفسنا وايد وهاذا عيب ومايجوز بالدين اصلا لانه الي في ذرة كبر ينحشر يوم القيامه مثل النمله عاد ليش انتطنز والله صرنا معروفين بشعب الطنازه والتعيب صار كلشي فينا تطنز وتعيب في كلامنا في نومنا في شربنا في مسرحياتنا الي اهي اتمثلنا ماعندنا شي مفيد واهل الخليج ما علي قاصر عندنا دكاتره اهمه عندهم عندنا محامين اهمه عندهم عندنا مهندسين اهما عندهم عندنا فلوس اهمه عندهم عندنا نفط اهمه عندهم واكثر بعد . والله صرنا منبوذين من هالشغله وانا ترى ما اعمم بس الاغلبيه بصراحه جذي والله يهدينا ويهدي الجميع ويهدي بناتنا واولادنا ويتجهون حق الي يفيدهم احسن.واشكرك مره ثانيه وثالثه بعد على هالموضوعع المفيد .
لأنهم شعب الله المختار ...ليش ماتدري ان احنا يهوود الخليج:)
اول شي .. غريبة هذا الشي بكل الناس طبيعة بشرية
ليش خصيتها فينا ؟
فطرة انه
" كلن عند روحه شيخ "
الفوقية حتى بينا و بين بعض
بس مو بهالسوء انت وايد عورت قلبي بكلامك
الديار اللي ذكرتها كلها تقول عن بعضها البعض و عنا اشياء قريبة
بس احنا طيبين نسمع الكلام و لا نرد لين لصق فينا و غصب طيب انتوا جذي
!
الاكيد ان التربية تسبب هالمرض
مو الجنسية اللي تحكم
!
we7na fe el ba7rayn enqool 3an ahal el Q8 chayfeen ro7hom :P
ma2saaa kelna.. oo enqol 5aleejena wa7d :(
مع انه انا مو من المغرورين
بس صج
قارن الكويت بأي دولة ثانية بالخليج
او حتى بالعالم
راح تلاقي انه إيجابياتنا اكثر من ايجابياتهم
والعكس بالسلبيات صحيح
ومشكور على البوست
:)
اول شي يعطيك العافيه على الموضوع..بس بصراحه وبدون زعل مالك اي حق تحط هالموضوع بالبلوق مو عن الفضايح ولا هم يحزنون انت الحين شوهت سمعت الكويتيين ومن كلامك ما احسك كويتي ..وهذا الطبع نفس ماقال اخوي عادل مو مقتصر بالكويتيين شووف الدول الثانيه موجود فيهم لان ربك خلق الناس اجناس الزين والشين والحلو والجيكر..الحين انت جااي تتكلم على الكويتيين الي ما قصروا بدول العالم من عطايا والا دعم والا اشياء ثانيه .. ويعني الحين الدول الثانيه ميته على الكويت لو ما فلوسها مو الكل اقول الاغلبيه لاهي محبه ولا هم يحزنون..وثاني شي عمره الكويتيين تكلموا على البحرينيين لان اقرب دوله للكويتيين عامه واقرب لهم بالمعزه اهم البحرينيين..هذا كلامك كله يسموونه خرابيط وهذا مو اسلوب واحد كبير..
وعلى سالفة الغزو لا تقول عن اي كويتي كان مشرد والا مذلول ..وانا ما اقوول ان الدول قصرت معانا ومشكوريين على هالشي وجزاااااااااهم الله الف خير..بس هم عشنا بفلوسنا وفلووس ابونا الله يرحمه جابر الخير..واكثر الدول واذا مو كلهم ما شاركوا بتحرير الكويت الا لهم مصلحه كل ماتقول حق شخص قالك احنا جيشنا شارك بالتحرير ما اقول لا جزاكم الله الف خير..بس كل الدول اخذوا مقابل المساعده فلوس والا اسقاط الدويون الي عليهم .. والا ماخذين جزء من ارض الكويت وانتوا عارفين..وياليت قبل لا تكتبون هالشي عن الكويت اعرفوا المعلومات عدل..الحين خليتوا الكويتيين شايفين نفسهم .. واذا نبي نشوف نفسنا ترى من حقنا واسال كل الشعوب حاسدينا على عيشتنا بس بعض الكويتيين الي نفس نوعيتك اسمحلي بهالكلمه مو حامدين ربهم على هالعيشه .. ومشكووور واسف اذا في كلام غلط..وام جنطه على ما اعتقد انتي وحده كبيره وعارفه هالشي
Nice :)
MULAN
المهارة من اليمن
JOAN OF ARC
مشكور أخوى على رد الزياره وأدرى إنه الكويتيين طيبين بس أنا أتكلم عن بعضهم اللى شايفين حالهم على غير معنى
الغاليه وردة
صح لسانك
الرك على التربيه
FREEQ8
كااااااااااااااك
الكعيبر اللى يمها
حلوة
RELAAAX
تعجينى صراحتج
يلوموننا إذا حبيناج
العزيز عادل القلاف
الله لا يحرمنا من طلاتك علينا
الغاليه تويتى
صاجه
كله بالتربيه
والله إنه حتى الخادم نحترمه فى بيوتنا
لكن،إنتى قاعده تشوفين بالكويت بعض الحالات اللى حتى الأهل شلون يعاملون عيالهم
أمس شفت واحده مع ولدها بالسوق وقاعده تهاوشه بألفاظ شينه
إذا ولدها تعامله جذى،عيل شلون الناس؟
1001 NIGHTS
THANKS FOR STOPPING BY MY BLOG AND APPRECIATE YOUR VISIT AND COMMENT.HOWEVER,YOU HAVE TO KNOW THAT EVERYONE KNOWS THAT THE KUWAITIS ARE SNOBS AND THEY ARE DEALING WITH US IN SUCH A MANNER BEING SNOBS.
I REALLY WANTED TO RAISE THIS MATTER,NOT TO DISTROY THE IMAGE OF THE KUWAITIS,BUT TO MAKE THE KUWAITIS AWARE OF WHAT THE OTHERS THINK ABOUT THEM AND TRY TO FIX THIS HORRIBLE HABIT.
NESCAFE
والناس اللى يعلقون يلومونى إننى أثرت الموضوع و فضحت الكويتيين
خل يسكتون المسلسلات أول
صح لسانك
كله مطقوق
بالكويت عندنا شويه زياده من عيار هالطبع
مع الأسف
جزاك الله خير
MAMA FUSLA
YOU ARE AN AMAZING ANALYST AND YOUR PHILOSOPHY IS SO RIGHT TO THE POINT.
LOVE YOUR COMMENTS,DEARLY.
TASTE_AS_BERRY
شكراً على زيارتك لنا وعلى التعليق
ترا لو خليت خربت و فينا بالكويت و غير بلدان الزين و الشين
لكنه،بالكويت زادت هالعاده شوى
الغاليه البندرى
حبتج العافيه و عسى الله يخليج لنا
عاد راوينا الجنطه اليديده لما توصل
الغاليه كيتى
أدرى والله لكن بالكويت زادوا الناس اللى شايفين روحهم و الريحه فاحت
الغالى مشارى
صح لسانك
بالصميم
LAWYER
أفا عليج
مرة واحده حطيتينى بالطابور الخامس؟
مشكورة و يجى منك أكثر
WHITE WINGS
صاجه والله
لو نفتح الملفات مالت تعليقات الكويتيين عن الشعوب الثانيه،جان يبيلنا أسبوع نكتب عنها
KUWAITIA
مشكوره وايد على التقدير و الله يعطيج العافيه
الغاليه عتيجه
والله و ما قالت
يهود الخليج راكبه علينا من هالحسد اللى بالكويت
صاجه
A7LA ENG
صح لسانك
بالأخير،الموضوع كله يرجع على التربيه
$ILVER GIRL
يا هلا بريحة البحرين و مشكورة على الزياره
شرفتينا
مأساة و إنتى الصاجه
معروفين
إنه شايفين حالنا
مع الأسف
MY HOME
صاج والله
الأخ عبدالله الظفيرى
شاكر لك على الملاحظه و مقبوله منك
بدون أى زعل
أنا قصدى كان هدفه تنبيه القراء على العاده الشينه اللى فينا اللى لازم يحاولون يصلحونها
إذا الموضوع اللى ذكرته تسميه فضيحه،عيل شنو راح تقول على مسلسلات فجر السعيد اللى جايتك قريب برمضان؟
على الأقل،الأقليه فينا يقرون البلوغات لكن الأغلبيه مجابلين التلفزيون
الله يستر من مفاجأتها السنه
ESGHANOONA
أرجو تفهمين إننى أنا ما عممت
كاسيرو دله
يا أخى المحترم
أرجو قراءة ما بين السطور
المقصود تنبيه الأخوة الكويتيين على الطبع الشين اللى فيهم و مو الفضيحه
هدفى واضح
أنا يمكن فخور أكثر منك بأننى كويتى،لكن عندى بعد غاريه على أهلى و شعبى اللى ما يحترمون الغير
بس إذا رجعت على هالموضوع هين
بلاك تشوف الفضايح الثانيه اللى تتداول عن بعض الكويتيين بالخارج
الستر زين لكن الغرور مو لزوم عند أهلنا
جاي حليب
اشدعواه اترد كل الكل وانا لأ....ليش بنت العبده ولا مو عاجبتك اطرووووحاتي ؛)والله مابقى قابس ما فقصته من الشطه يا حافظ....مالنا نصيب من الرضعه
والله اهل الخليج لهم الحشيمة والكرامة وحتى اليمن وغيرهم ..
بس ترى مو شرط يكون غرور .. بعضهم يعتبرونه غرور تدري ليش.. لان بطبيعة الحال الكويتيين عندهم امتيازات ما يملكها شعب غيرنا..
صج واقولها احنا عندنا تخلف من الناحية السياحية والاهتمام بجوانب الترفيه .. لكن كأفراد نتمتع بخدمات يغبطنا عليها الكثيرون .. وهذا ليس فخرا .. ولكن وجب التبيان..
وانا شخصيا قعدت مع ناس سعودين واعترفوا لنا ولكن لما عرفوا حقيقة الشعب وعرفوا من وين جاءت هذه الاشاعة صححوا معلومتهم ..
وهالاخلاق متصة بشريحة قليلة بالمجتمع الكويتي .. مو الكل ولله الحمد .. واغلب هالشريحة شباب طايش الله يهديهم .. : )
شكرا على الموضوع الحساس بالعكس اشوى انك فتحته عشان نناقش هالشي ونوضحه ..
حبيب قلبي والله شاي حليب وانا عارف انك ماتزعل فعشان جذي انا تكلمت .. وانا ما قلت انه هذا فضيحه لان هالشي الي صاير مو شايفين نفسنا على الناس كلنا عيال ادم وحوا ... بس لين نخص الكويتيين مو صح لان هالشي صاير بكل الدول بس انت لانك عايش بالكويت تعرف الناس الي هني يعني لو تروح اي دوله ثانيه اسالهم شنو يقولون عن الدول الثانيه راح يطلعولك اشياء ما تخطر لا على البال ولا الخاطر..وفجر لين تكتب هالمسلسلات اصلا انا معاها هذا قاعد يوعي بعض الاهل الي مخلين عيالهم ومو دارين عنهم وكل مسلسلاتها حلوه لانها هادفه .. ومشكوووور على سعت صدرك وتقبل كل شي
FILMGIRL
يا هلا و سهلا
وين هالغيبه؟
الصراحه،عجبتينى بصراحتك
ASEEL
THANKS FOR VISITING MY BLOG.
SARAH
صدقتى والله
الله المستعان
ALATHER
الله يسلم هالكلام الطيب مالك و عساك على القوة
بالضبط
شريحه طايشه
الغاليه أم الحفيز
لج الحشيمه و الكرامه دايم
شفت تعليقاتج على الأخوان الثانيين و لها السبب ما علقت على الردود مالتج
السموحه يالغاليه
الأخ عبدالله الظفيرى
عساك على القوة
والله العظيم اللى قلته سبته غاريتى على شعب ديرتى و ما أبيهم يكونون بهالشكل
الله يحفظك
JOAN OF ARC
سامحينا
فينا ثواله هالأيام مع بداية المدارس
Moo bs entu!
7ina 3ndana kitha too.
Some people are just ignorant.
Besides, I LUV kuwaitis :P
FUCHSIA SPUNK
WE LOVE YOU TOO
Q8-DIVER
صاج
دودا
الله يعافيك و شكراً وايد على التعليق الرائع
شاي حليب :)
تحياتي على ما كتبت هنا، لكن احب أذكر حقيقة ، ان أهل الخليج تحديدا بما فيهم الكويتيين، حينما يلتقون خارج الوطن، فإنهم لاإراديا يكونوا قلبا واحدا، اسألني، هذا الموضوع عن تجربة، يشعرون انهم من بلد واحد، والحب بين الشعوب اضعاف اضعاف ما نراه اعلاميا، فقط لو الحكومات ترفع اياديها القذرة عن العلاقات الانسانية، سأكتب شيئا بهذه الجزئية في مدونتي نتيجة لتجربة حديثة جدا عن لقاء مع بعض الاخوة/الاخوات من الخليج العربي
شكرا لك
سمحني علي التعليق المتأخر
بس ما قدرت ايود روحي من الضحك
خداي هل البحرين ؟؟؟؟؟؟؟؟
يا لهوي
صج احنا جذي ؟؟
Post a Comment
<< Home