THE NEW MUBARAKIYA
أمس رحت المباركيه أتمشى كالعاده كل أول ويك أند من الشهرأول شىء ,أبتدى بالمطحنه و آخذ منها كيس حب حق الطريج
بعدين, أروح حق سوق التمر علشان أحلى ريجى عقب ملوحة الحب اللى تنشب بالريج
و عقب الدبق اللى بالإيد من التمر , أروح حق أقرب محل طيب أرش إيدى بكلونيا و أتبخر
لازم كل روحه للمباركيه , أوقف بسوق الغربللى علشان أشترى قحافى و غتر
بعدين , أروح سوق الحريم علشان أشترى دهن بو فاس و مفاريك
لكن فجأه و أنا بسوق الحريم , إلتفت وراى و إلا محل يديد و مبنى مصبوغ أبيض شحلوه وفيه فترينات و كشخه
رحت جمب المبنى وإلا اليافطه مكتوب عليها
الصراحه
محل روعه و عجيب و فكرته مبدعه إنه يكون بالمباركيه
أنا أقول لازم محلات الماركات تفكر تسوى مثلهم و تفتح لها فروع بالمباركيه
على قولة المثل
عتيج الصوف و لا يديد البريسم
برافو عليهم فيلا مودا على هالخطوه الجريئه
posted by Chai-7aleeb @ 2:55 AM
11 Comments:
خلصت الاماكن ؟؟؟
:)
7abeet ur routine!!!
لووووووول جوله حلوة شخباري المباركية جم سنة صارلي مارحت هناك ومادري عن التغيرات اللي صارت بس صدمتنيييييييييييي والله فيلا مودا هناك آنا شفته بالمنشر ووقف قلبي شكو بهالمكان ألحين بالمباركية نو ويييي مولايق والله شفيهم شهالتوسع آنا أقولك الظاهر عشان الستوكات يحطونها هناك هذا إللي أتوقعه
تدري هذي جولتك لو أسويها تعتبر مغامره بالنسبالي مثل ماعندي أمنيه أغامر وأروح الجهراء اللي ولا مرة طبيتها ودي أغامر وأروح المباركية شوّقتني والله
يسلمو على هالجولة الحلوة المسلية بس ضيّقت خلقي من الملح لي الحلى؟؟ لااا واللي عجبني أكثر شي بوفــــاس ليش يعني..شخبااااري من زمان موسامعة اسمه..لووووول
جاي حليب
ياربي اشدراك؟؟؟ انا كل خميس وترك احووووووووس هناك الله يا هي اناسه ماصارت وعمار ياكويت محد يموت يوعان ولا مفصخ هالرخص والاكل العجيب والجو هالايام اشحلووووووووه اما بيلامودا صج هالمحل فنك وفناتك اتصدق عاد ذاك اليوم تعشيت فيه الله يا اكلهم لذيذ والماعين المعلقه اي ملاليس وجدور ومناخل و وطوس معلقه على ابو ديكور اتصدق يشوووووووق المكان وخوش دراريع عندهم اخذت لي دراعتين من عندهم يهبلون واسعارهم خوش شي لا بالله جولتك خوش جوله....بس غميضه سوق الحريم مافيه ابدويه تبيع ابداا كلهم من فصيلة الزلمات ومصريات وهنود وبراقع وناهيتك عن الكواوله عيني تريدين اناوشج هالريحاااااااه خلوووووووووه وقطع
مساء الخير جاى حليب
الله يا سلالام خوش جوله
:)
بس ما اتفق معاك ان تفتح ماركات بالمباركيه
يا اخوى حلات هالمكان ابساطته
وشعبيته الصراحه مو مال ماركات يملق المكان
يروح طابع التراث منه
لا يا معود خله جذى
الواحد لى دش هناك يكسر ويغير
ويحس براحه
ليش تروح اول الشهر؟ تنطر المعاش؟؟
:)
i second warda!!
الا المباركية.. المكان الوحيد اللي لا زال محافظ على تراثنا
شلون ما تمر على راعى السمبوسك؟
أنا سمعت إنا فيلا مودا راح يفتح هناك، بس ما شفت دعاية إنه فتح، مشكور عالمعلومة
احلى ماعجبني في فيلا مودا المباركيه الكبوس اللي على شكل طربوش جان اصوره .. بس غالي يااخي غااالي .. والحين يقولولك مشكيين في مصداقية البضاعه .. ويقولون مالك الا سوق المباركيه ياولد الحجيه
Alllaaaaaaah Mbarkiyaaaah :-)
But villa moda shouldn't be there, it ruins the lovely traditional ambiance.
هاهاهاها
مشكورة على هالصور و الجولة الحلوة
إي سوق المباركية وايد حلو..وأحب أتمشى بسوق الزل القديم و الكنابل يم سوق السلاح..
والسوالف مع الشياب بالمحلات عن السوق و سماع نجرتهم و همومهم بالديرة و شلون عايشين ببساطة مايحاتون إلا المطر لي طق..يخر عليهم السقف بس ! هههه يا حلوهم
بس حسافة ما تضمنت الصور مطعم السمبوسة اللي براس سوق التمر !
هالمطعم قديم جدا جدا جدا و كان قبله أول مكتب محاماة في الكويت و اعتقد مازال الإعلان موجود على المطعم..اللي سمبوسته تسوى وسابي و ماكي !
Post a Comment
<< Home