HASHAASHA
هالأيام
قاعد أشوف مرض هشاشة العظام كاثر بالكويت و خاصه عند البنات و الحريم
كل شوى أسمع عن بنت متكسرة بسبة طيحه أو أى عفته إيد أو رجل بسيطه
ديروا بالكم يا بنات و روحوا فحصوا روحكم
ما لنا خلق نشوفكم مثل هالصورة
posted by Chai-7aleeb @ 11:18 PM
39 Comments:
انا اعتقد الاكل له تاثير كبير
اما بالنسبة للحريم لكبار هذا طبيعي و الزم ياخذون مقويات
السبب نقص الكالسيوم والعوامل المساعدة على إمتصاص الكالسيوم
الكالسيوم عجيب: إن زاد ضربت الاملاح و ان نقص ضربت هشاشة العظام!
الله المستعان
في بحوث أثبتت ان البيبسي سبب قوي لهشاشة العضام، انا أشتغل بمستشفى و قاعد أشوف هالمرضى مساكينيكسرون الخاطر، المشكله ان ما نقدر انسوي شي إلا نعطيهم المقويات، و أغلب الحالات ما ينفع معاها لأنهم ايون متأخر ما يفحصون أول بأول مثل ما انقولهم.
ومشكور يا اخوي جاي حليب لأن فتحت هالموضوع، و انشالله انا راح أكتب بوست بالتفصيل عن هالمرض
جاي حليب
والله انك صاج بروح افحص لاني مالي قلب على السامري ما تسوى على تعرجب بوسط الميد ولا انا متشردقه بوسط الميد...بعد سامري وجبس ما يرهم ابد
جزاك الله الف خير....ومن باجر صندوق الموز بالبيت حق الكالسيووم
من الخماجير اللى ياكلونها قمت احس المتينة والعصلة بطنها خايس ماياكلون اكل فيه فايدة حامل وطايحتله اكل اللهم كافى
اذكر كان معاى وحدة بالدوام موكويتية بس حامل حاطة قوطى فيه جزر وفلفل اخضرالبارد وخيار وتاكل تقول صخلة واحنا اذا حملت المرة من مطعم لى مطعم واذا قتلها لييييييش قالتلك حبيبى حامل قاعد اكل عن اثنين يامال ينيييين يشيلون كل وحدة تبى تمتن :P
أكيد الأكل له تأثير
لكن التأثير الأكبر هو الحمل والولادة لأن الجنين يستهلك كل الكالسيوم الي عند امه حتى تنبني عظامه واسنانه
لازم يشربون واااااااااااايد حليب :)
شاي حليب
الصورة حلوة وعجبتني, وعن إذنك باخذ منها نسخة للإستخدام الشخصي
ونصيحتي للبيضة الكسورة إنها تفرش روحها بمعجون أسنان كرست عشان ما تنكسر, مثل الدعاية
:)
بالنسبة لهشاشة العظام فهي من الامراض إللي بدت تنتشر بالعالم ومو بس بالكويت, مثل السكر والضغط وإرتفاع الكوليستورل وبقية اللستة, وأعتقد السبب هو اللايف ستايل ونوعية الأكل إللي يدخل ببطوننا
السبب الطبي المعتاد والقديم لهذا المرض هو إنخفاض مستوى الإستروجين عند الحريم بحكم السن وإنقطاع الدورة الشهرية أو مثل مايسمونه سن اليأس, وهذي علاجها يكون عن طريق الهورمون ريبلايسمنت ثيرابي, وهم هذا العلاج له مضاعفات قد تؤدي باحيان كثيرة للسرطان, الثدي او عنق الرحم
لكن الغريب بهشاشة العظام ألحين إنه بدأ يصيب الحريم وهم بسن صغيرة, يعني العملية مو طبيعية
المضحك بالأمر بديرة الخير, إن علاج هشاشة العظام متوفر بوزارة الصحة, وهو دوا يساعد الجسم على إمتصاص الكالسيوم وفيه منه نوع يُستخدم عن طريق الانف كبخاخ, لكنه مكلف ووايد غالي, وماينصرف إلا لما الوحدة توصل درجة الهشاشة عندها للمرحلة الحرجة, يعني بعد خراب مالطا
وبس, تعبت وانا اكتب
enough said
:(
لمياء الحالمه
اسمالله عليج عسى مافيج هشاشه باطرااافج؟؟؟ ماتشوفين شر وعساج ماتتعبين الا بالخير يا اعوينتي ومشكوره على الايضاح المويز ماقصرتي
:( barooo7 ashtereeeli 7booob calcium min il 9aydaliya al7eeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeen ...kelish 3ad wala yenkeser feeni shay ...ismella 3alay :(
والله الامراض تالفه الشباب هشاشة عظام وتصلب متعدد وسرطان و حساسيه ومحد قاعد يسوي دراسة لبحث اسباب هذي الامراض اللي انتشرت بعد الغزو
والله يا جاي حليب حتى اليهال فيهم، علاجه بالحليب والكثره من الخظار الخضراء والبروكلي يحل محل الحليب تقريبا
الله الحافظ ويكافيكم شر الأمراض
اللي يعور القلب ليما أشوف الياهل فيه سكر.. حتى الحلاوه والككاو بالحسره خنت حيلي
Matshof shar chai 7aleeb ! Tawni ashof el post ely gabel hatha
ajer o 3afya inshallah.
esmella 3aleena brooo7na emlazegeen
ya 7asrety ween man6egha galoo eysabbeb chethy eyeeb chethy
shnakel
shensawee
allah el7afeth
by the way menapose needs lots of supplemnts and food to avoid such problems
merci 3alma3looma o 17oofik 3alina na7no algawareer
:)
شاااااااااااااي حليب
ممكن سؤااااااال
حاط كاميرا في بيتنا
او انت اخوي ما ادري عنك
ابووووووووووي يتحلطم علي على هالسالفه
كل شوي يايته يبااااااااا
متكسره
طقني الباب
يباااااااا متكسره
هفتني المكتبه
بقوووووووم من القنفه
اهبد على ويهي
و ان شكيييييييت
قالي سوي رياضه قوي عضلاتج
شربي لبن يمتص الكالسيوم الي في الجسم
اكلي كالسيوووووووم
بس اقووووووووووول شاي حليب
ياللي حاااااااس فيني
على طووووووول
كسرررررررر الايد ينبرا
بس كسرررررررررر القلووووووووووب
اهوووووووووووووو الي ما له حل
و سلامتك
و الظاهر انت يوووووووووعان على بيض العيون هذا
شوقتني
Does this prove the chicken came before the egg? Hmm...
أزيدك... مرض سرطان الثدي... وايد منتشر بالعالم... الله يستر و يحفظ أهلنا جميع
engineeroo
طفااااا طفااا فالك ما قبلناه......وش هالطاري يا دافع البلا.... بسكم تخرع فينا 80% من الامراض اسبابها الوسواس والتشكك بالنفوس..وسبحانه يقول توقى يا ابن ادم واقاك والي يعافيكم فكوناه من هالطاري ترى انقمت صدري....وتفائلوا بالخير اتلاقونه
بس شربوا حليب واكلوا موز واجبان وبيض ومولتيفيتاميـــن ونفحص عند الدختر وهذا دوانا وعلى الله اشفاناه
وجزاك الله خير يا جاي حليب واقلووبوا الصفحه والي يعافيكم
اولا الحمدلله على السلامة
وما تشوف شر ان شاء الله
اما عن الامراض فالغريب ياخوي انه بعد التحرير زادت امراض السرطان الله يكافينا الشر بزيادة غير طبيعية
اما الهشاشة فاعتقد سببها نقص الكالسيوم ونوعية الاكل والعمر
اي والله بسكم تخرع حرام عليكم اشدعوه المرض ما يحوش الا الحريم والبنات !
اسم الله علينا
انا انصح بالرياضة خاصة المشى
مشاري
اشهاليور !؟ اشفيك ياينا كلك الحين بس البنات ابطونهم خايسة من هالاكل !؟ ما جنك تبلع ماكدونادز وكنتاكي
اذا الحامل عندنا وعليه تاكل عن اثنين انتوا الريايل لي تجابلتو بالدواوين كل واحد كله عن عشر والدليل تفشي الكروش بين الرياييل بشكل كبير
سلامتك يا جاى حليب خطاك السو عليك بعصير برتقال فررررريش كل يوم الصبح يبعد عنك الأنفلونزا
بالنسبة لموضوع هشاشة العظام ، للأسف سوء التغذية عند البنات في الجيل الجديد قاعدة تييب لهم أمراض، قول بالنسبة للحريم للكبار أول ماكو فيتامينات أثناء الحمل أو بعده أو كان في بس ماكو توعية. لكن اليوم الكل يتكلم عن الصحة والأغذية المفيدة للجسم واحنا عيالنا يا في ماكدونالدز ولا المطاعم ويا ريت ياكلون كله خايفين يسمنون علشان الهدوم. لا أموت يوع وأستمرض أحسن حتى وهما حمل ياكلون رقى وكيوى علشان ما يمتنون وييبون عيال اسراوه وبعدين آي وآي يتشكون. الله يحفظ الجميع
أم الحفيز
ماعبر على اللوك اليديد شكلج طايحة على صالون يديد وقاعدة تسوين تجارب ألوان وتسريحات حق رمضان يالعيارة ما تعلبين إوخيتج العين الساهرة، عاد الشيب طلع ويبيلى أحط حنة قبل رمضان
اسم الله علينا كلنا
:/
يعطيك العافيه على هالموضوع صاج والله المفروض الروح نفحص وانشوف عشان نلحق على عمرنا الله لا يقوله
el9ara7a e7na elbanat netdala3 wayed , o nsawey nafesna man7eb shay ya3ney tharbeen waaai ma7eb el7aleeb ylawe3 chabdey ma7eb elsmaaj 7adda zafer waai shlo0n taklo0n chabdat elbgara ? :S o waai o waai o waai o mabega shay maan7eba bs sha6reen n3alef bhaldeyay o bhal gahawii o bs o elshay elmo0feed man7ebaa :S
الله يكافينا الشر
Faqer dam ba3ad =/
العين الساهره
اشدرااااج ياربي ما يغبا شي بهالديره...قاعده اعابل بعمري وتغير يرد الروووح وانا اختج...صبري على اشوووي واواريج الفنون بالسارحات عقب كل تسيوره في رمضان بصور وانزل الصوره بالبوست....بسوي الفنك اخر العمر جفن وانا اختج ويالله حسن الخاتمه
عا تصدقين انا اول كل ما اطيح طيحه بسيطه ..احس جني متكسره
والا اصير بردتنه .. جسمس وعظامي كله يعوروني .ز بس من عقب الرياضه والنادي الحمد الله وااايد احسن
لازم يكثرون من شرب الحليب ولاكن الكثير منهم ما يحبون الحليب اقترح عليهم يخلطونة مع الشاي و إذا مايحبون الشاي يمرون على موقعك المتميز يمكن الله يهديهم
ماادرى منين جايب هالبيض...صرت مثل اخواننا المصريين...كانوا يخلون الكتكوت يرقص...واحنا متعجبين...بعدين عرفنا شلون
المهم دوماً مبدع الموضوع خطر والطرح فكاهي محد يقدر على جذي غيرك...موفق
ملاحظه نزل الجزء الثاني من الذكريات عندي بالبوست ... مر ولا تحرمنا رأيك
This comment has been removed by a blog administrator.
كيتي
ياحــــــــــــــــــــــــــافظ ماشفتج عندي بالبلوغ اشدعوووووووووووووواه؟؟؟
بعد موقعي مايبيله ادلاله ابد ورااا عاير بلوغ البندري وهذا العنوان
http://um-al7afeaz.blogspot.com/
او فقصي الفاره على صورتي ومسرع ما اقلط عليج
الكلام لج وللحاضرين جميع حياكم الله ومنك السموحه يا جاي حليب جني سويت اعلان عندك!! بعد انت راعي واجب وواصل اسمالله عليك
والله لا يخليني منكم جميع
hehehehehehe
عجبني البيض
ما ينكسر بمقله بالدوّه
الكالسيوم ينقص بالجسم بالنسبه للحريم عند إنقطاع الدوة بسبب الهرمون
و يقال و العهدة على الراوي إن بعد سن الثلاثين يجب دعم الكالسيوم بالنسبه للجنسين
الدكتورة ريما معاكم
هاهاهاهاها
بنات الكويت معظمهم للأسف تنابل
لا رياضة و لا اكل صحي و دلاليع و ما يتحركون
خلني ساكت مالي خلق جبهة مسدودة
اكيد بسبب كثرة الببسي
و الله يعينا على هالامراض
وتحياتيلك
وســـــــن
الله يعينك
شوووف جم وصل الكومنت
أساعدك و أرد؟
إذا تعبان إرتاح مسامحينك علي الرد
هاهاهاهاهاها
طمنا عن حالك
يا ليت يت على هشاشه العظام...:)
المشكله في هشاشة العقل والقلب...هذا المهم..:)
=====
مشاري
هدييييي اللعب شوي....:)
من الكالسيوم
قلتوها نقص الكالسيوم واحنا ممسوحة من حياتنا وجبة الافطار الريوق
ما نتريق الا اذا بغينا نطلع مطعم حق الريوق
نفسي اليوم:p
عاد قاعدة افكر بالكرواسون اللي على الطاولة بس مصبرة نفسي مايصير اتريق مرتين:p
توني ادري انه الموز يدعم الكالسيوم
الله يبعدنا عن الامراض وكلمن مر
قولوا امين
chai-7aleeb
3asa ma sharrr, mako menik comment yet 3ala ili ketabnaa 3an il post , 3asa ma zadat il flu 3alaik ??
anyways matshoof shar, bs 7abait as'al
آسف وايد إننى تأخرت عليكم بالرد
كنت شويه مشغول و تراكم الشغل على عقب الصخونه
السموحه
DIVER
YOU ARE RIGHT.CALCIUM IS THE REASON.
الأخ حسام بن ضرار
معاك حق
الكالسيوم لعين
PHYSIO-80
WELL DONE AND GOD BLESS YOU.
الغاليه أم الحفيز
شوى شوى على السامرى و روحى فحصى الله يخليج قبل ماتهبدين أو يصير فيج شى
مالنا خلق يالغاليه
الأخ مشارى
صاج والله
الناس أغلبها بالكويت ما تنتبه للى يأكلونه و أكلهم كلش مو صحى
ما عطانا ما عطا اللبنانيين اللى طول الوقت يقروضون بهالخضره و الفاكهه
وإحنا ربعنا كاكاو و بطاط
AUROUS
THANKS FOR YOUR KIND VISIT AND COMMENT.YOU ARE SO RIGHT.
لمياء الحالمه
أبدعتى صراحه
و نورتينا بهالمعلومات و التحليل الرائع
عسا الله يعطيك العافيه
الغاليه ورده
عساك ما تفقدين عزيز
بسرعه إخذى كالسيوم بس حاولى تعدلين أكلك
الغالى فزى
صاج والله
طايحين له يبنون مجمعات و أسواق و هاملين الصحه و التعليم
الغاليه سارة
لوووووووووووووول
دائماً طرح غريب بالبلوغ مالتى
الله يحفظك
A DAYDREAMER
HURRY FOR CALCIUM.
KUWAITIYYA
مشكورة وايد و عسا الله يخليك
عسا الله يحفظك و يحفظ عيالك و عيالنا
الغاليه البندرى
عسا الله يحفظك و يحفظ الكل
LAWYER
عندى كاميرا خفيه فى بيتكم
لوووووووووووووول
عسا الله يحفظك
HARRY KANE
DEFINATELY THE CHICKEN
الغاليه كيتى
هالأيام
الرياييل عندهم مشكله أكبر و هى البروستاتا
ENGINEEROO
AMEEEEEEEEEEEEN
الكويتى الحر
آمين
الغاليه تويتى
الله يحفظ كل البنات
والله قلبى عليكم
الغاليه العين الساهرة
الله يكافينا الشر و مشكورة وايد على السؤال عنى
دايماً سباقه
الغاليه سحليه
آمييييييين
KUWAITIA
AMEEEN
ZABOOO6A
LOOOOOOOOOOOOOOOOL
Q8-EYE
AMEEEEN
BEDOUIN
YES
ESGHANOONA
YOU ARE RIGHT
SMILE
YOU ARE RIGHT
Q80-BATMAN
THANKS FOR YOUR VISIT AND GREAT COMMENT
FREEQ8
COMING SOON TO YOUR BLOG MY DEAR.THANKS FOR YOUR COMMENT.
الغاليه دكتورة ريما
عسا الله لا يخلينا منك و من نصايحك
الغالى كله مطقوق
تنابل
فعلاً
بس مو كلهم
BANGBANG2
DON'T TALK LOUD ABOUT PEPSI
MAYBE SOMEONE HERE IS INVOLVED IN THE PEPSI FACTORY.
الغاليه ريما
والله
ويلومونى إذا عزيتك و حبيتك
حتى خنت حيلى حاسه فينى و بالكومنت و الرد عليهم
قولى آمين
عسا الله يوفقك و يفتحها بوجهك وين ما رحتى
Q8YA
آآآآآآآآآآآه
هشاشة القلب وايده هالأيام
لوووووووووووول
مشارى
البنات قايمين عليك
لووووووووول
ALATHER
موزه كل يوم ما تضر مع الكرواسونه
لا تخلين بقلبك شى
بالعافيه
Post a Comment
<< Home