RAMADAN CONSUMPTION
يا ترا، كم تتوقعون أستهلكت الكويت من بطول فيمتو خلال رمضان السنه؟
و بعد كم علبة ورق قصدير أستهلكوا البيوت حق النقصات و تطرش الأكل للبيوت؟
posted by Chai-7aleeb @ 1:57 PM
Tuesday, October 24, 2006
و بعد كم علبة ورق قصدير أستهلكوا البيوت حق النقصات و تطرش الأكل للبيوت؟
PROUD TO BE A KUWAITI
Previous Posts
- RUN FOR THE SALONS
- WHAT'S HOT IN RAMADAN
- KAKA
- I'M BACK
- DYNASTY
- ROYAL MCDONALD'S
- FEAR OF DARKNESS
- HASHAASHA
- TERRIBLE INFLUENZA
- WHAT IS YOUR COMMENT?
25 Comments:
السنة الماضية جمعية الجابرية أقرت قانون عجيب، بطلين فيمتو لكل مشتري، كان الناس يدخلون يشترون بطلين ويطلعون ويرجعون يشترون بطلين آخرين
شي عجيب
:)
عيدك مبارك أولاً
ثانياً ، بس بطول فيمتو وقصدير، السنة بصراحة يالناس زادت بأعداد هائلة أو الفجاعة زادت، كل شىء خلص من الجمعيات، صار مخامط لمدة إسبوعين الكثير من الأساسيات إختفى من سوق الكويت بالكامل، عيل تصدق إن اللومى الأسود يخلص من مخازن مجدى ومن الشركات الأخرى، بالذمة شنو يسوون باللومى، حدة حبتين حق شوربة العدس
بصراحة التجار أرباحهم في شهر رمضان تعادل أرباح سنة، اللهم لا حسد
شوف الله يسلمك...بطولة الفيمتو عليها طلب طول السنة ....لكن في موسمين ايصير طق عالفيمتو
الموسم الأول في رمضان
والثاني يا الغالي بعد جم شهر
.
.
.
.
كل عام وانت بخير وتقبل الله طاعتكم جميعا
والله مادري ليش ما يحلى الفيمتو الا برمضان !!
سنه من السنين خلص من الجمعيات !
و صار سلعه نادرة !
لدرجه انه البطل صار فوق الدينار !!
و غير رمضان تلاقيه مقعد محد يدري عنه !!!
لووووول
بدعت
صراحه عن نفسي
ماشربت فيمتو برمضان الا مره وحده
لووووووووووووووووول
ولا عشان امي بس مو عشان انا ابي
:P
Haha!
3idik mbarak :>
و كم بيذان؟؟
لان من نص رمضان خلص من السوق
مدري اشكثر الناس استهلكت
لكن الي اجززززززم فيه
لو يسولونا سكانر على الكويت بكبرها
بيطلع لونا حمررررررررر
من هالبينتوووو
الي شربناه
ياعل مداخيله العافيه
:)))
و اما عن القصدير
والله مدري
بس لازم اكو حل
حرااااااااام جذي
قبل الفطور نغطي 10 مواعين
بعد 10 دقايق مشولين
و بزباله
و انت بكرامه
جاي حليب @_@
الحمدلله انت على قيد الحياة لوول
ما تشوف شر من هالفايروس فقدناك والله
كل ما ندش والا صفحه بيضا قلت الظاهر ماكو شاي بس الحليب ساح عالصفحه =\
عيدك مبارك =)
ومثل ما قال اخوي كويت اي الفيمتو له موسمين لووول
عيدك مبارك..:)
الله يزيد ويبارك..;PpPp
Eid mubarak....
3eedik imbarak :*
بالعافية :)
وكل عام وانتم بخير
كلنا نحب القيمتو وفي زيارتي الاخيرة للصين شربت شاي ساخن مثل الفيمتو بس عجييييييييييييييييييييب
المشكلة في رمضان كل يوم اختلف مع اولادي شربوا شئ دافي اول علشان معدتكم ما تتعب وهم طناش فيني طبعا الفيمتو يكسب ام القصدير حدث بلا حرج والماعين الضايعه اكثر اصلا كل سنه اشتري ماعين واقول هذي ماعين سبيل محللين الي ما يردونها
صاج والله يااخوي .. تساؤلات حيرتني انا بعد
:")
جاي حليب
الصراااحه الفيمتو بقوالب الثلج عجيب خوووش بررد
والبيمتو بالصيف على يال البحر اكثر شي منعش ويسرسح على اليوووف
ومن ناحية استهلاك عد وصف اسمالله علينا شعب المطاعم والبلعه بس العجيب ان بالمطاعم ما يقدمون لا فيمتو ولا بيذان مادري ليش!!اما من ناحية القصدير ترى مو بس بالانقص حتى بصالونات الحلاقه حق الصبغ والميش واللذي منه استهلاك القصدير ادمان وعلى غير سنع عند بعض الجماعه
وكل عام وانتوا جميعا بخير
اكو سر بين الكويتين والخليجين عموما بينهم وبين الفيمتو
بس يا اخى الوالدة عسى الله يطول بعمرها عليها عياااااااار بالفيمتو يسرسححححح
عجييييييب ورويسك 3 كلاصات اقل شى يالله يبرى قلبى من العطش :))
وينك يا اخي , عبالي اعتزلت سايتك كان خربان
LOL,Madry?
3eedik mbarak!
Off Topic
are you 7asawy?
السؤال اللي يطرح نفسة
كم دينار انعطى للعيادي خخخ :)
عيدك مبارك
:)
والله مادري ليش ما يحلى الفيمتو الا برمضان !!
سنه من السنين خلص من الجمعيات !
و صار سلعه نادرة !
لدرجه انه البطل صار فوق الدينار !!
و غير رمضان تلاقيه مقعد محد يدري عنه !!!
اخالفج
الفيمتو مثل الماي بالكويت :/ خصوصًا في المخيمات وبعد كل لعب كرة :)
من صجج البطل وصل دينار؟؟ ماني خابره أقل من دينار؟
ماني عارفة ليش بس برمضان؟؟؟؟
شي غريب؟؟
طب سؤال ماسألته جويهه
ليش بيذان بو لحية بالعيد؟؟؟؟؟
ضيف عليهم التانج
لا ومانبي نمتن بعد !!
ووووييييييهه
انتي من ووين طالعة يالسامرية
يازينتس
خف طينة
وجويهه اقول ببطل ادش سايتك واعلق فيه
شنو هذا تحط بوست وايدينك ورا رقبتك تتفرج بس عالاوادم تعلق ولا تدش على سايت احد تعلق بالغلط
صدقني ببطل ادش
الحمدلله على السلامة..
عيدكم مبارك
وتقبل الله طاعتكم..
وين هالغطة..
فقدناك من غير شر..
حبيت اسلم ولو انها متأخرة ولكن
لابد ان تصل :)
الفيمتو + القصدير + التانك..
الفيمتو ما اشتهيه الا في بيت اليدة :)
والله يعود رمضان لينا وعليكم باليمن والبركات
kam ya tura:P?
Post a Comment
<< Home