OLD LOVE
فى دول الغرب،دايماً نشوف منظر الشياب و العجايز ماسكين إيد بعض و يحبون بعض بالشارع و المطاعم و هذا منظر يونس و يثلج الصدر
لكن بمنطقتنا،و بالأخص الخليج، عجايزنا لاعب فيهم الروماتيز و الأمراض و شيابنا سكرهم و ضغطهم بالسما و محد فيهم له خلق الثانى كأنهم متزاعلين و ما عاشوا هالسنين مع بعض
ليش يا جماعة الخير ما نشوف هالمنظر اللى بالصورة عندنا؟
posted by Chai-7aleeb @ 2:23 AM
17 Comments:
جاي حليب
اي والله صاج.....بس انا خارجه عن هالقاعده الخليجيه لاني انا وخلي تسامرنا وحجينا حجينا وتعاتبنا وتنادمنا ورضينا.....وبعد ما اقول اها اي واللله
طول عمري ايدي بايده وانتهامس بالمجالس وبالمطاعم انتجابل ونتسامر والله لا يغير علينا الا بالخير الاكثر....وحلات الواحده والواحد لازم يبينون مشاعرهم...ياربي الروح تعشق العشره الحلوه والحي يحيك...بس بعض الحريم فيهم دعاله ولا بعض الريايل والله العظيم على اطريف بس يبيج ادليلينه وتحطينه بخريطة مشاعرج..مو بس عند لزووم الخرده!!!اتصدق يا جاي حليب نشوفهم بره والله العظيم يشوقوووووووون بس هم اقول لك الحرمه منا بعضهم ترى حياااااوين
مسرع ماتسرد عليك السرموده هااااااو عقب ما شاب ودوووه الكتاب....ويــــه راحت علينا...بعد اشلون نمونة اتحبط احمر اخضر؟؟
بغض النظر عن كلامك .. الصورة روعه
yea..its so rare to see old people still in love, coz it takes a helluvan effort..that no1 is yet ready to exert.
i'd love to see exceptions though.
Yady o yadity dayman nijra.
Bs itha yadity safirat cham yom yady t9ik fe ildinya o yolah 3alaiha !!! Lay daraja ina kilsa3a ydig 3l ma6ar ys2al il 6ayara iw9alat o la.
O ham yadity ma t7ib t6awil bil 6al3a 3alashan tadry ina bro7a na6rha bil bait.
How sweet is that?
Allah ytamim 3alaihom o y6awil ib 3omrhom inshAllah:)
لان الخليجيين يعرفون حق هالسوالف فيخلونها بينهم وبين نفسهم عشان لا يملون من بعض هههه!!
:)
السلام عليكم جميعا
موجود كفايه خوفهم وحنانهم وحرصه على بعض يا زينهم لما يتجابلون و يسولفون عن أول حبهم معمر بقلوبهم ويغطي أولادهم وأحفادهم وأولاد الأحفاد ربي يطول بعمرهم ويعطيهم الصحة والعافية وراحت البال والخاطر اللهم آمين .
اي والله اهي لو رادة على الامراض محد يخلى بكل الدول بس شيابنا كله معصبين وعيايزنا يا مساكين يا حناننين المهم ان دايمان نجرة مع بعض
اتصدق مرة راجعني شايب عمره بالستينات يقول بتزوج وحدة عمرها 28 !!! وين شياب اول وشياب الحين
لأن الشياب الأجانب مو متزوجين من ثلاثين سنة
تلقاه كان متزوج وحدة و مطلقها بعد عشرين سنة و توه متعرف على عيوز يديدة عشان جذي رومانسي معاها و يطلعها و يونسها و صايرلي قيس و ليلى معاها
لوول
شكرا و الصورة روعة
لا لا لا .. وين قاعدين عاد .. ماتوصل لين تشوف هالمنظر في الشارع !!
يبا بسيارتك انت و مرتك في مطعم ماخذين راحتكم في مكان صاد .. مو أشكره جدام الناس بوس !!
تمسك إيدها آمنا بالله .. و تتضحك و تتغشمر انت معاها بالشارع كيفكم .. لمن يوصل انك تبي تشوف هالمنظر في الشارع ما أظن !!
يعتمد على طبيعة و تربية الزوجين .. هل هم من بيئة محافظة أو دينة أو ملتزمة أو فري .. كل يوسي بأصله مثل ما يقولون :)
** كل يسوي بأصله .. تعديل للبدلية
الظاهر شحنات الحب طول هالسنين .. تولد شحنات عكسيه على اخر العمر
This comment has been removed by the author.
You ask why old people don't hold hands and kiss on public?
Dude, young people don't do it. nevermind our old timers.
هذي لبحتي على امي و ابوي
طوووول السفر
شوفوووو هالاجانب يفتح لها الباب
يبلسها البالطو ماسكين ايد بعض
و امي اسم الله عليها
طايره بالسوق
و ابوي بس يهاوش على الوزن و الجناط
الحب عندناااااااااااااا
شي مو موجود ابد
المحاميه
حبيبتي الحب موجود بس غير متداول علنياً...ويـــــه احبك وتحبني بعد ليش المشاحط جدام الناس حق النضله والتغبط لا الا بقول ماني مرتاحه وضايقه الويل حتى ماينظلووووني على حبيب العمر....هذه هي القصه وبس
allaaaaaaahhhhh!!!!!!
abeeeeee mithil hal soraa!! =(
i always tell my friends that love is not we hear about these days...those are flings....but love is an on growing process...its when your old,sick,fat,can't remember your name and your face is full of frickles yet he'd still think your beautiful!
He's just kissing her goodbye so he can run off to see his 25 year old girlfrind. oooooooh... was that cynical or what?
Post a Comment
<< Home