BROKEN
يقولون الناس إنه كل مكسور يتصَلح
هل تعتقدون إنه هالأشياء المذكوره أدناه تتصلح إذا إنكسرت؟
الحب
الإستكانه
الصداقه
عروة القورى
الثقه
المفتاح المتقلقص بالتجورى
الصحه
قلم الحمرة
الصدق
الفستقه
العشره
كعب الجوتى
الفرحه
سحاب النفنوف
الخطوبه
الأظافر
؟؟؟؟؟؟؟؟؟؟؟؟؟؟؟؟؟؟؟؟
بإنتظار أجوبتكم
posted by Chai-7aleeb @ 6:58 AM
29 Comments:
yemkin yet9ala7, bs la yemkin yerja3 mithil ma kan :)
min experience, i know il athafer tet9ala7 :P bes i prefer yenga9oon kilihom ;p as for il lipstick.. itha il lon wayed 3ajbik/3ajbich u can use il brush malat'ha wihya maksoora ;p
every cloud has a silver lining!
في اشياء وايد تتصلح
منها الحب والثقة و و و
لكن يبيلها صبر و وقت
ويبيلها قناعة ان كل انسان ممكن يغلط
وكلنا بشر
ونعطي فرصة حق الغير
هذي بالنسبة للحب والثقة الخ
اما الحمرة
ترى تتعدل
في طريقة انج تحاولين تردينها مكانها وتحطينها بالفريزر او بالثلاجة
وراح ترد تلزق :):)
قارية هالطريقة
بس مو كل شي يتصلح
وحتى لو تصلح
في اثر يبين
Well, about the things u mentioned. Some of them can be fixed and become as good as new, others can be fixed but will always be weaker than before, not quite the same. And somethings like ur istikana, can be fixed, by sticking all the little pieces together, but is it really worth it? Just buy a new one.
When it comes to relationships, i think it is possible to fix things to become better than before, but both sides must really want it. No matter how bad a person has acted, that person can make it up.
I sound very naive, i know.
الاشياء المعنوية اذا إنكسرت تحتاج وقت وجهد لإعادة بناءها من جديد ولكنها لن ترد مثل ما كانت
ام الاشياء المادية فعند ريلي
**سوبر قلو **
يلصق الي ما يلصق مره طاحت سراميكه من الطوفة في بيتنا حط عليها من هالقلو ولصقت لصقه مو طبيعية
صج عجيب هالقلو
بعض الاشياء المعنوية مفهوم الاصلاح فيها مفهوم نسبي..مثل الحب والصداقة الثقة والصدق والعشره والفرحه..حيث انها تختلف من انسان الى اخر في كيفية الاصلاح..هنام من يستطيع اصلاحها وهناك من يصلحها ولكنها تبقى عرضة للكسر وهناك من يبقيها مكسوره مستبدلا ايها بواحده جديده...!!!
حتى الاشياء المادية ..بعد التفكير..اعتقد حتى الاشياء المادية ينطبق عليها مفهوم النسبية في الاصلاح..How ironic
الشاعر يقول يا جاي حليب ..
إحرص على حفظ القلوب من الأذى
فرجوعها بعد التنافر يصعب
إن القلوب إذا تنافر ودها
مثل الزجاجة كسرها لا يشعب !!
لا تقول كلمة راح تندم عليها .. لأن الكلمة أنت تملكها مادامت لم تخرج من فمك ..
و لسانك حصانك إن صنته صانك ..
أما باقي الشغلات المادية ..
حمرة ولا مفتاح متقلقص .. انكسروا ولا ما انكسروا .. بدال الحمرة ألف و بدال المفتاح مفاتيح شالمشكلة :)
لكن القلوب هي المشكلة :)
الحب:يتصلح اذا النواياه حسنه
الإستكانه:في منها الف شكو الصق وارمم
الصداقه:تنكسر بالخيانه بس وماتصلح ابد ويطبق عليها عافكج الخاطر خلاص
عروة القورى:الله مكثر قواري الملبس
الثقه:ان انكسرة ابد ينطبق عليها المثل الي ينقرص من الحيه يخاف من الحبل
المفتاح المتقلقص بالتجورى:انسمي بالرحمن ونتوكل على الله وينفتح بقدرة واحد احد
الصحه:دواها النفسيه العاليه
قلم الحمرة:ما استعمله لان الديرمه ابرك وماتنكسر
الصدق:الي يجذب مره يجذب الف مره
الفستقه:مايطيب طعمها الا اذا كسرتس قشرتها
العشره:انهات ما تهون الا على جليل الاصل
كعب الجوتى:الله يعافي السكافي مال جمعية الشاميه يصلح الي مايتصلح بالجواتي
الفرحه:النفسيه العاليه تردها
سحاب النفنوف: ويــــــه خياط قمر اشخانته قاعد؟
الخطوبه:ابرك اذا انفالة..اذا ما في توافق
الأظافر:الظفر يطلع غيره وشرب حليب واكل موز وازيد البروتينات واحافظ على التغذيه الصحيه حتى ما تنكسر مره ثانيه
وسلامتك وتعيش
if u really believe in what u want u can get it back to what it really was ....bas if theres another partner lazem he believes also in what he wants and that he really wants things back to normal.. ma3ref thats my point of view.
This comment has been removed by a blog administrator.
الحب??? مايرد
الإستكانه؟؟ ترجع بس مو مثل قبل
الصداقه؟؟؟ ماترررررررررد
عروة القورى؟؟ ترد بس مو مثل قبل
الثقه؟؟ ترد اقوى من قبل
المفتاح المتقلقص بالتجورى؟؟مايربته
الصحه؟؟؟ ماترد
قلم الحمرة؟؟؟ يرد بس مو مثل قبل
الصدق؟؟ ماااااايرد
الفستقه؟؟ ماترد
العشره؟؟ ماترد
كعب الجوتى؟؟ يرد بس لازم في سبير بالطلعه غيره
الفرحه؟؟؟ !!!!!!!!!!؟
سحاب النفنوف؟؟ يرد احسن من قبل لأنه يتبدل
الخطوبه؟؟ ترد احسن من قبل
الأظافر؟؟يطلعون غيرهم
أذا قدرت تخيط البيضه يا جاي حليب !!! أكيد كل شئ يتصلح بس ما راح يكون مثل ما كان لأن أسمه "مصلح"وراح يظل أسمه في الذاكره كذلك !!! ويسترجعه العقل من وقت لأخر
ألا "الثقه" ؟؟؟ فهي أذا أنكسرت ما تتصلح وتظل مشروخه ... واذا ما تصلحت -شئ طبيعي- أنها تأثر بمقدار - كبر أو صغر الشرخ - على تصليح كل من الحب والصداقه والصحه والصدق والعشره والفرحه والخطوبه
أم الأشياء الماديه .. فهي قابله للتصليح .. وتعتمد أكثر على مهارة وبراعة المصٌلح !!! منها عن قبلية الشئ للأصلاح
أما الأشياء المعنويه .. فعلى العكس تعتمد أكثر على قابلية الشئ للأصلاح !!! منها على مهارة وبراعة المصٌلح
واي ياكرهك
مبدع لي درجة مااقدر اعبر عنها
صاج اشياء تن\كسر وماتتصلح باعتقادي الخاص
تتعدل شكلا لكن ماتتصلح يظل المكسور مكسور
لاتقاطعنا ياجويهه
السلام عليكم جميعا
الحب : مو بأيد احد سبحان الله ينزرع بالقلب ما تقدر تشيله مهما يحصل ولكن لابد أن الواحد منى يكون أحب له كرامته من حبه
الصداقة : مثل البحر مد وجزر أحواله متغيره حسب معدن الشخص أم الكسر لابد أن يتصلح وبعدها احدد موقعه بحياتي
الصحة : كلنا معرضين للأمراض ولكن من كان راضي بأمر الله ومتفائل برحمة ربه وأن أمره بين الكاف والنون كان الشفاء بأن الله حليفه
العشرة : صعب تنكسر وكسرها يذبح أهل العشرة أهم الوحيدين ألي يقدرون يصلحون الكسر
الخطوبة : أساسها جس نبض وفحص للأطباع يعني الكسر وارد جدا غير مأسوف عليه
الصدق & الثقه : أساس الحياة بالتعامل أن انكسر ما اعتقد يتصلح صعب
الفرحة : أن انكسرت تتصلح بهمت الحبايب
الاستكانة - عروة القورى - المفتاح المتقلقص بالتجورى - قلم الحمرة - الفستقه - كعب الجوتى - سحاب النفنوف - الأظافر : يروحون فدوه لحبايبنا نجيب غيرهم
هالأيام كل شي يتصلح...الا الأشياء المهمة
لأ، بكون متفائلة وأقول، كل شيئ يتصلح بلا استثناء
اهو كل شي يتصلح
ولكن جودتها
هل اهي مثل قبل
هنا مربط الفرس
اي صج
مربط الفرس يتصلح و الا لأ
بنظرى ماكو شى ما يتصلح حتى الحب اللى يكسر القلب يتصلح
ومو شرط مع نفس الشخص:)
LOL
اهم شي سحاب النفنوف
الحب اذا انكسر يعني انتفى بالتالي ماله داعي يتصلح
الإستكانه علشان جذي الناس تشتريه بالدرازن
الصداقه تتصلح بالمغفره
عروة القورى بالله شلون تنكسر
الثقه هم بالمغفرةاذا كانت الغلطه الاولى
المفتاح المتقلقص بالتجورى صعب
الصحه يبي لها معجزة
قلم الحمرة استخدم الحجال
الصدق ما اتخيل انسان صادق ممكن يتحول الى منافق بس العكس ممكن
الفستقه اكلها
العشره ماتهونش الا على اولاد الحرام يعني دفعه مردي
كعب الجوتى في محل بجمعيه الفيحاء سواها مره لي بس هم عفت الجوتي رغم انه تصلح
الفرحه انوجدت علشان تنكسر علشان جذي مافي حاله فرح دايمه
سحاب النفنوف اركب غيره
الخطوبه بلا نيله
الأظافر اقرض الباجي
الشمس إذا انكسرت تتصلح؟ (:
اول شي...ليش تتحرش بالاستكانه؟
:pP~
استكانه عن استكانه تفرق:)
نرجع حق سؤالك...الجرح ممكن يتلئم ويرد مثل ما كان
بس الكسر شي اكبر..يرجع بس يبقى فيه دايما اثار الكسر
:)
موضوعك وااايد شيق الصراحه .. واحلى تعليييييق طبعا من غير منافس امنا ام الحفييييز كلامها يهبل وعسل وكنت بعلق على كل شي حبة حبة بس لما قريت تعليقها فانا اضم صوتي لصوتها ... اتهبببببل وكذلك تعليق الحجية.
chai-7aleeb
why don't you reply on the comments?
migna? ;-p
الاستكانة المفتااح الحمرة الفستقة كعب الجوتي سحاب النفنوف الاظافر
كلها اشياء تتبدل اذا صعب علينا انه نصلحها
اما باقي الاشياء ييت اجاوب عليها واحترت وايد ماتوقعت السؤال بهالصعوبة..!!
اعتذر عن الاجابة لانه ماعندي اجابة مقنعة
مشكور عالسؤال
اشتر يديد احسنلك
الجاي حليب
الله يهداك الي متى ميبر وخيط وبيضه؟؟؟ ياربي طسس الجاي والحليب وما شفتنا تعليقك على الجمــــــــــــاعه عسى المانع خير!!!يا خي
حسب تجربتي وخبرتي بالحياة
الفستقة ممكن تتصلح ويكون لها كيان مستقل بيزنطي ويمكن بعد تشوف روحها وتنزل شريط وتصور فيديو كليب وتصير مثل بشار الشطي
يعني بالعربي بشار الشطي مثل الفستقة
اي شي
وميري نيو يير
كل شئ في هذه الدنيا يتصلح .. الأ "كسر القلب" ما يتصلح .. ممكن يتبدل .. يتغير .. يتجدد ....الخ
بس ما يتصلح
وبعدين وينك عسى المانع خير
دشو بلوغي الله يهداكم بس
وكل واحد يحط تعليق
في سحب على لامبرغيني
يلا بنات وصبيان حياكم
Post a Comment
<< Home