BADOUIN HOSPITALITY
من أحلى الأشياء اللى أحبها هى زيارة بعض أصحابى البدو اللى غالباً يكونون ساكنين بالمناطق اللى يسمونها (المناطق الخارجيه) مثل الجهراء و الفحيحيل والفروانيه و غيرها ...
على أنهم بدو و دايماً أهل الديره يعلقون عليهم ،لكن عندهم عادة لما الحين وهى إكرام الضيف و اللى لا يمكن تشوف أحد يقدم لك الشاى أو القهوة أو حتى يحط لك الأكل إلا لازم يكون من أهل البيت
ما تشوف عندهم خدام يتختطرفون عليك حلايه أهل الديره و بالأخص حريم الديره اللى يالله من فضلك ما تقدر تشيل أى شى إلا نادت الخدام يشيلونه عنها
ياريت أهل الديره يتعلمون هالعاده و اللى أنا أحب أسميها
عادة السنع
posted by Chai-7aleeb @ 7:28 AM
12 Comments:
اي والله صدقت
هذا الشي وايد عاجبني فيهم .. ويزعل عليك اذا قدملك شي ورديته .. كرم ما بعده كرم
والله يهدي اهل الديره .. ويكتسبون شوي من كرم البدو
i want to marry a badawi.
جاي حليب
بالعون اهل الباديه هم اهل الكرم والجود والسنع والدل والمل....ولا الحضر يا دافع البلا بعضهم مالهم الا الشوح والمزامط بالماعيين وانواع الاكل والحلو ولا التقديم ومجابل الضيوف ملفينه على راجو وميري وفرانسس...وصاحبة البيت مرتزه وماتدري وين هوا دارها وعوووووووووووووووووووووه
و الله ياطويل العمر الكرم و الجود ماله اصل و لا انتماء لا بدوي و لا حضري
بس الامور تفرق في طرق التقديم
اذا انت عندك خادم تبيه يقدم مافي مشكلة و لا عيب و اذا انت تبي عيالك يقدمون هم مافيها مشكلة و لا عيب
اختار الي تبيه و سوه
khoosh kalam
اي والله صاج ياهم أهل الطيب والنخوة والسنع كله عكسنا احنا صج ماعلينا زود بس اهم احسن منا بهالسوالف
كلامك كله عدل بعدل وخووووش موضوع يا شاي حليب
عسى الله يديم عليهم وعلينا كل خير وكل شي زين
this is a lovely respect to be shown for the visitors.. especily if the visitor thinks that respect is to be expressed in this way..
if i see presenting drinks and food by a maid as something normal, then it is super cool with me.. why do i demand for it to be presented by the person i am visiting.
but respect has to be expressed to many things too.. not just people that i know who visit me..
there are people i don't know, there are poeple i see once in my life, there are people who have higher status than me and also people that have LOWER status than me... and there are things that need the most respect from all people and yet they are not people.. they are LAWS and regulations that need to be respected too..
and i would show the utmost respect for the person who has the most respect for the majority of matters that deserve and need the respect to be showed for them :)
wa domtom
Well put Oo Sa7 Lsanik!!
Hathi Shaghla Moo Wayid Nas Yla7thoonha, serving your guests yourself is not a derogatory thing to do, it is quite the opposite. Yet, women here seem to think it's demeaning or something.
Lovely remark there!
المسألة مسألة ذوق
الكرم والاخلاق ماتعتمد على بيئة حضر أو بدو :)
الوالدة عسى الله يحفظها دائماً تصر على صب الشاي أو القهوة بنفسها
من طيب اصلك
ياجاي حليب
الكــرم و الضيـافة شئ جميل و نادر
خاصة عندما يكون مضيفك هو صاحب الوليمة أو الدعوة
مو الهندي أو الفلبينية أو المطعم اللي يقدملك الشاي و القدوع !
بس هذي العادة ليست عند البدو بس !
الجميع يشترك فيـها و خاصة المجتمعات الشرقية العربية و غير العربية منها التي تتميز بكرم الضيافة.
على سبيل المثال نشوف المطاعم
دائما و غالبا المطاعم الشرقية تجدهم يقدمون لك المزات خارج قائمة الطعام فور جلوسك على الطاولة...
بينما المطاعم الغربية و الأجنبية "لازم تطلب ستارتر" جنه مطعم حساوية..لول
أتذلكر سالفة شخصية..لما كنت صغيرونو كان دائما الوالد يكدشني أصب قهوة و أوزع الحلو و التمر على ضيوفه..رغم سني لم يكن يتعدى ال12 ربيعا ! كنت أتحلطم عند الوالدة أقولها..
عندنا بدال الخادم 4 و مع ذلك أبوي يتفنن في تكديشي في تقديم القهوة
اتذكر مع هذا التكدش نزرني بعفوية عندما قدمت القهوة من اليمين إلى اليسار..وبدأت بأصغر القوم جلوسـا !
هني نزرني بعفوية و قالي يا عتيج إبدأ بضيفي الكبير بعدين إسقينا
الكرم و الضيافة فن و أخلاق قلما نجد أناس يتقنون هذا "الأتيكيت الأصيــل".
تحياتي على الموضوع الحلو
Post a Comment
<< Home