WHERE"S THE KUWAITI MENS TRADITIONAL DANCE?
عندى ملاحظه عن الرقص التقليدى مثل العرضه و القلطه بمنطقة الخليج و بالأخص بالمملكه العربيه السعوديه.يا جماعه،كل شباب و رياييل السعوديه يعرفون شلون يعرضون و متمكنين من هالرقصه التقليديه من صغيرهم لى كبيرهم.تعالوا شوفوهم بالعروس والاحتفالات،كلهم يرفعون الراس بتمكنهم من هالرقصه .وبعد قالولى أن بالسعوديه،العوايل تشرط على أولادها أنهم يتعلمون رقصة العرضه و يمارسونها طول الوقت
وبعد،لما سألت عن الأمارات،قالولى أن العوايل تشرط على أولادها يتعلمون رقصتهم العرضه بالعصى ولازم يكونون كل أولادهم متمكنين من هالرقصه و يمارسونها فى كل المناسبات.حتى سمعت أن حكومة أبوظبى فتحت مدرسه خاصه لتعليم هاذى الرقصه علشان لا تنقرض و يحافظون عليها جيل بعد جيل
لكن المأساة بالكويت،،،،،،،،،،،،يا ترا كم شاب عندنا يعرف يرقص رقصة العرضه؟؟
أتوقع لو راحو شباب من الديره حق عرس أو احتفال بالسعوديه،جان يفشلوننا لأنهم ما يعرفون أصول هاذى الرقصه التقليديه اللى لازم كل شاب بالكويت يكون متمكن منها
حسافه ما نشوف المحافظه على الرقصات التقليديه عند شبابنا
شاطرين بس برقصات البسته و العدنيات
لا،وبعض شبابنا محد يقايشهم بالسامرى و يدوحونه دوح
ناقصهم ثياب تور
posted by Chai-7aleeb @ 2:39 PM
67 Comments:
الصراحة اانا واحد مارقص
أوووووووووووووول :P
loooool
ولد عمي الصغير يسميها : رقصة الرياييل = العرضه
دامهم مايعرفون يرقصون ليش عيل هابين يسوون عرضة مع العروس ؟ حضر بدو عيم كلهم تبارك الرحمن هابين يسوون بعروسهم عرضه!؟
راحوا الرياييل اللي ينطحون الدروازة
وظلوا رياييل الحجي والطنازه
مو ؟
العرضه حطوها بالمدارس بالسعوديه
http://www.forzaq8.net/2006/02/24/shall-we-dance/
إحنا بس نعرف نحش بالناس و نبلع بالعروس :P
شاي حليب
أكبر فشله اذا تقيمينها فشله لماكان الملك عبدالله بالكويت وحاطين فرقة ورقصة العارضة اشوه ان كان في واحد بس من الكويتيين اللي معاه يعرف يرقص والباقي ماسكيين السيوف يهزهزونها فوق تحت بس
ههههههههههههه
صراحة الشباب علي حسب ما أسمع
هابين بالسلسا
لو إتشوفهم برة إشلون يرقصون
يشيب شعر راسك
wake7:
المطنزة و العازة
;)
في ظل العولمة, أقترح على الشباب الكويتي إنه يتعلم الفالس والتانغو
على فكرة, تذكر رقصة التويست إللي كنا نشوفها بأفلام الأبيض والأسود
:)
الحضر ما يرقصون عرضة وهالايام حتى عروس مالهم خلق يسوون ! وبالنسبه للمحافظه على التراث اقترح تدريس العرضة في المدارس خل يفرفشون اليهال شوي
LOL chai!!! we should open school for dancing too
esalam 3alaikum jamee3an
Chai 7aleeb- wallah lo innik jambi chan 7abaitik 3ala rasik... 9idaqt thum 9idaqt thum 9idaqt.
Reema & Lamya'a: la Salsa wala ma salisat wala twist wala ma twisat IL3ARTHA w bs m3 e7tiramy alshadeed lraaykum a5awati ;-)
Relaaax- loool walla 9aja illy lah shighl willy malah shighl 7a6 3artha b3irsah... bs tara ha IL7ATHAR kanao y3rthoon w y7boon il3artha.. w la3al halhabba traji3 ayam il3artha allati mathat ;-)
m3 kill 7ubbi ashkir wisa3t 9adirkum:-)
qa9adt agool (..ham IL7ATHAR...);-)
صاج ياشاي حليب .. أنا أخوي أول ما تعلم .. تعلم البريك دانس على أيامه هيهي
أنا مع فزي في اقتراحه ..lol
ودمتم
كل شىء فيه تاريخ وحضارة اندثر بالكويت. إذا الأهل قاموا يصيرون أفرنج بالكلام واللبس والأكل والحياة اليومية اشلون تبى عيالنا يعرفون أي شىء عن ماضيهم. شوفلى أحد من الشباب أو الأطفال يعرف أو يأكل مجبوس!!؟. تبيهم يعرفون عرضة. وإذا تقدم أحد باقتراح تعليمها بالمدارس فأبشروا بالمعارضة العمية من البعض حرآآآآآآآآآآآآآآم
شفكك عاد حزتها من الحجى
الصراحه انا مع راي تعليم العرضه في المدارس ....منها رياضه وتفريغ طاقه والموسيقى غذاء الروح ...وعلى الاقل يصير عند الياهل اذن موسيقيه يعرف الايقاع والرذم...هذه وحده. والثانيه يعزز معلوماته التاريخيه عن البداوى وتاريخ ديرته وينتقل منها الى الفروسيه بعد الرسول الف الصلاة والسلام عليه قال علموا اولادكم الرمايه والفروسيه السباحه وبعدين من ناحيه حرام ولا حلال على قولة هالمتأ سلمين بعد العرضه ما فيها ادوات موسيقيه وتريه حتى يحرمونها اقصاها طيران وطبل.ويازين قبل بالعيد تشوف العرضه في كل مكان انااااسه....اما من ناحية السامري ابصم على العشره في شباب يدوحووون السامري ابرك من الله يرحمها منيره الرميان وعلى قولتك يا جاي حليب ما يبيلهم الا ثوب تور ويدحون الموي دوح
انا الصراحة ما اشوف رياييل حتى الهواش بالسكة اختفى يعنى صاروا يلوعون الجبد اهم شى يرقص عرضة والسبايكى طامر من قمة راسه
اقول مالت
you made laugh at the last comment about the samari you are so rite some men can cream the women in dancing.
about teaching it in school how could they.... singing , dancing , music and art are not allowed in kuwait period.. even graduations cermonies are not allowed so put this idea to rest and face the facts.
accordingly your comments are not valid.
remember waleed tabtabai
cheers
يعطيك العافيه على هالموضوعز بس انا ابي أزيدك من الشعر بيت ان بالسعودية الحين دخلوا رقصة العرضة بالمناهج الدراسية بقرار من الملك. وبالإمارات يسوون مسابقات للعرضة و يعطون جوائز قيمة بعد.
COMMON_SENSE
YOU DON'T KNOW WHAT YOU'RE MISSING.
RELAAAX
صج أسمها رقصة الرياييل بس وينهم؟
توج تعرفين أن الكويت هبه؟
WAKEE7
ص-----اج
PRINCESS
شكرا على الزياره
فشله والله،حتى الأمريكان قاموا يضحكون علينا
FORZAQ8
شكرا على الزياره و على اللنك
شفتو شلون حتى السعديه حطتها منهج بالمدارس
BONAVIITA
READ THE COMMENTS AND YOU'LL SEE WHAT I'M TALKING ABOUT.
THANKS FOR YOUR VISIT.
JIBLA SQUARE
لوووووووول
لا،وكل الشباب على البوفيه الشكوه لله يطالعون و يحشون ببعضهم بعض
فشييييله
ENTER-Q8
مشكور على الزياره و الحمد لله أنك حاس بالفشله مثلى
REEMA
سالسا عاد؟؟؟؟؟؟
ترا شاب شعر راسى من هاللحظه
لمياء الحالمه
أى تويست و أى تانغو
إحنا وين وأنتى وين؟؟؟؟
وين التراث؟؟
بالله عليج،تهقين أهل الأرجنتين اللى عندهم رقصة التانغو بيغيرون رقصهم لى العرضه؟؟
ليش مو إحنا نحافظ على تراثنا مثل ما أهما يحافظون عليه؟؟
FUZZY
صاج
هذا اللى ودى أسويه
مدرسه للعرضه و الفنون الشعبيه بدال ما الواحد يروح نادى صحى،يروح هالمدرسه
والله العظيم مشروع ناجح
شلون تطوف على أهل الكويت هالفكره؟؟؟
ZEIDANI
TOTALLY AGREE WITH YOU.SUCH A GREAT BUSINESS AS WELL.TRUST ME.
SHIMA6EE6
حبتك العافيه و محشوم ان شاء الله
أشوه أنك موافقنى بالرأى
WITTY
شكرا على الزياره وأن شاء الله أنا و فزى راح نتبنى المدرسه
العين الساهره
والله مأساة اللى نعيشه هالأيام بالكويت مع هالشباب اللى نسا التقاليد
أنا و فزى وان شاء الله بعد أنتى تساهمين معانا بالمدرسه لتعليم التراث و الرقصات التقليديه
أم الحفيز
منو منيره الرميان؟
MISHARI
إى والله مالت على شباب هالوقت اللى يسوى سبايكى و شغال بنفاش الشعر
MOSAN MOSAN
WELL,I'M TAKING THE INITIATIVE WITH THE FELLOW READERS TO COME UP WITH A PROJECT OF A SCHOOL FOR TRADITIONAL DANCING AND OTHER TRADITINAL HABITS.IT'S GOING TO BE A MAJOR BUSINESS AND WILL SUBSTITUTE THE GYMS SOON.
I RECOMMEND YOU BE A SHAREHOLDER WITH ME AND FUZZY.
PHYSIO-8O
شكرا على الزياره و أشوه موافقنى بالرأى
هوهوووهوهو ماتعرف منو "منور الرميان" ؟؟يا محفوظ السلامه هذه وحده من البنات إلي كانت مع عدت امي عوده المهنا االلله يرحمها وكله توقف على يمينها وسلاموو على يسراها ،وهي الي تصقل الطار صقال وعقب اذ شاقها الطرب ورتك طولها .....هوهو ما تعرفها ؟؟ ويييه ظنيتك تعرف فنون اول .....هذه الله يسلمك والسامعين طويله ويثله وويهه امرره مهي سوده ولا بيضه خضره ماعندها خنافر خشمها مسلول وويها طويل مو فدغه اقرب لها الحين العارضه" ناعومي كامل" وهي الي اتلفع بملفع طويل وتنجنغله بجنغال ملفع... وتسمت وترز روحها فيها مووووقه وهيووو ماصاروو ولا ارقصة المثولث في اغنية" حبيبي ساكن الفيحا وقلبي ساكنن وياك..وعيني هلت العبرا....على مريوش الاعايني " مالت عواشه المرطه في الحفلات الخاصه شوفها بالتسجيلات القديمه في العروس الخاصة انحصلك عجيـــــبه ما صـــار رقصها وتقدر تسال اهلك عنها اكيد يعرفونها
أم الحفيز
مشكوره على الإيضاح و الحين عرفت المرحومه منيره لما قلتى عن اللى يوقفون يمب ماما عوده المهنا
وين ألاقى هالأشرطه القديمه؟
chai 7aleeb
whay not TTamboura?
عندي وانا ام هندي بس اشررر انت وتوصل لك الاشرطه اهووووووووو عطني عنوانك يمااااه
MOSAN MOSAN
3ARDA IS MORE CLASSY AND TRADITIONAL.
أم الحفيز
العنوان
دوار الكرد
محل الشيشه اللى على العاير
الليله الساعه التاسعه مساءاً
mr chaaai..
ana hal ayam asma3 santana o saamri, both are cool :) sometimes Evanescence..
and for ur school of dancing.. i wana join el ektitab ;) azahib el bi6aqa el madania?? ;)
THE SIMPER
YOU REMINDED ME OF DJ CROW WHO DO SUCH ARABIC MIXES....!!
KEEP YOUR CIVIL ID READY AND YOU WILL BE INVITED AS A BOARD MEMBER.
RIGHT FUZZY??
الأخت شوووح
حياك الله بالبلوغ مالتى و تستاهلين تشوحين بس مو وايد عاد
إحنا هنى غروب يبى الوناسه و النقاش بأمور تفج الصدر
لا تقاطعيننا
صار جاى حليب. إنت وفزى عليكم العرضة وآنا على السامرى حق البنات. والله عيل تروح العروس ما تشوف واحدة تعرف سامرى من هالبنات. لى غنوا سامرى تتلفت يمين ويسار تطلعلك مره عودة ترقص سامرى ولا الباجى طاف. إلا قولى لى جاى حليب إشدراك أعرف سامرى ورقص مال اول؟ شايفنى أرقص سامرى ولا أحد قايل لك؟ أكيد أم الحفيز إمفتنه على
THE 1509
THANKS FOR STOPPING BY MY BLOG.THIS TELLS YOU HOW KUWAITIS ARE SO LAZY AND THEY THINK THAT THEY CAN BUY ANYTHING WITH MONEY,EVEN THE TRADITIONAL DANCE.SO SAD...
العين الساهره
وايد أستانست أنك راح تكونين من المؤسسين للمدرسه الجديده لتعليم الرقص التراثى و الشعبى
فزى و أنتى و أنا و اللى يحب يشارك يرفع إيده
على العموم،قالولى عن السامرى مالج و الصراحه ذكرولى أنه يجنن
علشان جذى،حصص السامرى بإشرافك
العين الساهره
ياربي تجيج التهايم وانت نايم ....انا امفتنه عليج وقايله انج الي شمرتي بطولج ودحيتي الموووي بالسامري ما كو مثلج؟ لا اعيوني انا ما اقول انا اشيـــــــــع الخبر لان سامريتج عجيبه خصوصا وقت اللفاح اسمالله عليج شعرج جنه ابريسم يتهدل مغطي الجتفين واصل قفاج بعد الزين زين لو يقعد من النوم والشين شين لو كحل اعيونه....شوفي عاد مو تشمرين علينا على ابو مدحناج....هااااااا لو يكووووووووووووون هم هذه المجموعه ما عليهم قاصر الملح والقبله كل فيهم
الجاي حليب
يمااااه حنا محافظوووووووون ما انتواعد وخزيااااااااه عقب ما شاب ودوووه الكتاب لا اعيوني لا لا لالالالا انت ما عندك حفيز عطني عنوانه وادز لك الاشرطه واماعين الملبس والاستكاين
وياغالي والطلب همبه
ليش يفشلون !؟
واذا عرفوا يرقصون عرضة وقلطة ويولا ومادري شنو !؟ وبعدين
يعني هذا يدل على تمسكهم بالتقاليد مثلا !؟
صراحة أشوف مو بالضرورة ان يعرفون يرقصون لأن معرفتهم أو لا ما تفيدهم واللي بيعزمهم على عرس وبينقد على رقصهم هذا اللي مو صاحي صراحة
يعزم فيفي عبده أحسن له
tweety
ياحااااافظ اشفيج اشتطيتي الله يهداج اشياب الغبره فيفي حق الرندي الحين؟؟ الريال يبي يحيي التراث من الجانب الفنون الشعبيه مو عيب هذه وحده, والثانيه العرض رقصة حرب ورجوله وشهامه مو هز وسط وتنقيط حلايا فيفي عبدو وبعدين وانا اختج كل دوله لها ثراثها بالرقص القلامينغو في اسبانيا والرمبا في فنزويلا والسلسا في البرازيل والدبكه الله يفك ذرهم بالابنان والهجع بالبصره وان اقص ادي اذا انتي تعرفين ترقصين سامري ولا مثولث!! يا ختي بنات هالوقت من يسمعون حس طارإلا يوووج دلي دلي وعقب تعالي وشوفي رقصهم يفشل تنقز ومياعه ولا وسوالف وهذره بالميد...انا اقول يا جاي حليب افتح معهد الكونسرفتووار للفنون الشعبيه العرضه والسامري وانا اقعد عند الباب اعبي الطلبات....وماعليك من احد يا حبهم حق اتدقر و تكسر الميادييييف كويتييين ماكو فايده علتنا باطنية
انا إذا شفت واحد يرقص "العرضه" أخقق hehe.
Traditions should not be forgotten.
Aham shay el تراث
Y3ny roo7 O t3alam shay luh 3laa8ah feek, O taree5ak..O ajdadak.
Moo el Salsa!
Ok..youve learned the salsa...then what? Lysh t3lamtaha a9lan..tbee titmaila7 3la meeen? lol.
You dont see Spanish people trying to learn the 3ar'9ah, do you?!
LOL.
اي والله وانت الصاج. مشالله الاماراتيين مسويين مسابقه على هالرقص التراثي
بعض الكويتيين ان بغيتهم يرقصونك شرقي ارقصو احسن من البنات
والله فشييييييييييييله
السؤال هل الدولة مسؤولة تعليم مواطنيها أي نوع من الرقص في سيطرة التيار الديني على المجتمع؟
ام هل مطلوب انشاء معاهد خاصة لتعليم ما يسمى بالرقص الشعبي او التراثي
يبا احنا في الكويت غير عن كل الناس اللي حولنا
تبون تصيرون مثلهم هذا موضوع ثاني
لا يبه انا ماني راقص عرضة شنو مينون أرقص مع رياييل مو كافي مجابلهم بالدوام والديوانية .. مابي تراث كافي اشوف فرقة التلفزيون .. انا بحافظ على تراث كوبا وأمريكا اللاتينيه هاهاهاها برقص سالسا ومارينقي على أنغام أم كلثوم كوبا الراحلة سيليا كروز
وثانيا من قال ان تراثنا عرضه ؟
يمكن أهل البر يرقصون عرضه كانوا .. بس أهل البحر ما أذكر يرقصون عرضه ... أرجو استشارة خبير رقص أكاديمي يوضح لنا انواع الرقصات في الكويت قديما .. بس انا اعتقد ان العرضه ما كانت الرقصه الاكثر شعبية أو الاكثر انتشارا
يمكن الدكتور يوسف الدوخي يقدر يجاوب تساؤلاتي .. مادري وين حطيت كتابه عن التراث الموسيقى الكويتي .. اذا لقيته اقولكم
شاي حليب
كلامك عدل
ام الحفيز
ترى انتي مبدعه
والله يرحم الجميع
أم الحفيز
أناأشتط لأنه ماني شايفه مشكله انه مايعرفون شبابنا يرقصون عرضة
لأن مو شي مهم ,
يعني شباب الخليج اسنع منهم عشان يعرفون يرقصون ؟ مو منطق
أنا أقول يفشلون بهالشي ولا يفشلون بشي ثاني , الا الكويتيين عاد والفخر تكون المنافسة بشي أهم
أما على طاري السامري والمثولث ولو انه الموضوع عن الشباب بس أقولج لا تقصين ايدج ولا شي صاجة ما عرف لهم
مالحقت على أيامهم
:p
انا اتوقع ان بعد 5 سنين مستحيل بيعرف شبابنا يرقص غير السالسا و اللاتينو
أم الحفيز
الله لا يخلينا منج وإن شاء الله نأجذ منج الأشرطه لما نسوى المدرسه ليعليم العرضه و السامرى
HITMAN 1
THANKS FOR STOPPING BY AND MIND YOU THAT BONEY M AND JANET JACKSON DIED AND STILL WE'RE LIVING HAPPILY WITH OUR TRADITIONAL 3ARDHA...!!!!!!!
SO,WE'RE GOING FOR IT ANYWAY DESPITE YOUR PREFERENCE.
TWEETY
حبيبتى،فيفى عبده تجى الحفلات و العروس بكروه
لكن إحنا اللى نقوله أن التراث لازم يحافظون عليه غصبن علينا كلنا
ليش كل دول العالم تحافظ على تراثها إلا إحنا طايح من عيننا؟؟؟
FUCHSIA SPUNK
مشكوره إنك توافقينى بالرأى
SOLO~PARA~ME
إى والله
يا فشلتنا لما نشوف اليوم اللى شبابنا بالكويت يرقص شرقى أحلى من سهير زكى
عاجل
شكراً على الزياره و شرفتنا
إحنا نقول أن هالنوع من المعاهد أو المدارس ما لها شغل أن تتدخل بأمور الدين وبعد ديننا ما يمنعنا أن نعلم أولادنا رقصة العرضه لأنها رقصه يظهر فيها الرجل رجولته وكانت دايماً يرقصونها بالمناسبات والأعراس الخ
أنا أقول أن مافى شى يمنع تدريس أولادنا هذا النوع من الرقص اللى أشوفه أحسن من البريك دانس اللى عام على أولادنا وبعد هم ما يستحون تشوفهم يرقصون بريك دانس و يفرون مكاويهم بنص الشوارع و حتى بعض الأحيان بالمجمعات
فشله والله
KITTY
المعروف بالشباب الكويتى أنه يحب الفن و عنده أذن موسيقيه رهيبه
علشان جذى،هالموهبه لازم يصقلونها بالرقص الشعبى التراثى اللى إندثر
الكويتى الحر
شكراً على الزياره و شرفتنا
MALAAK
شكراً على الزياره و هاذى المصيبه اللى أنا خايف منها
FUZZY
ترا شدِينا الظهر فيك و خليناك من اللجنه التأسيسيه لمدرسة تعليم الرقص التراثى
أشوفك قلبت علينا؟؟؟
FILMGIRL
مشكوره إنك توافقينى بالرأى
و الصور من مصادرى الخاصه
شوووووح
صاجه والله
س----امريه
أنا بحطج فى اللجنه التأسيسيه مالت المدرسه الجديده حق تعليم الرقص التراثى
أنتى تستاهلين و يستاهل كل من يقدر الفن التراثى
الله يرحمه بو العيال،شكو رايح سوق اللحم و لابس نعال تزلق؟؟
ESGHANOONA
مشكوره على الزياره و راح أحطج معانا باللجنه مالت المدرسه
أم الحفيز
أشوه حسبالى إنت اللى امفتنه، طلعتى براءة ياوخيتى. الله لا يحرمنا منك ولا من مدحج. والعين ما تعلى على الحاجب وآنا أختج.
جاى حليب
متى الإفتتاح علشان أقدم على التقاعد؟
س---امريه
مشكوره وايد
أقول؟
شوقتينى على المرقوق
واللى يعافيج،لا تنسينا بالنقصه
العين الساهره
الأعلان عن المشروع جريب و زهبى أوراق التقاعد
سألت الوالد
الحضر ما يرقصون العرضة
شغل أغاني بحر
العرضة مقتصرة علي البدو
و هذا السبب الرئيسي
REEMA
مع أحترامى الكبير للوالد العزيز،أرجو تذكير الوالد بعرضة الأعياد فى كل سنه اللى يعرضون فيها كل أهل الكويت
راح أجيبلك صور للأثبات و راح تشوفين كل أهل الكويت،حضر و بدو،شيوخ و غيرهم يعرضون
جاي حليب
الهقوه انك امتختخ وامربرب يا حبك حق الانقص وتتطرش الاكل...بالله عليك الحين ما هفت نفسك الا على المرقوقه؟؟ اتنساه ولا إنفسه!!؟ اقول السامريه
يعدون عن اطبخج ويقولون ان عليج نفس بالطبخ ما صار عاد لا تنسيناه بالنقصه خلاص عند جبرت الخضره بجمعية ام صده التعاونيه و اذ حصل اجار بعد زينن على زين والله لا يخلينا من طيبج يا عواشه
hehehehe honestly when after many years leaving in the west coming back to Kuwait .. kuwait it slef DIDNt change its the people that changed in this case I would pay mad Cash to seee some people dace like that :P
ماشاء الله، الله يزيد ويبارك :)
بس عفواً، العرضة لا يُطلق عليها مُسمى الـ رقصة! تحمل لا يسمعونك
هي عرضة، بدون (رقصة) فقط عرضة، يوله، أو رزيف مثل مانسميه عندنا بالدوحة
حيك الله أخت شوق و ياهلا و مرحبا بأهل الدوحه
شحالك؟
أنا حبيت أوضح مفهوم العرضه لبعض الأخوان و الأخوات اللى مع الأسف ما يعرفونها
لها السبب سميتها بالرقصه،فقط للتوضيح
لا تقاطعيننا بزيارتك
WILTED-ROZE
I'M COMING UP WITH A SCHOOL TO TEACH THIS TRADITIONAL DANCE.
لوووووول اي الله شبابنا ما يعرف يرقص ؟؟ انا شنو انقهر اذا الشباب ادخلوا العرس وقعدوا يعنفصون كل واحد لاف الغتره ويهز لوووووووول يعنى كوول
SAN3A_WA_LAKEN
إى والله
الشوووح
الله يهديج انا ماما ؟؟؟؟ياحااااافظ لا يكون بعد راضعتج وانا مادري.... ياحبكم يا بنات هالوقت حق تقطع الارزاق والنصيب.. والي يشوفج الحين يقول بعدها عنونه ولابسه البخنق وتلعب بالحوش.. يمكن اكون اختج العووده بس مو امج يا شوووح خاتون
على العموم خلونا بالاهم
الكويتي الحر
الحين الي يقول الصج امبدع؟؟ ولا اشقولك يا اخي؟
السامريه
هالله بالاثواب الكويتيه الاصليه مو تيبين اثواب امفححه مالوت البحرين
يعني وايد يبيلها تعليم؟ شيل سيف وتحرك يمين ويسار :)
أو تعلم السلو أحسن، تنفع في المناسبات المختلطة :)
ذو الاجنحه البيضاء
اشحقاااا اسلوووو؟ التانغو ابرك لك كله حركه تسحبها وتحذفها وعساك تقدر تلقطها مره ثانيه ولا سلووو قطيعه حق التلصق والادبقه والخموره وريحة افخوذ قطيـــــــــــــــــــعه
1. Ma 3indina reyayeel yargesoon
2. We pay people to dance for us
3. You need to be big and tall to look good dancing 3ardha, and the average height for males in Kuwait is 5.5!!
للأسف
I will pay u to watch hehehehe
WHITE WINGS
أم الحفيز ردت عليج و قامت بالواجب
لكن،يا أم الحفيز،ما راح نرضى بالتانغو يا عمرى
تراث و بس
SHEBA
THANKS FOR STOPPING BY BUT,WE HAVE ALL THE POINTS THAT YOU SAID HERE IN KUWAIT.THE PROBLEM IS THAT YOU SOCIALIZE IN PLACES WHERE YOU ONLY SEE MEN WITH SPIKY HAIR AND TIGHT JEANS WITH BODY HUGGING T-SHIRTS!!!!
FILMGIRL
I WILL EMAIL YOU THE PICTURES YOU NEED.SEND ME YOUR E-MAIL ADDRESS.
WILTED_ROZE
IT WILL BE FREE TO WATCH AND LEARN.
خلاص ماكو الا اقول حق الوالد يسوي دورات يعلم الشباب اللي يبي يتعلم
والله ابوي يستمتع لي صار عرس فيه عرضه
دايماً يروح عروس اهلنا بالسعودية والبحرين لان عندهم العرضه شي اساسي بالعرس
والله ملاحظه في محلها
لاني حضرت عرسين للحضر يابوا فيهم فرقة اتسوي عرضه وصقال طيران اللي الواحد وده يطير بس المشكلة ان محد يعرررررف .. تدري شنو فشله لمن يقضبون السيوف ويطالعون بعض متوهقين؟؟؟ المشكله اني وياهم ما اعرررف :/ والله عطوني سيف قضبته حسيت اني نيوزلندي زاير الكويت هههههه
مشكله.. ياخوي محد علمنا
المشكلة الثانية انها مو عادة دخيلة .. وانا طول الوقت احسب ان العرضة تقليد خاص باهل البادية بس .. بعد السؤال عرفت ان عروس اهالينا قبل فيها عرضه ..
بعدين الصراحة العرضة تعطي العرس نكهة واتحس انك في فرحة زووواج.. اذكر يومها حسدت الحريم على عرووووسهم .. امطربين حالهمممم دق ورقص .. اما الرياييل .. قمة الرسمية ولا اتحس بفن بدون.. هالعرضات
سوررري قررررررقت عليك
خوش بووووست
NESCAFE
والله صاج الوالد الله يحفظه
إن شاء الله يجى عندنا بالمدرسه يوسع صدره
لندنى
يا حيا الله باللندنى و نورتنا بزيارتك
والله إنك تفهم و راعى ذوق
تقدير التراث شى مهم و إن شاء الله عقب ما تفتح المدرسه و نخرج طلاب منها،شوف العرضه بالكويت
FILMGIRL
أو كىىىىىىىى
سامريه
وين نقصتى أنا بعد؟
سامريه
أفا عليج ما قلتيلى من قبل
عيل،أنا على حق
بطرشلج رضاوه
قرشة رشوش و كيس سدر حق السبوح يوم الجمعه
السموحه
سامريه
صح لسانج
Post a Comment
<< Home