MALE HAIRDRESSERS
أذكر أيام أول كنت أشوف حلاقين فى صالونات الحريم و كانوا حريمنا وايد مستانسين عليهم لأن على حسب ما سمعت من أغلب الحريم دار ما دارى أن الحلاقين الرياييل أشطر وايد من الحلاقات الحريم
لما أسأل عن التفاصيل و ليش الحلاقين الرياييل أحسن من الحلاقات،أغلب الحريم يقولون لى أن الحلاقين الرياييل ايدهم خفيفه و عندهم ابداع بالقص و يعرفون شلون يحطون الثقه بالزبونه و يطلعونها حلوه وواثقه من نفسها
وبعدين سألت السؤال المهم وهو:شراح يسوون هالحريم اذا الحلاقين الرياييل ممنوعين هالأيام من انهم يشتغلون بصالونات الحلاقه الحريميه؟
الجواب كان غريب و عجيب!!!!! الأجوبه كانت
عندى حلاق يجينى بالبيت يسوى شعرى
فى حلاق انجليزى يجى الكويت كل شهرين و نروح نقص شعرنا عنده
أسافر باريس مخصوص علشان أقص شعرى عند حلاقى المفضل
أروح لبنان،لكن غميضه هالأيام ما نقدر علشان الحرب
عيل،اذا أغلب الحريم بالكويت يبون الرياييل يقصون شعورهم، ليش ما فى حل لها الموضوع؟يا ترا عندكم أى اقتراح؟
أنا بالنسبه لى،أشوف الموضوع مافيه شى على أن حلاق يقص شعر البنات ،الا اذا البنت كانت محجبه،فهذا موضوع ثانى
أنا أبى أشوف اذا أنتو (مع أو ضد) الحلاقين الرياييل يقصون شعر البنات لأننى صراحه منقهر على بعض البنات اللى ودهم الحلاقين يقصون شعورهم لكن ما يقدرون
واللى قاهرنى أكثر اللى يزامطون و يسافرون مخصوص علشان يقصون شعورهم
posted by Chai-7aleeb @ 7:38 AM
71 Comments:
لللأسف أنا وحدة من إللي يسافرون و يقصون برة
ليييش
لأن صبغات الحريم كل تقلب برتقالي
و إييد الريال متمكنة من الفرشة
و الريال ذوقه غير و يسافر وايد برة و ياخذ دورات و يتعلم
ألحين إللي يقص شعري إنحاش راح لندن
شودينيي ألحين؟
عندي حل من الحلين
يا شعري أصبغة سادة
و أخليه بدون قص
أول إن لبنان ترجع
و بعدين قوللي أي مهنة بالدنيا ما يكون إللي وراها ريال؟
أصلا الرجل مخلوق للإبداع
أمهر الطباخين رجال
أمهر المصممين رجال
أمهر المخرجين رجال
أمهر ( مادري شنو الجمع
إللي يحطون ميك أب رجال
قوللي بالله المرا إشفالحة فيه غير الحنة و الرنة؟
This comment has been removed by a blog administrator.
well 1st of all ,, ana mit7ajba :>
7ita gabel ma at7jab ,, a7is shmala aroo7 agu9 sha3ri 3nd rayal ,, mako shghel ..
mako shy ilrayal ysweeh o ilmara mat3rif tsweeh ..
girls if u want a new hair cut go 2 cutting edge ,, they are perfect
bala ryayeel o 6rabee6 ,,,,
5arabee6 *
men are the best makeup artists and designers and hair dressers.. awal kila kina nges sh3oorna 3nd reyayeel! wayed fannaneen!
bs now i dont trust a7ad to cut my hair illa anaa...
ow 7ata hair dyes.. brooo7iii :P
anonymouse :
أنا إمرأ و متزوجة و لي أولاد و أمهاتنا أول ما يعرفون إلا برونو و محمد
و المسترجلات مالهم رب يعني؟
هذا بلا و تحمدوا ربكم
و كبروا عقلولكم شو
و إرتقوا بالحديث مع العالم
خل للحديث آداب و لباقة
إحنا مو يهال
;)
honey:
i try them , they did the haigh light green , when i went to spain and went to JD their , he told me who mess up with your hair like that!
it return to ASH!
they are good to hairblow , o ba3deen their appoitments are suckx and it's very far away , i cant go is almost everyday!
with i
أنا أشوف المنع مومنطقي
لأن اللي محافظ ومايبي رياييل يقصون لهم ما يدخلون هالصالونات بكل بساطة
ولا تخلون أحد يتعنى بره
صاجه ريما ولا اللبنانيين عاد
محد يتفوق عليهم في الشعر والماكياج والازياء
آنا أتفق مع سالفة أن من أمهر اللي يقصون الشعر الرياييل، جربت النوعين وارتحت لقصة الريّال
ولو تلاحظ صالونات برّا لما المرا تقص أو تحلّق حق الريال يعجبه قصها أو حلاقتها أكثر
It's about having things made by the oppostie sex that has something into it.
يعني الريال عنده نظرة بالنسبة للّي يلوق على المرا أكثر والمثل بالنسبة للريّال
وأتفق مع تويتي بأن المنع ليس منطقي البتّة
و دمتم سالمين
لووول ,, سخافه عيل اسافر برى عشان اقص شعري ولا اصبغه !!
والمتحجبين يعني شلون بالله
انا اقول الي يسوون هالسوالف جياكر وشعرهم كشيش
ومعقدين بعد عشان جذي ما يقتنعون الا ليمن يعدلهم ريال
الحمد الله والشكر
أنا متحجبة فمايصير يقص لي ريال، بس والله اختي سوالها ريال من قبل وماكنت راح أمانع يقص لي بعد لو كنت سفور
دائما الرجال هم المبدعين من هالناحية، سواء من الشعور أو المكياج أو التصاميم
واللي يشوف إنه غلط حر برأيه بس don't force it down our throats
chai-7aleeb: weenik?
ana lel7een ma9adaft wa7da tsafer 3ashan tge9 sha3arha ma3any asma3 3an nas chethe.. bas 3al 3moom mashoof ena fe mane3 ina male hairdresser yge9 sh3or el 7arem kho9o9an etha kanat el mara 3ala goltik momte7ajbah!
REEMA
كلامج يأكدلى أنه اللى قلته صح
الواقع أنه أغلب الأشياء اللى فيها ابداع و ذوق يكون وراها ريال
واللى قلتيه واقع
أحسن المصممين و المهندسين و الرسامين و الحلاقين و اليكاب آرتيستس اللى قلتى عنهم كلهم رياييل
لكن،هذا ما جاوب على الشؤال اللى أهوا شلون راح تعالجين موضوع حاجتك للحلاقين الرياييل بالكويت بدال ما تسافرين لهم؟
ANONYMOUS
ريما من بناتنا و عن الغلط
HONEY
أنا وايد أحترم رأيك لكن يا ريت لو تستعملين صورة واحده محجبه فى البلوغ مالتج لأنه أنا كله حسبالى انتى مو محجبه بسبب الصورة
DA VINCI
أنا جدا أحترم رأيك و فكرك و أنا من الناس اللى ما همنى أى أعضاء أو تشريعات طالما ما أسوى شىء غلط و ضد القانون
بالله عليك شنو الغلط فى حلاق للحريم أو بعد الموضوع اللى تكلمنا عنه بالبوست السابق عن المدرسه لتعليم التراث؟
أنا اشوف الشرهه علينا احنا شباب و بنات الكويت و تعرف زين اذا أشتهينا نسوى شىء،راح نحارب علشان نحصل عليه
المواضيع عندى بهالبلوغ عباره عن شراره راح تؤدى الى الانفتاح
وراح تشوف
بالنسبه للباخره،هاذى خوش فكره بس يبيلها بيزات وايده
وبعدين ليش نخاف و ما نسوى مشاريعنا على أرضنا؟
احنا من الشعب و لنا الحق نسوى اللى نبيه طالما محترمين أنفسنا و ما نسوى شىء يضر أحد
شاكر لك ملاحظتك و آراءك الممتازه
JIJI
قريب ان شاء الله راح تلاقين اللى تبينه بالكويت و الحلاقين راح يكونون دار مدارك
عندك حق بأن الحلاقين الرجال هم أحسن ناس بهالمصلحه
مشكورة على الزياره
REEMA
حبيبتى،مالج شغل باللى يتكلمون عنج
أنا قمت بالواجب
HITMAN 1
لما قبل كم سنه قبل الغزو
لو تسأل الأهل يعلمونك
ESGHANOONA
شفتى شلون كلامى عدل؟
TWEETY
مشكوره على صراحتك
بعد هالبوست،كأننى راح أشوف ناس بتركض و تشتغل الواسطات علشان يشوفون لهم طريقه يجيبون حلاقين رجال للحريم
أنا معك بأننا احنا بالكويت معروفين بأننا محافظين و ما أظن أن الحلاق الريال مشكله
بالنسبه لى المو منطقى هو لما تشوفون رياييل بياعين فى محلات الملابس الداخليه النسائيه
هذا صراحه غير منطقى بالمره
يبيعون صراويل و ستيانات للحريم مسموح و حلاقين لأ ؟؟؟؟؟؟؟؟؟؟؟؟؟
BUTTERFLY
أنا معاك 100% و أتفق معاك بأن الرياييل عندهم نظره للحريم مثل ما الحريم عندها نظره على الرياييل
R7EEQ
ترا الموضوع صحيح و فى ناس وايده ما تحب تقص شعرها الا عند ريال
و على فكره،أحلى بنات بالكويت هم اللى يسافرون لهالحلاقين و بعد يفضلون الحلاق عن الحلاقه
و بعدين وين الجياكر بالكويت؟؟
ما أشوف الا حلوين دار ما دارى أسم الله عليهم
الأخت نعناعه
أنا معاك
السالفه ما فيها شىء أن المره يقص لها ريال
That seems a little extreme for me, i mean i dont think theres a difference between men or women hair stylists? Seriously? Its the same as when they say that men are better designers?
If you would say a man can be a better policemen or fire fighter, i would agree, cuz they are built in a way that they are tougher. But hair styling? It would make more sense if women were better stylists il9era7a.
Bainy o bainich, i think its just dala3...they just feel better be dealt with by a man...
Oh and fe wayid mit7ajbat yg6on 7jabhom for men hairstylists :P
3ela golat'hom....
"7alaaaal"
"Mo Kwaiti...sh3rrfa?"
:P
7amdillah o ilshkr
D
TOTALLY AGREE WITH YOU.THE CHEMISTRY BETWEEN MEN AND WOMEN WORKS 100%.
IF YOU HAVE BEEN TREATED BY A MALE HAIRDRESSER,IT FEELS MUCH MORE BETTER JUST BECAUSE HE PAMPERS YOU WITH GREAT WORDS AND COMPLIMENTS.
UNFORTUNATELY,SOME PEOPLE TAKE SUCH THING TOO FAR AND THINK BAD ABOUT YOU AND THE HAIRDRESSER.
I'M WITH YOU ALL THE WAY....
HOW CAN YOU STAND LIVING WITH WOMEN ALL YOUR LIFE???
ANONYMOUS
أهنيك على صراحتك و بما أنك محجبه و تفكرين جذى ، يا ريت كل المحجبات مثلك
DELICATELY REALISTIC
FIRST OF ALL,THANKS FOR YOUR VISIT TO MY BLOG.
SECONDLY,IT'S A FACT.MOST TALENTED PEOPLE SPECIALLY IN HAIR,MAKEUP,FASHION,DECORATING, FLOWER ARRANGMENTS,FOOD,DESIGN,ARCHITECTS ARE MOSTLY MEN.
WHEN WE GO SPECIFICALLY TO THE HAIR STYLING INDUSTRY,YOU ONLY SEE STAR NAMES BEING ALL MEN LIKE JOHN FREIDA,CHARLES WORTHINGTON,FREDERICK FEKKAI, NICKY CLARCK,ALEXANDER OF PARIS ETC...
CAN YOU NAME ME ANY INTERNATIONAL TALENTED HAIRSTTYLISTS???
AS FAR AS THE (MUHAJABAAT) ARE CONCERNED,YOU ARE RIGHT IN SOME OCCASSIONS,THEY SEEM TO BE LETTING IT LOOSE AS LONG AS THE MEN IN FRONT OF THEM ARE NOT KUWAITIS!!!
IT EVEN HAPPENS IN WEDDINGS WHEN THE WAITERS ARE MEN AND THEY DON'T MIND BECAUSE THEY'RE SIMPLY PHILIPPINOS OR INDIANS!!!
WHAT A JOKE..!!
REEMA
I DELETED THE COMMENT OF THE STUPID ONE WHO ATTACKED YOU.
chai-7aleeb :
بعد عمري والله لا خلا ولا عدم
والله صج تضايقت و حز بخاطري
لييش هالهجوم
إشسوينا؟
والله زادت غلاتك
my smile came back
:)
والله ما إنزامط
أصلا ما إنقول إنا إنروح حق إللي يعرفونا
إنقول عندنا شغل
بس إهني ماخذين راحتنا لأن ما إتعرفون إحنا منو
REEMA
طولى بالك
أقرب الناس لى يسوون مثلك
متعود
لا يصير بخاطرك شى
ولا تزعلين
I have to confess that I'm one of those people who travel to cut and highlight their hair 3ashan ana arta7 7ag nass mo3ayaneen with my hair :)
I love Tony Elmendelek Saloon
kel mara yege9li my hair wella yesaweeli highlight I LOOK GOOD, 3inda wa7id isma Fares mo 6abee3i bil highlight oo Elie yesawi a7la blowdry bil 3alam :)
and I Love KATY as well she's this French-Spanish lady that comes from time to time to Kuwait oo mashallah 3alaihaaa 3ajeeeeeeba , a7ib her highlights oo a7eb-ha when she cuts my hair :)
il zebda ena il wa7id ma yege9 sha3ra ela 3ind shakh9 ihwa yerta7 mena ib qadh il nadhar ihwa rayal aw mara aw etha they are in Kuwait or anywhere else :)
Chai-7aleeb: enta wain itge9 sha3rik :P ??
chai-7aleeb :
thank you my dearest :)
KITTY
شسوى بعد
آسف على البوست نزلته بيوم يمعتكم
على العموم قمت بالواجب و الموضوع سكرته أنا و ريما
رأيج مقبول و ما أدرى اذا جربتى الحلاق الريال أو لأ؟
الكل يقول قصه أحسن
WARDA
ان شاء الله صرتى زينه من النشله؟
على العموم،كلامى كان فى محله و بعض الناس مو مصدقيننى أنه فى ناس تسافر علشان تقص شعرها
مشكورة على الأسماء مالت الحلاقين
راح أعطيهم للأهل يجربونهم
على العموم،أنا من الناس اللى أقص شعرى على الصفر بالمكينه
تعرفين أريح
انا ما عندي مانع الرياييل يقصون روس الحريم
بس صراحة ما ارضى زوجتي تحلق عند ريال
لوول
اشطاري عليك هالموضوع وتقلب المواجع اذكرايام قبل كنا مانسوي سارحه الا عند سالم او محمد اظن واحد منهم كان في فندق الكارلتون بشارع فهد السالم عليه ضرية سشووار مو طبيعيه وعقب المنع قام" نعيم" حلاق الشحرورره يجي الكويت وكنا نجيبه عندنا بالبيت ويقص شعرنا وما فيها شي؟؟؟ وانا قلتها من زمان يا نواااب العصر الجاهلي منو الي حطكم وصيين على شعب الكويت..بعد انا ماشفت حكومه تربي جيل...الي نعرفه الاسره هي الي تربي مووو حكومه مادري من وين طلع لنا هالعبووو المشوطر خلوووه.
اشوا اني ريال واقص شعري عند الباكستاني اللي بجمعيتنا
شنسوي الكبر شين
وعلى قولة بوبكر سالم
مشى كل الزمن .. وانا في مكاني
غزاني الشيب .. فاتتني الاماني
يسافرون عشان يقصون شعورهم ؟
قص الله بلاعيم العدو
يا حبهم حق الشوح والمسايق
والله بيجينا يوم ما نترقع فيه .. لاحول ولا قوة الا بالله
ومن ناحيتي انا ما اسمح لريال بلمس شعر زوجتي وخواتي
صج انك وكيح
الله يهديك يا وكيح عاد مصفيفين ريايل ...والي يعافيك واح من الخوات ولوتروح ما مرتك للحلاق يتروالي بيدوده لما يشوفك وما ريح يقص عدل كااااااع كع كع اضحك وياك يا وكيييح وشوووله اتويـــــــــــــــــكح
انا احب قص الرياييل اكثر وما اثق فى الحريم واسافر لبنان اقص شعرى واللة يعافى الجزيره تذكرتها رخيصة وخفضت علينا التكاليف
وبعتقادى ان قرار منع الرياييل بصالونات الحربم رجعى واللى ما تبى ريال يقص شعرها فية صالونات وايد كانت موجوده قبل قرار المنع ما فيها الا حريم
واج =واحد
صاجه يا كووور مخلبط
ويازين قصايبج بس ؟ صج انج اوريجنال
كيفيك مدام ...كيف صحتك
اسمالله بتاخذي العقل...
وفسطاني بيعأأأأأد
وشووو بيدنا نعملك موديل هاللق اصمالله علييكي كلشي بيلبأألك
....هالشكل يستقبليج المزين الأبناني يازينهم يبردون الرووووح ويرفعون المعنويات، وايدهم خفيفه على الشعر ولا يمجع ولا يغار مثل بعض هالحلاقات من تشوف شعرج حلو بولعت بريجه واعفستلج الصبغه خلوووه حلاليق حريم ما ينفعون الا حق الحف والشيره وبس ولا المانكور والبيدكور والكوميكياج والسارحات غير الرجل فلاااااااااااااا وضروري ابناني ولا المصري ابو الطلايب قطيعه
دايفيتشي
اتعرف المثل الي يقول هوووي هوووي يا ناقتي يعني وين رايحيين وياكم!!قطيعه هذول بعض العيال يطالع من بيت اهله طري لا فهاميه لا درايه ويتلقفوونه الي خبرك ويخلوونه مثل الكوسه حق الحشوو الفكري ولا الثانييين حق بلع البيزه منه...ليش لان الولد ولا البنت ما نظت في بيتهم بعدهم ترفيين فكريا وبسرعه يتطوعون ويتشكلون لكل شي.... والسبه منو قالوا لك الحكومه!! اهل العيال وينهم ليش محد جابلهم ولا رباهم ولا وجههم...الحكومه اشعليها لا ترفيهه مثل الناس لا صووواليين مثل الخلق لا مسارح لا مدارس دور اوبر حالنا حال هالناس ماكو الي تصدق يا اخي ان الرياض فيها دار اوبرا؟؟ولا جامعه مثل البشر بالله عليك جامعه رجالي وجامعه نساء ؟؟؟ حمام هو ولا صاللللون،،وييين الاقتصادييين البلد ما يحتجون جم ميزانية الجامعتيين هني صفوف وهناك صفوف هني مدرسين ودكاتره وهناك مدرسين ودكاتره هذه يبيلها مال قاروووووون ينصرف عليها لا وعقب بيسون جامعه حق المحجببات وجامعه للسافرااات
الله يهديك يابو ليونادو حديتني على الشري وهو مررررررر
السلام عليكم
اخ جاي حليب مادري تقصد متى كان يقصون رياييل سملي اساميهم ...اللي يقصون الشعر
اللي اذكره كان في واحد بالشيراتون لبناني واظن توفى من زمان ..بس ماكان الغالبيه رياييل ..كانوا قله ومعروفين وكانوا ناس معينيين يروحونلهم..يعني لهم زباينهم مو الكل يروحلهم ..
بالنسبه لي في ظوابط تمنعي حتى قبل ما اتحجب
اولا ..ان الشعر يعتبر من جسم المرأه مثله مثل الجسد ..ووكذلك الاظافروغيرها ..فما يلمسه رجل الا لضروره ..واعتقد اذا المره قصت شعري مو الريال ما راح اموت او تييني جلطه ..اي ماكو ظروره بالموضوع ..والمرأه ما تخلي الرجل يلمس جزء من جسدها الا لضروره او لعلاج ..يعني الضابط مالي شرعي ..وماكو مذهب من المذاهب الاربعه يحلل ان الريال يقص شعر المره والعكس صحيح ان المره تقص شعر الريال ...يمكن كلامي ما راح ايووز حق ناس وايد ..ولكن متعوده عادي
وحتى قبل ما اتحجب ما عمري خليت ريال يقصلي شعري ..ليش والمره موجوده
وبالنسبه ليش يمنعون الرياييل ..محد منعهم ..وموجودين لكن وجود الريال بصالون حريمي الصراحه مادري شلون..خاصة ان صالوناتنا مو مثل صالونات الغرب ..صالونات شقيق وامسكره ..وصالونات الغرب مثل المطاعم والبقالات مفتوحه
ومع كل ذلك ما اروح الا صالون اعرف راعيته ..صعب ان المره تقط سترها في مكان ما تعرفه صعب..وبعض المشايخ يحرمونه ..سواء كانت متحبه او مو متحجبه
من الخطأ اني اييب تقاليد الغرب واطبقها على تقاليدنا ..ومن عمر الدنيا نسمع بشي اسمه حفافه بس ما عمرنا سمعنا بحفاف ..
ومع كل هذا ..الشعر والصبغ والموضه ووووآخر اهتماماتي وللأسف :)
هذا ما عندنا
اختك ام مضحي
ريما :
المره فالحه بالحب وانا اختج
:P
LOL !!
ok ra7 a7ajeb jessica alba :P
الله بالخير ياجماعة الآراء الحلوة والمختلفة كذلك..
أما بعد..
فلم أقم بهذا البوست الستايلي بإدلاء دلوي أو امساك مقصي أو تشغيل سشواري أو تجهيز صبغ الشعر..
ولكن استمتعت بقرائة الآراء المختلفة و أضم صوتي الى صوت "كلا مطقوق"
عادي اللي يبي يقص عند ريال.. حلال ملال عليهم و الله يهنيهم انشاله بلوكهم اليديد
بس انا فيني شوية حكاااارة على الاهل يعني خلكم على الحريم يستشورونكم.. وايد أحسن
الا اذا صارت السالفة وحدة بوحدة و اروح حق كوافيرة اتحلقلي و اتسويلي سكسوكة و تقرعلي راسي
ذيك الساعة يمكن أطخ شوي
ودمتم
hmmm.. intersting topic. I had a hair cut by women in US Chai they are sucks. the hair cut looks awful. it's just like "eg7a6ah" hehehe. Male hairdresser for both genders is good. However, male hairdresser ma yenfa3 in kuwait.
من خلال اللي اشوفه وبما ان عندي شويه اهتمامات بالميك اب وستايلات الشعر اوافقك بالراي ان الرياييل وايد احسن من الحريم بصنع الستايل بس عن نفسي ما اشجع هالظاهرة والديرة مو ناقصة صراحة =)
ممكن تكون في ايجابية وحده حق هالموضوع .. ان الصبيك ما تظطر تروح صالون الريايل عشان تحدد الزلف !
كله مطقوق
ما هقيتك حجر على مرتك
أم الحفيز
شطرا عليج نعيم الحلاق؟؟؟؟
الله،غبار يانا
الكل عارف أن الرياييل يقصون أحسن من الحريم و الاثبات الردود اللى تقرينها من البنات
منو عيل يسويلج السارحه هالأيام؟
سلوقه بلوقه
حياك الله بالبلوغ مالتى وأشوة بعد أنا مثلك ريال و أقص بالمكينه على 3 أو واحد بعد أيام الصيف
قصه ب 3 دنانير وانقز
تدرى و أنا اخوك كم يدفعون هالبنات علشان شعورهم؟
شرايك هالأيام القصه توصل لما 100 دينار و أكثر؟؟
الله لا يخفس فينا
wakee7
هذا اللى أنا أقول
ما عندى مشكله يقصون شعورهم بأى مكان بس مو يسافرون مخصوص علشان يقصون شعرهم
لا،و يدفعون مبالغ على قصات الشعر توصل أكثر من 100 دينار للقصه
الله لا يعاقبنا
كور مخلبص
حياج الله بالبلوغ مالتى و زارتنا البركه
الله يعافى الجزيره و الله
لكن الحين لبنان بحرب،يا ترا وين راح تروحين علشان تقصين شعرج؟
KITTY
ما هقيت ريلج حجر جذى
حسبته مودرن مثلى
MILK CHOCOLATE
يا هلا فى بنت خالتى حليب كاكاو
معاك حق والله
يا ترا وين الحلاقين الرياييل الزينين بالكويت اللى يعرفون يقصون للبنات؟؟
ساعدينا
عتيجه
يا هلا و سهلا فيج و حياج الله بالبلوغ مالتى
أنا أحترم رأيج و تفكيرج
لكن ممكن تجاوبين على هذا السؤال؟
يا ترا شنو الفرق بين الدكتور الريال اللى يفحص الحريم و اللى يقص الشعر؟
THE SIMPER
أقترح أنك تقص شعرك عند حلاقه مره و تشوف الفرق
ليش مو أنت و كله مطقوق تجربون تجيبون الحلاق عندكم بالبيت و خلو الأهل يقصون شعرهم جدامكم
ترا الحلاقين ما راح يأكلون حريمكم
لا تخافون
ZEIDANI
SOMETIMES,YES,FEMALE HAIRDRESSERS SUCKS IF YOU DON'T KNOW WHERE YOU'RE GOING TO.
HOWEVER,IT IS SAID ON TOP OF THE LIST OF THESE COMMENTS THAT MOST OF THE GIRLS PREFER MALE IN EVERYTHING.
أختى سامريه
والله انتى اللى مفتكه
لكن ليش السمر و اللى شعرهم فلافل ما يسوون لهم صوالين خاصه فيهم؟؟
ترا أنا أعرف وايد حريم يجيبون مستحضرات تمليس و حتى بعد كريمات و مكياج حق السمر لأنه مو موجود بالكويت هالمستحضرات
ترا خوش بزنز
وبعدين على قولتج،مصطفو الحلاق لما الحين الناس الكبياريه بالكويت يروحون له
MOORISH
YOU'RE ABSOLUTELY RIGHT.
THE CHEMISTRY BETWEEN MALE AND FEMALE WORKS PERFECTLY IN EVERYTHING.THIS IS WHY GOD CREATED US LIKE THAT.
DON'T WORRY ABOUT THE MALE SALES PERSON.NOTHING WILL HAPPEN.TRUST ME IT'S TOO COMPLICATED.
MANOOYA
حياج الله بالبلوغ مالتى و أوافقج بالرأى
سؤالج فى محله
ليش الناس ترضى أن البنت (الصبيك) تروح صالونات الرياييل و حرام على الريال يقص شعر المره؟
انا اقول الي يقول حرام او حلال...هذا امر بين الخالق والمخلوق وبس يعني بين الي بالارض والي بالسما محد له شغل...بتنصح كيفك بس بتفرض اظن هذا خطاء لان سبحان يقول المووومييين خطاء....وربنا كريم يغفر لاهل القلوب النظيفه...وهو عالم بالنووايه....انا يالعبد شكووو احكم على البشر بالظاهر دام ربي يحكم بالنواي وانا ما اعلم عن النووايه...المهم المثل يقول " الي بقلبه صلاة ما تطوفه" والله صايرنا علينابعض من امهات الاعمم والالحه وصايا...كل من وكيفه حط قلك براس تعرف خلاصك
وعليه وحالي حال امهات المشاغل الخياطه من غير رخصه واهل الطبيخ المنزلي
بسوي صالون بملحق بيتنا وبااي اابوينتمانت استقبل زبايني وبيب حلاليق من كاريتا بباريس ومن ايطاليه ومن لندن من فيدال سنسسون
وكيفي ومحد له شغل فينا ولا اشريك يا جاي حليب؟
أم الحفيز
أنا معج بهالمشروع 100% و راح أدعمج ماديا و معنويا
انما الأعمال بالنيات
والحمدلله نياتنا صافيه
و ما نبى نشكك بأحد وكل البنات بحسبة خواتنا
يذكر عليج أم الحفيز لما كانت جامعة الكويت تسوى رحلات سفر للطلبه؟
كانت هالرحلات مختلط و لو تسألين عن اللى راحو هالرحلات يقولون لج شلون كانو كل الطلبه على قلب واحد و النيه صافيه
حتى كانت تسولف واحده من الطلبه اللى راحو هالرحلات و كانت تقول لى أنه الطلبه الرياييل كانوا أكثر حجاره حتى من أخوانهم و كانوا يخافون عليهم و يتأكدون أن محد يأذيهم
ليش الحين كل شى حرام و ما يصير؟؟
صايرنا= صايريين
سامريه
مالج الا طيبة الخاطر
ما طلبتى شىء
سامريه
الله يجزاك خير و أنتى أخت عزيزه
الأخت الغاليه شوووح
صراحه فقدناج
عسى أستانستى بالشاليه و أخذتى تان حلو
ديرى بالج من الشمس الوايده لأنها مو زينه كثرتها للجسم
أولا،أحب أهنييج وايد لأنج مثل ما يقول المثل الكويتى (بطيتى الجربه) و فضحتى ناس وايد يزامطون
أنا أعرف ناس وايده وأغلنهم بنات يشترون كل أغراضهم من محلات الكويت مثل فيلا مودا و غيرها،لكن اذا أحد سألهم من وين شاريينه،قالوا من لندن أو ميلانو !!!!! ليش الكذب؟؟؟
شنو راح يصير فيهم اذا قالوا شرينا الغرض الفلانى من الكويت؟ هل أهما خايفين أحد يشترى مثلهم؟؟
والله العظيم،أنا أأكد كلامج أن الكويت أسعارها وايد أرخص من بره و أشترى كل هدومى من فيلا مودا و أخلط بعض المرات شوية قمصان من غاب أو بنانا ريببلك من أمريكا وبعص المرات من توب شوب و مارك أند سبنسر
بس كل اللى أشتريه من الكويت الا غاب و بنانا من أمريكا
والله الكويت أرخص و الخدمه أحسن و فيها كل الموديلات أول بأول
حتى ذاك اليوم أستغربت لما كلمونى فيلا مودا و قالو لى أنه الكولكشن الشتوى اليديد كله نزلوه مع أوروبا
الحمد لله على النعمه و بعد يعطونى خصم زين فى فيلا مودا،حره
أما بالنسبه للحلاقين،أشكرك على صراحتك و فعلا فى ناس وايد يروحون صالونات الكويت و اذا سألوهم قالوا قصينا شعورنا بره!!!!! ليش الكذب؟؟
والله هالناس مريضه
وبعد،صاجه لما قلتى أن أبخل الناس هم اللى عندهم بيزات و خير و يناشبون الناس على الفلس
تعالى شوفى أول يوم تنزيلات فى فيلا مودا،أول سيايير تصف عند المدخل هى الرولزرايزات و البنتليات و المرسيدسات و البورشات
يا ترا ليش هالمزامط بأهل الكويت؟؟
حتى بالعروس،يقولون أشترينا فستاننا من نيويورك وهو شارينه من العثمان بالكويت!!! مرض
أشكرك على الصراحه و عساك على القوه
MILK CHOCOLATE
معاج حق 100% و لازم تتوفر جميع الأسعار حق جميع الطبقات
أنا أتوقع لو نشجع شباب الكويت جان يطلع منهم فنانين قص شعر
بس المشكله اللى عندنا أنه الشباب يخافون من حجى الناس و أهلهم علشان يقولون عنهم حلاليق
أنا ما أشوف فيها شى
شماطيط
أشكر صراحتك و الحمد لله أنه مواضيعى هادفه بشكل ممتع و غير مباشر
هذا الحلو بالموضوع
شوووح
يسلم تمك ،على قولة اللبنانيين
جاي حليب
ذكرتني بالذي مضى .....والله اني اذكر مره بالاشته راده من الابنان سنة 1972 بالكويتيه على ايام عزها ودلها...ومعنا بالطياره بالدرجه الثانيه طلبه كويتييين بنات واصبيان ترانزيت في بريوت يايين من المغرب..... وتقول جنهم اخوان واخوات مو اصدقه كل واحد يخاف على اخييه...ويذكر علي الطيران كان بالمسيان.... طرنا وعقب العشا انا حولة ورحت الدرجه الثانيه تعرف ليش؟؟ سمعت صوت الطار جان يفز قلبي من الطرب.... واروح لهم.. دلي دلي وتعال شوف الميد صار في كاردوورة الطياره اهي سامريات واغاني الي طار الوقت علينا من الاناسه واليباب فوق السحاب له نطعه تانية
خلها على الله ذاك زمن والحين الزمن غير
دور بس على القلوب النظيفه صارت عمله نادره هالايام يعني عنتيكه
Chai-7aleeb.
Nabi 9aloun yedeed mokhtala6 :P
For haircutting, and hair styling and hair coloring.
ممكن تحطّه على قائمة المشاريع الخمسية؟
:P
وشكراُ
يا جماعه
ترى سالفة معهد الفنون الفلكلوريا الشعبيه الكويتيه ابشركم صارت صج كلولولوولوولوش مقدمين طلب لوزارة التربيه في انشاء وتجهيز "معهد خاص للفنون الرقص الفلكلوري لاحياءالكويتي" ويبون يعرضونها على الميلس الله يستر بستره
أم الحفيز
أمبيه؟
باقوا فكرتى؟؟؟؟؟؟
من صجك هالكلام؟
اذا صج،يعنى نجحنا بفكرتنا
BUTTERFLY
طبعا،مشروع الصالون المختلط داخل بالخطه و راح تشوفين شلون راح ننفذها بدون أى مشكله
الفكره موجوده و راح تتفاجئين
شوووح
الله يخليج لنا و مشكوره على الدعم اللى تعطينى اياه
أم الحفيز
حبيتج والله كلامج عدل
مو الرياييل عبالهم مخ الحلاق بشي ثاني
و هذا الخطأ
ما يدرون إن قاعد يسوي شغله و متعود و شبعان و عينه متروسة و يقص شعر ألف بنت و سنين صارله
بس أنا وياج أهوا حرام و ما يعطينه الحق إن نقول غير هالكلام
و هذا الشي بين العبد و ربه
إهيا العنوة إللي قاثتهم؟
يبا إنقول راحة و إستجمام و زلقة بطيحة
إنزين و إللي يتعني علي بدلة عرس إشينقالله؟
توفير
و إللي يروح مرتين بالسنه أوروبي يجسي روحة؟
يا جماعة هالشي موجود و ما ننكرة
الكويت معلوفة من عمر الدنيا ديرة بذخ
ما أسويها بس ودي أسويها
صراحة السفر متعة
و إذا سويتها ماراح أقولكم لا تاكلوني يقشووري
هاهاهاهاهاها
يبا ما أقص شعري عند أحد أٌصة بالبيت و أخلي الفليبينية إتقصلي إياه
أعجبكم جذيه؟
والله إبتلشنا بعمارنا
يا كلمة ردي محلج
REEMA
حبيبتى،اخذى راحتج و سوى اللى تبينه
أنتى على الأقل أحسن من بعض ناس اللى عندهم خير الدنيا و بخله من قلب
أنا معك و ما عليج من أحد
ريم
اقوووووووول ريومه حبيبتي لا تقثين عمرج المثل
يقول "حب وقول وابغض وقوول" وجلمه تستحين منها ....بديهااااااا"ولا عليج روحي تنفهي سافري كيفج بحفظ الله والمولى والله......هذه قصة؟؟؟ المال مال ابونا والقوم داحروونا" اخر العمر جفن ابيض ويالله بحسن الخاتمه
ماقول الا كيفوووووووووووووووو
ريم
اعيوني مو ضروري تعجبين احد اهم شي
ارضي ربج والباج عاجبه حيا الله والي موعاجبه يبلط السيـــف هذا اذا طاحت عليه المناقصه كاااااااااااع كع كع
أم الحفيز
والله توني داقة علي كيتي
أقولها جني مسافرة بفلوسهم
الشقة موجودة و التذكرة سعرها سعر دخلة جمعية
صبغ و هايلات و قص و سشوار ما يتعدي 50 دينار
شنو المشكله؟
ما يحطون هالمبلغ علي جنة و إلا جوتي سيرجو روسي
هذولا مو بالدنيا
أنا أعرف ناس علي قد حالهم و مشتهية إتروح ، يمعت جم بيزة و ضبطت الموعد
ميدل إيست الصبح
و ترجع علي الكويتية الساعة 7
كلها ساعتين
ما دروا إللي يسوون ليزر بالبحرين؟
زباينه كل حريم الكويت
ياخذونا الصبح و يردون بالليل
جنهم رايحين الشاليه
و طبعا أغلبهم عندهم شاليهات
هاهاهاهاهاها
والله الكويتيين فنتج وربي
لازم غير
خلاص بقسم الديرة طبقات
ما نقدر إنتفاهم جذيه
لما تدخلين بشخصيتج الصجية لازم أدخل و وياي الكاتالوج
مادري ليش حسيت نفسي غير
توني أحس والله
هاهاهاهاهاهاهاه
شعور السيليبرتي حلو
و إلا عاد أهد شادي و طوني و جون بيير و أخلي خديجة و إلا مروه المصرية يسوولي شعري!؛
ليييييييييش يعني عني ما سويته
هاهاهاهاهاها
والله بقولج سالفة إن وحدة إحترمت إلتزامها الديني و كل ما تقوللي شعرج و وين أقولها بالكويت
إتروح المسكينة و ما يسوونه مثل ما تبي
هالمرة قالتلي يسلمج روحي وياي
جان أقولها سمعي و أنا أختج
ما أحب أقول هالكلام بس إنتي حديتيني و بقول الصج
يبا شعري يسويييه واحد صارلي مدة وياه
و أتعناالله عنوه
جان تشهق!:؛
ريال!؛
قيتلها إيييه يبا ريال عرفتي ليش غير:؛
و ترا بس لبنان يعرفون حق شعورنا مو برة
أشونه الفنانين ما تعدلوا إلا يوم إمسكوهم حلاليق رياييل و إلا أول لووووعه ما تشتهون إطلوون بويووهم
chai-7aleeb :
إنضغطت و أنا أختك
هاهاهاهاهاهاها
تعلمت درس
و راح أحمد ربي علي النعمة إللي أنا فيها
ما أقول إلا الله يسامح كل من جرحني
و راح أقابل الإساءة بالإحسان
أقول؟
بروح أتغدي بباريس و أرجع تبي إتيي ويانا؟
هاهاهاهاهاهاه
أمممممممم
انزين بره في حلاقات حريم
صج انهم يلعوزون شعرنا
بس احسن من رحية الحلاقين الاتراك والا السوريين والا الباكستاني
وللأسف اللبناني ما يضبطك عدل
ما ادري اخوي شاي حليب
من باب المساوة
ليش ما تنزل موضوع
صالونات رجالية بأيدي نسائية
وما ادري شنو راي المتزوجات
ههههههههه
خو أكيد بيقولون القصه مو شي والا الشنب عوي الى اخره
الفرق الضروره ..وما اعتقد ان المره اذا ما قصت شعرها راح اتأذى :]
واذا كان في دكتور ريال و دكتوره مره متوفرين بنفس المكان والتخصص..المرأه الأفضل والبعض ينظر لها من الواجب تتوجه للمرأه واذا في ضروره توجب توجهها للرجل ممكن لأبأس الدين يسر ماهو دين عسر ترى .. :]
وعلى فكره ترى شرحت كلامي يكومنتي السابق لكن بالاعاده افاده
طبعا ضد
و الحاصل الحين اني لي تكلمت و قلت رأي الي صج يقرقع بقلبي بطلع رجعية و متخلفة و من العصر الحجري
و في شي ثاني لاحظته
في ناس ضد الحلاقين و في ناس مع و في ناس تاركتها على الله " انتي شنو ترتاحين له !!!!!!!"
فاذا طلعت الي بخاطري و الحجوة الي تقرقع بقلبي ... المهم
ما ارح ازيد شي خصوصا عتيجة كفت و وفت
بس برد على سؤالك بالنسبة للدكاترة
في حالة الضرورة القصوى و شفنا ما في احد كلش اهني ما في شي يمنع
اضرب لك مثل عن نفسي
اذا رحت اسوي لي تحليل في الأميري ارفض انه ريال يسحب الدم و انطر لما تفضى الاخت الي اهناك و لو حصل و ماكانت فاضية يسحبه من الكف ايدي مو من ذراعي
افضل طبيبة مو طبيب و اذا ما حصلت الجأ اخر شي للطبيب
بالنسبة للبياعين في محلات تمنع وجودهم و كنت افضل لو استخدمت مصطلح ثاني
و هذا رأي قولو متخلفة رجعية اي بتقولون بس هذا رأي و المفروض تحترمونه مثل ما تفرضون علينا نتحرم رأيكم
و سلامتكم و تعيشون
REEMA
يا أختى ما عليج من أجد و سيرى و نحن من ورائك
ENTER-Q8
أشكرك على الزياره و هاذى فكرتنا بعد على ترتيب مشروع صوالين حلاقه رجاليه و فيها حلاقات يشتغلون
أما بالنسبه للزوجات،فأظن أنهم يبون الفكه من أزواجهم لأنهم يدرون أنه فى هالصوالين ما راح يطلع من الحلاقات شى
KITTY
ترا كل اللى يداحرون (محترين) منك و من ريما
ما عليكم
القافله تسير
الأخت عتيجه
أنا أدرى انك تطرقتى لموضوع الدكاترة الرياييل لكن حبيت التوضيح بالنسبه لوجهة نظرك
أنا بالنسبه لى أهم شىء أنه الأهل يشوفونهم دكاترة حريم و ما عندى مانع اذا كان الحلاق ريال
هاذى وجهة نظرى
ريما
لا تزعلين و أنا أخوك و كلنا معاك
DANDASH
شكرا على الزياره و رأيك له كل احترام و تقدير
و لا تقرقع أى سالفه بقلبك
تكلمى بكل صراحه
البلوغ مالتى للتنفيس
ريومه وكــــتي
يا بنات وسعوووو صدوركم يا بنات القافله تمشي والي خبركم ينبح
وعاشوااا غنووو مع خليفه بدر
والعين هلت دمعها والناس غافين اه
والروح ذابت والحشا والنار تصلا اه
على عشيرين صابني في طرت العين اه
مكن صوابه بالحشااه ويلا ه ويلاه اه ه ه
قرون الي منه مشى موز البساتين اه
اذا مشى مشي الغوواااا محلا ثناياه اه
له غرتنن لي شعشعت نور القمر ويــن اه
سبحان ربي صوره بالحسن وجنااااااااااااه اه
والعين هلت دمعها والناس غافين اه
والروح ذابت والحشا والنار تصلا اه
اناساااه وطرب سووو شعركم عند الصولين الي بخاطركم وماعليكم من احد بس اهم بالسامري اللفاح يا خذ دوره وعاااااااااااش واقف
طاح حيلي
جاي حليب
طلما اني احب الرضعه (جاي حليب) خصوصا بالعروس
....هذا اهداء للجاي حليب
قال احبك اويله قال احبك اويلاه ......وهم قال احبك اويلاااااه
كل شي فيك يتكلم بس قلبك اويلااااااه......وياما قلبي بجا يتألم وقال احبك اويلاااااااه
قبل ما ابدي بالكلام مديت ايدي بالسلام ....لما اسلم اسلم ايدي بإيدينك تنام
بس لاحظ انت وافهم........ كل شي فيني يتكلــــــم
اه ه ه قال احبك اوبلاه وقال احبك اويلاه
اه شوف عيوني ولاحظ ايدي بالسلام...... لاحظ ايدي بالسلام
لم اسلم اسلم ايدي با إدينك تنام
بس لاحظ انت وافهم........ كل شي فيني يتكلــــــم
اه وبس قلبك اويلاااه............ وياما قلبي فيك تألـــــم
قال احبك اويله قال احبك اويلاه ......وهم قال احبك اويلاااااه
المقصود الجاي حليب ويفضل جاي الوزه مقند على الفحم وحليب امهيل
OK, I can say that I have tried them and let me rank them for you:
1- Feminine Gayish Male Hairstylists
Not of offend any gay people who might attend your blog but let me tell ya...they are the best when it comes to hair. I have tried them in Kuwait whom mostly Lebanese (not to offend the lovely Lebanese people…after all Lebanon is the capital of Middle East Fashion) and also in the US. Apparently the do have "light hand" and know which hairstyle fits the most...give them a try.
2- Regular Straight Male Hairstylist
If you think about it, those men strive for perfection and also to maintain their masculinity while doing what they do. However, in order to achieve the perfect hairstyle you need to bolster all their feminine skills (i.e. creativity and sense of fashion) but sometimes they failed due to their expected masculine roles in the society...otherwise they are great.
3- Female Hairstylist
According to my experiences they are the worst...however, they are the best when it comes to massaging your head scalp and facials. They assume they are good because they are females...but they are not. It seems the males always best female in feminine fields (i.e. fashion design, cooking) and vice versa for the females.
سامرية
طلبتج
وانا متأكد راح تعطيني طلبي لأنج اكيد تعزين اللي حاطه صورتها مثل ما احنا نعزها .. الله يرحمها
الميت له حرمه ويا ليتج تغيرين الصورة
وشيخة السامري ما نطلب لها الا الرحمة
كور مخلبص
هم يا ليتج تغيرين صورة
شيخ الكوميديا .. عسى الله يغفر له
ميخالف انا صاير هالمرة مليق مو وكيح كالعاده
بس يا جماعة كل ما اقلط اهني يضيق صدري لما اشوف صورهم بالتعليقات
والاموات يحتاجون منا الدعاء لهم بالرحمة
وراح يجي يوم وبنصير نفسهم .. يالله حسن الخاتمة
ONe of my best friends cut women hair for 15 years in the states, he is Lebanese. He just moved back to Kuwait but found out male hairdressers is not a very popular job, so he is doing something alse. If anyone interested I can give you his #.
He does great job in coloring and hair styling. Give him a chance.
Email me at shusmo@hotmail.com if anyone wanna try him out and I will farward the email to him.
السلام عليكم جميعاً
أولاً أتفق مع أختى كيتي بعدم إنزال بوست يوم الجمعة لأنه يوم زوارتها ويومى العائلى.
ثانياً شفت البوست أمس وما مدانى أعلق لأنه الموضوع يبيله قعدة وآنا كنت مشغولة بالإستعداد حق المدارس كل عام وإنتو بخير. مثل منتو عارفيت جواتى عز كم الله وشنط واللزى منو.
ثالثاً ما أدرى شأقول الموضوع شائك خصوصاً بعد ما قريت كل الردود اللى قبلى. ما ابى أدخل في مهاترات اللى راح أقوله التالى: نحن عرب ومسلمين، ديننا الإسلام. والله أمرنا بأشياء لا يمكن أن نقول عنها رأي شخصى أو هذا بينه وبين ربه. الله وجدنا في هذه الدنيا للعبادة وعمارة الأرض. ولما قال عبادة فهى فرض لا يمكن الفتوى فيها. أحد هذه الأمور الحجاب وليس أى حجاب الحجاب اللى أمرنا الله به.
الله سبحانه وتعالى قال المال والبنون زينة الحياة الدنيا. معنى هذه أن الله سبحانه وتعالى خلال وجودنا في الأرض يبينا نستانس ولكن وناسة لها ضوابط. لما البنات اليوم صار همهم باللوك وأغلب وقتهم بالصالونات وفلوسهم نصها رايحه على الصالون ليش؟ علشان الناس تشوفها حلوة. كل الناس مو بس الريل. وهذا حرام شرعاً لأن في بنات لما تحاول تنصحها تقول هذا حق ريلي. والله الريل ما يشوف الا الكشه والوجه العبوس وما أظن أكو ريال يحب يشوف مرته بنص كيلو مكياج ولا شكل يشبه نانسى عجرم ولا نوال الزغبى وإذا كان يبيها جذي فحق نفسة مو حق باجى الرياييل يشوفونها.أنا أقول الستر زين.
رابعاً أغلب المتكلمين يبون رياييل ويسافرون لهم علشان الصبغات أكثر من القص. اشفيه الشعر الأسود ولا الكستنائى، ليش انغير هويتنا ونصير كلنا شقر. والله قامت أم الشعر الأسود تنصاد بالتفق. ومنو يقول ما في حريم يقصون شعر ولا يصبوغون زين، عيل اشكانو الحريم يسوون قبل ما تنتهى حرب لبنان الأولى.
آنا أقول إن الناس صار اليوم تفكيرها سطحى جداً. ومثل ما يقول المثل خالف تعرف. أول لما كان في رياييل في الكويت كان في ناس تروح لهم وناس ما تروح لكن لما تم منعهم صاروا أهما الزينين ليش لأن صار ممنوع. أما بالنسبة للى يسوون شعرهم في لبنان آنا أعرف جم وحده سوو شعرهم عند أشهر الحلاقيين وجنا امسوينه في صالون الجمعية.
أختم وأقول إتقوا الله ترى ما حد عارف متى يموت وخلونا نستغل وقتنا بالأعمال اللى تقربنا إلي الله وحتى لو كانت صغيرة، ونبتعد عن كل ما يحرمه الله أو يبغظه. وترى جمال البنت بأخلاقها مو بشعرها. لأنه للأسف هذا تفكير وايد بنات لما يتم ذكر الحجاب تقول أحلى ما فينى شعرى إذا غطيته راح أصير مو حلوة. إن الله يجمل الناس بقدر تقربهم له. واشفيها الحنة نسيناها على الأقل مفيدة حق الشعر أحسن من الصبغ اللى يخلى الشيب يطلع بسرعة وسلامتكم
جاى حليب التعليق السابق حقى العين الساهرة بس ما طلع إسمى ما أدرى ليش
أم الحفيز
شهالسامريه
الله لا يخلينا منك
FALLEN ANGEL
THANKS FOR STOPPING BY MY BLOG AND YOUR ANALYSIS IS TO THE POINT AND VERY RIGHTLY SAID.
WAKEE7
صج معاك حق
لازم الأخوان و الخوات ما يستعملون أى صور للأشخاص المتوفين إكراماً لهم
CECE DESOUZA
THANKS FOR YOUR COMMENTS AND IT IS TRUE THAT MANY OF THE GIRLS IN KUWAIT DON'T MIND HAVING A HAIRCUT BY A MALE HAIRDRESSER.
YET,THE REALITY IS THAT SOME OF THESE GIRLS DO GO TO PARIS AND ELESEWHERE TO HAVE A HAIRCUT.
ANONYMOUS
جزاك الله خير على التعليق المفصل و اللى قلتيه له كل إحترام
لكن الواقع غير
الله يهدى الجميع ان شاء الله
العين الساهرة
عسى ما شر كمبيوترج يمكن خرَف؟؟؟؟
على العموم،رديت عليج و هم جزاك الله خير
إنما الأعمال بالنيات
Post a Comment
<< Home