TORAATH SCHOOL PART 2
آسفين،ما كفت البوست الأوليه
هذا الجزء الثانى مال خطة المدرسه
قسم تسخين الطيران
قسم اللياقه البدنيه،وهذا القسم راح يكون بإشراف أحد المؤسسين لترتيب معيار محدد للياقه البدنيه
قسم مرونة الجسم للأنسياب مع دقات الطار والطبل و هذا القسم مفتوح للى يحب يستلمه
قسم تعليم الأجانب و المقيمين اللى يحبون يتعلمون الرقص و الفن التراثى الأصيل
نحتاج فى هالقسم مدير يجيد جميع اللغات واللى أهمها الأنجليزى و الفرنسى و الإيطالى و الألمانى
أستراحة المربيات عند بوبة المدرسه لأنهم ما راح يسمح لهم أن يدخلون المدرسه
راح نوفر لهم جو مميز و بعض الطيران مع فيديو و تلفزيون بغرفة الأستراحه يعرض لهم شريط تعليم دقة الطار و بعض المبادىء للفن التراثى
فرع لشركة رومكو للى يحب يشترى أشرطه بالمدرسه
فرع للفاضله أم فلاح للى يحب يشترى دراريع أو مستلزمات أخرى مثل الرشوش و الحنه و الغتر والقحافى الخ الخ
المقصف بإدارة (حلويات الوطن) للفاضل عبدالله الحلواجى و راح تكون قائمة الأكل رهش و حلوى و درابيل و قهوه دله و شاى فحم
فى النهايه،جرس الهده كل يوم راح يكون تجمع جميع الطلاب فى الساحه المدرسيه و راح يشيلون الطلاب و المدَرسين شيله (دامت حياتك) و (عليك سعيد) و بعدها (شلوح ملوح) وكل واحد يتوكل على الله
اللى عنده أى ملاحظه على أسس و جداول المدرسه و مكوناتها،أرجو أن ترسلولى هالملاحظات قبل لا نطلع بالمعامله لوزارة العدل علشان نسوى عقد التأسيس
و سلامتكم
posted by Chai-7aleeb @ 4:33 AM
30 Comments:
حسبي الله على ابليسسسك احلى شي الهددددددداه وااي تقطعت جبدي من الضحج......
شلوح ملوح والي يدل بيته يروووووووووح
وااااي انت صج انك فكرة؟؟؟لا لا مو طبيعي عساني ما اتدوده بصلاتي الحين غبررررررررره....
مشالله خطه مدروسه
وومقسمين الوظايف وكل شي
شغل عدل صراحة
لا انا اتوقع مستقبل حلو للمدرسه التراثيه
باجر تلقون يحطون خبر عن الافتتاح
بال CNN
Allah yewafegna inshallah :)
Allah yewafegna inshallah :)
صااجه يا كتتي السامريه يبيلها تربرب واردوف مو عصلان يا دافع البلا يبيلها وحده امربربه ......حتى ادوح السامري دوووووح مع موية صقلة الطار
جاي حليب
نبي بعد صالون حق تفييير الشعر ولا ششوار بعد القصه فيها لفاح وردحه ويتروالي في بعضهم يمكن يحط اكستانشاااان خصوصاااامها شعور ليف الودج
لوووووووووول
الله يغربل بليسك شاي حليب
ضحكتني :P
أهم شي شاي الفحم، و وين راح الحليب بالهيل؟؟
الصراحة أشوف ان المشروع كبداية فكرة استثنائية جداُ
:P و ودي أساعد فيها الصراحة، بعد اذن صاحب الفكرة والسادة الأعضاء
:P:P
أسويلكم دعايات وتغطيات اعلامية محلية ودولية و شرق أوسطية، كما اني اتقن اللغة الإيطالية والعنقريزية والسواحيلية والقليل من اليابانية
اشقلت؟
:P
الفراشه
هذه الساعة المبارك اعيوني وبقترح ان نحطج بقسم تدريب المغتربين والاجانب اشراااااايج
kitty
شوفي ان الله جسم وحطين كوافيراه ترى شواموا وكرنديشنات وبلاسم مانبي
اقصااه صابون رقي او سدر والصبغه حنه يمنيه بس ضروري الاوتي قصدي الفيييير حق امهات الودج والكومكياج كحل البجر للعيون وديرماااه حق البراطم وقصعة من الحنه بالجفووف ومانبي ريايل يسون سارحات للبنات وبعدين يا طويلة العمر نبي نقول حق جاي حليب يحط بكل صف حب ماي مع مقرافته حق العيال الي اعطشوا ونبي اللبان نبخر فيه المكان حتى نتجنب القوارض والبلديه ترش قاز بالحمامات عن الزهيويه والخنفسان والبريعصي الي يتشرقد على الاطوف...ولا اشقولج نسينا شي بعد ولا هذا هووووو
الشووح
ما نستغنى عنج يا ام الاناقه ودراريع مزيوووني لازم يصير عندج الاشراف الكامل على الازياء وتوابعها شبااش
لوووووووول ام الحفيز ، وراه حفيزج ما يسكّّر؟؟ ما تهيعين؟ اسمالله عليج عيني عليج باردة
:*** hahahah
اي اي قسم تدريب المغتربين وأيضا العيال المايعين اللي ما يتحجون ولا كلمة عربي ويحتاجون مترجمة بس ماني عارفة شنهي الأوراق المطلوبة؟؟
NESCAFE
مشكور على التقدير وإن شاء الله حملتنا الإعلاميه راح ترفع الراس
WARDA
آميييين
KITTY
عاد موضوع اللياقه البدنيه عليج و على الأخت ريما
أنتو راح تكونون المسؤولين
وفعلاً،ملاحظة الخريط جات فى مكانها
راح نضيفها
شوووووح
حبيبتى،والله مو قصدنا ننساج أبد
إحنا سوينا خطه سريه لج علشان نختبر طاقاتج
رتبت أنا و أختى أم الحفيز علشان تختبرج و قدراتج بالسامرى
وإذا نجحتى بالإمتحان،راح نحطج مديرة شئون الملابس و الأكسسوارات
لا تزعلين
هذا قسم خاص حقج
BUTTERFLY
شكراً على الزياره و راح نوافيكم بموعد توزيع الأوراق عاجلا و ليس آجلاً
سامريه
والله مو من قيمتج أختى
ولا تواخذينا على السدر،هذا اللى عندى و ناطر رفيجة الوالدة أم فرج تجيب لها سدر يديد
شفت الوالده يايبين لها بساتيك طرشى من أم مروق و قلت لها تطرش لج بعد بستوك
شوووح
اسمالله عليها فيها طاقه لا اإله الا الله...طير شلوووااه هبت ريح
اما بخصوص المملكه اعيوني ما اقدر اروح ماعندي محرم ان شاء الله يجيون الكويت ونقوم بالواجب
شوووح
أشوه الله يعافيج قمتى تكتبين بالحروف العربيه
رسوم الإشتراك راح نعلن عنها جريب و الأخوان بالرياض،يا حيييييييياتى، راح ندز لهم الأوراق لما تجهز
لا تخافين حبيبتى،مكانج محفوظ و القسم مالج روعه
تأخذين فيه راحتج بالهدوم و الأكسسوارات
منو المصممين اللى راح تتعاملين معاهم حق القسم مالج؟؟
مصممين كويتيين أو أجانب؟؟
نبى هدوم و دراريع ما صارت و إحنا ترا معتمدين عليج
شووووووووووح
هههههههههههههههههههههه
أحبج و الله
نبي قياسات
tall and petit :p
أهم شي دامج شوووح حزم ذهب و بقمات و كرسي يابر لو سمحتي
حق الكونسيرت و حفلة الإفتتاح
نبي لماعيين كريستوفال حق البوفيه
نبي شي يوايه إشوي
هاهاهاها
chai-7aleeb
سجله براءة إختراع قبل لا همور من الهوامير يطيح علي بلوقك و ياخذ الفكرة
إبذمتك ما تيدوداهت ويانا؟
هاهاهاهاهاهاه
آسفيييييييييين
شكلك هاد لويلي والتالي و إمجابلنا
بعد يوفي والله
نبي مال اليلوة ماركة عشان يعمر ويانا
شوووح
الصراحه قول و فعل و ما قصرتى اللى راح نشوف دراريع الطلبه ماركات
ما قصروا جماعة فيلا مودا و عساهم على القوه
ترا المزلط مسموح بالمدرسه بس لازم عليه ثوب تور
تذكرين،أيام أول ، كانو أمهاتنا يلبسون نفانيف مزلطه و بعد هم يطلعون فيها بدون أى مشكله
هالأيام الشكو لله كله عقد
بالمدرسه،سووى اللى بخاطرج و محد راح يدقرج
ما راح يقصر بوعبدالله ويانا بس ناطرين الدراسه تجينا من مها و ناطر أخلص معاملات المدرسه بمجمع الوزارات
REEMA
والله العظيم،كأنج قاعده تقرين أفكارى
أنا وايد خايف من الهوامير يأخذون فكرة المدرسه منى
الله يعيننا و نخلص الإجراءات بسرعه
على العموم،والله ما تدودهت وياكم يا حبايبى لأننى وايد متحمس على هالمدرسه
لكن،المفاجأة الكبيره راح تكون لما تشوفون هالمدرسه صارت صج بالكويت
صدقونى راح أسويها و راح تتفاجئون كلكم
بس الحكى لما كل الأشخاص اللى بالبلوغ راح يظهرون عن أنفسهم و يشتغلون معاى بهالمدرسه
مو الحين
خلنا نخلص من الإجراءات و يصير خير
جــــــــــــــــــــــاي حليب
عساك على القووووه ..... وجعل
سبحانه يبارك فيك وبالمجموعه اللهم امين
اقول جـــــــــــــــــــاي حليب
اتصدق يا اخي مو غشمره جني اشوف المدرسه الله يا هي بتضف اليهاهيل من السكيك والمجمعات والهيله عقب المغرب بالسالميه وشرق والله العظيم ان هالمشروع فللللللللله عجبه منها رياضه وحس موسيقي واخلاقي بين بعضهم بعض هالعيال يتعارفون ونطبق مثل كلنا اعيال اقريه وكلمن يعرف خييييييييييه مو المعاهد الخاصه امحق
أم الحفيز
شفتى شلون نظرتنا أنا وياج و اللى الله يحفظهم لجنتنا نظره بعيده؟؟؟
المدرسه يا إختى راح تكون دواء لكل داء و أولها تخفيف هيلة هالشباب و البنات من المجمعات
الله يانى أشوف هالمدرسه راح تلفى الكل و الجميع على صوت سامرية
سبب قلبى عيونه هيضنى
أويييلاه
وتولع خاطري بالراعبيه.....صوابن صابني اضهر ادماي وغريب الدار مادر بالقضيه
اهووووووووووو بس وين الميد...بروح افر لي فره اعيوني .....من رخصتكم
http://www.zeryab.com/A/Aisha_Al_Marta_Samri.htm
الي يحب يطرب
chai 7aleeb
لا تنسى فصل الاختلاط صراحة نستحي نردح جدام الرياييل
TWEETY
أكو حبيبتى صفوف بدون إختلاط
لكن،إذا جانا بو داوود (سليمان القصار) حق بعض الحصص العمليه،شنو راح تسويين؟؟؟
ترا ما راح نحط بو داوود ورا برده أو ستاره لأنه راح يكون محشوم من أصحاب المدرسه و المؤسسين و إحنا مو من الناس اللى يحطون المطربين ورا البرده
LIVE حلاته
جاي حليب &تويتي
اقول ماضرهم الاولين كان عواد سالم يشيل الخماري وامي عوده وسعاده البريجي تشيل السامري وحريم التخ من الماخ يرقصون وما حد يطالع احد لان الطرب والفنون هي الي اتحكم في الموضوع كله
والي يسمونه الغوووووووووووووووواه اوفييييييييييه على اول وفنونه
أم الحفيز
صح لسانج
جاي حليب
وصح ابدنك اعيووووني
OMG! 7adkum 3ajeebeen! LOL umbay 9ij 9ij cooool! Its such a good idea o mashallah 3alaikum mthab6een shu3'ulkum 3adil....i99ara7a fikra jahanamiya...o Allah ywafigkum winshallah ba5ith cham coarse 3ndikum 4 samri ;)
AURORA
حياكم الله بالبلوغ مالتى و بالمدرسه و مشكورين على الزياره
قسم السامرى ينطركم
MILK CHOCOLATE
خوش فكره
بس،نبى منو أحسن وحده تيبب علشان نسجل صوتها
chai-7aleeb
منو اكوو غيرها بعد سامريه عليه تصلوووت ما صار يبابها عجيب يسمعه القاصي والداني
الغاليه سامريه
أييبلج مطارة ماى حار و سكر نبات
زهبى بلعومج حق اليباب
أم الحفيز،نقذتينا
Post a Comment
<< Home