Monday, July 31, 2006

KLEENEX


فى شى بالكويت و بعد فى دول الخليج محيرنى وايد وايد وهى كمية علب الكلينيكس فى بيوتنا و دواويننا و صالاتنا و غرف نومنا وحماماتنا وحتى بسياراتنا

ليش هالكميه الكبيره من علب الكلينيكس كلها فى مكان واحد؟؟؟؟؟؟؟؟؟؟؟؟؟؟

إذا زرت أحد فى بيتهم،شفت كل الطاولات عليها علب كلينيكس
وإذا دخلت فى ديوانية أحد،تشوف بين كل واحد والثانى علبة كلينيكس
وإذا دخلت الحمام فى أى بيت بالكويت،لقيت على الأقل علبتين أو ثلاث علب كلينيكس
وإذا ركبت السياره مع أحد،تلقى على الأقل علبتين كلينيكس،واحده جدام والثانيه ورا

يا ترا ليش هالطبع الغريب اللى بس نشوفه هنى بالكويت و دول الخليج؟؟؟

posted by Chai-7aleeb @ 5:39 AM 40 comments

Sunday, July 30, 2006

FARQ FOR REEMA


إهداء خاص منى حق

REEMA

هذا فرق الشعر اللى يحطون فيه العيايز كلونية أم بنت

posted by Chai-7aleeb @ 8:09 AM 22 comments

إهداء خاص منى حق

KITTY






posted by Chai-7aleeb @ 8:01 AM 5 comments

MASHAAT



إهداء خاص منى حق أم الحفيز

posted by Chai-7aleeb @ 7:55 AM 6 comments

KAHA

إهداء خاص منى حق

THE SIMPER

posted by Chai-7aleeb @ 7:53 AM 5 comments

KUWAIT POLICE




من الأشياء اللى أتمنى تصير بالكويت إننى أغير اللباس الرسمى مال الشرطه و أشترط على كل أفراد الشرطه يروحون النادى يتدربون علشان تكون أجسامهم لايقه

شرايكم بهالأقتراح؟

الصراحه،مو عاجبنى شكل الشرطة ،أبداً

posted by Chai-7aleeb @ 7:09 AM 14 comments

Saturday, July 29, 2006

UM BINT


حبينا نعطركم بعد البوست السابق

من فتحنا عيوننا و احنا نشوف هالقرشه جدامنا بكل بيت بالكويت

اذا كان فينا عوار بطن،حطو لنا هاذى على بطوننا

اذا كانت فينا حراره و صخونه،حطو لنا هاذى على روسنا و على جسمنا كله

اذا رحنا الفراش،شمينا شراشفنا كلها بهالريحه

اذا أكلنا بايدنا، حطيناها بعد ما نغسل ايدنا علشان تروح ريحة الدسم

اذا سافرنا،لازم تكون أول شى ينحط بالجنطه


الله يخلى لنا أم بنت

posted by Chai-7aleeb @ 2:46 AM 37 comments

Friday, July 28, 2006

COMFORT HOUSE

صح لسان اللى سماه

بيت الراحه

posted by Chai-7aleeb @ 7:41 AM 11 comments

Thursday, July 27, 2006

SUSHI MANIA IN KUWAIT

يا جماعه




مو قاعدين تلاحظون هالأيام الناس بالكويت هابه بالأكل اليابانى؟
صاروا الناس ما عندهم الا سالفة السوشى والساشيمى وبعد قاموا يسوون ماكى على أساميهم

يا ترا، راح نسمع بأسامى ماكى غريبه عجيبه

شنو تهقون راح تطلع لنا أسامى ماكى بالكويت؟؟


posted by Chai-7aleeb @ 3:51 AM 18 comments

Tuesday, July 25, 2006

BU SAHAM


يا ترا شراح يصير فى بعض البنات عندنا بالكويت لو ينقطع من السوق؟

posted by Chai-7aleeb @ 11:05 AM 18 comments

Monday, July 24, 2006

KISSES IN KUWAIT


أرجو إنكم تساعدونى هالمره و تشرحون لى شلون أبوس العالم هالأيام بالكويت

يا جماعه،أنا احترت شلون أبوس

مره، يجيك واحد يبوس بوستين على كل خد

ومره، ثلاث بوسات

ومره، أربع بوسات

ومره، ناس تبوس بوستين على خد واحد و مو على الخدين

ومره، ناس تبوس ثلاث بوسات على خد واحد

ومره ناس تبوس أربع بوسات على خد واحد ، وبوسه واحده على الخد الثانى

يا جماعه، إحترنا شلون نبوس عالعالم هالأيام إذا كل واحد فينا صار عنده ستايل معيَن للبوس

يا حلو الإمارات اللى بس طق خشمك على خشمه، وإنقز

ليش إحنا بالكويت ما عندنا قاعده واحده للبوس ؟




posted by Chai-7aleeb @ 1:57 AM 34 comments

Saturday, July 22, 2006

KUWAITI BLONDES









وبعد الشباب، هم بعد عندنا ظاهره غريبه وعجيبه بالكويت وهى البنات الكويتيات اللى بين يوم وليله إنقلبوا شقر،بقدرة قادر

يا إخوانى،مانى عارف هالبنات ليش يسوون بروحهم جذى؟

صرنا كأننا قاعدين بستوكهولم ولا كوبنهاغن،مو الكويت من هالشقر

والألعن من جذى، لما تشوفون البنت صابغه الشعر أشقر والحواجب سود

ولا،قمة رأسها الشعر أسود وتحت أشقر

صج لوعه

يا ترا الشباب يبون البنت شقره ولا لأ ؟

وأخواتى البنات، ما تعرفون شلون أنتوا حلوين بجمالكم العربى الكويتى بدال ما تلطخون شعوركم بهالصبغ ؟

أبى أعرف رأيكم بصراحه

ولا عزاء للصالونات

posted by Chai-7aleeb @ 5:27 AM 25 comments

Thursday, July 20, 2006

BODYBUILDING CRAZINESS IN KUWAIT


يا جماعه

بالله عليكم،قاعدين تلاحظون الشباب هالأيام شلون صايره أشكالهم بالكويت؟

الكل يَان و قاعد على تكبير عضلاته و بعد طايحين له زرط بهالهرمونات اللى كل واحد صار يمشى بهالمجمعات والمطاعم متفوخ كأنه قبقب

يا ترى الشباب يبون يصيرون جذى هالأيام علشان نفسهم وإلا علشان يغرون البنات؟

ويا أخواتى القارئات،تحبون الريال يكون معضل بهالشكل أو لأ؟

posted by Chai-7aleeb @ 7:47 AM 22 comments

Wednesday, July 19, 2006

KETCHUP IN KUWAIT


المعروف فى كل العالم إن الكتشاب يأكلونه مع بعض أنواع الوجبات مثل الهمبرغر،البطاط والستيك

لكن الغريب عندنا بالكويت أنكم تشوفون وايد ناس يأكلون الكتشاب مع المجبوس، والهريس والمربين الخ

يا أخوانى

صج غريب ذوق أهل الكويت

posted by Chai-7aleeb @ 2:25 AM 24 comments

Tuesday, July 18, 2006

THE JOY OF MY LIFE


إذا الملكه بكبرها تشوى جذى، عيل لازم أعترف إنى أستمتع بها الشى

ملاحظه:مع الإعتذار للأخت لمياء الحالمه لأى شعور بشدخ الحياء

posted by Chai-7aleeb @ 5:26 AM 13 comments

Monday, July 17, 2006

الزحمه






أولاً،راح أقول ما شاء الله علشان لا تقولون راح أحسد أحد بهالبوست

ثانياً،جاتلى معلومات أن مبيعات الساير للسيارات توصل فوق ال 150 مليون دينار سنوياً

تبارك الله والله يزيدهم


لكن،صج إن بعض شوارعنا تعبانه وماكل عليها الدهر
بس هَم بعد عندنا بالكويت سيارات بالشوارع أكثر من سكان الكويت

وهاذى بعد سِبَة الزحمه اللى ما أدرى شلون راح يعالجونها

posted by Chai-7aleeb @ 1:37 AM 14 comments

Sunday, July 16, 2006

MENS UNDERWEAR



WHAT IS THE MOST POPULAR BRAND OF MENS UNDERWEAR WITHIN THE MALE COMMUNITY HERE IN KUWAIT?

AND WHAT IS THE MOST POPULAR STYLE?

posted by Chai-7aleeb @ 4:55 AM 24 comments

Friday, July 14, 2006

بو شكرى


يا ترى

منو بعد بوشكرى راح يقدر على البنك الوطنى؟

posted by Chai-7aleeb @ 11:40 AM 35 comments

Wednesday, July 12, 2006

HARD LUCK





!!!!!!!!! زيدان الكويت

posted by Chai-7aleeb @ 4:51 AM 5 comments

Sunday, July 09, 2006

PLASTIC SURGERY



We all know that there are many practices in plastic surgery such as nose jobs,face lifts,liposuction etc...

If you were given Kuwait Airways,what plastic surgery practice you will do on it?

Be specific please.

posted by Chai-7aleeb @ 8:28 AM 9 comments

Saturday, July 08, 2006

DEODORANT


In your openion,what type or brand of deodorant they are all using?

posted by Chai-7aleeb @ 3:36 AM 11 comments

Friday, July 07, 2006

KUWAIT....Small but......???


الكويت

صغيره وأفعالها كبيره

عسا الله يحفظها

posted by Chai-7aleeb @ 6:33 AM 5 comments