Saturday, September 16, 2006

DYNASTY




I WANT TO WATCH DYNASTY AGAIN.IT'S MY FAVOURITE TV MINI SERIES EVER.
PLEASE HELP ME TO KNOW WHERE I CAN FIND IT.

posted by Chai-7aleeb @ 9:42 AM 41 comments

Thursday, September 14, 2006

ROYAL MCDONALD'S

خبر حصرى عندى

ماكدونالد قاعدين يحضرون حمله إعلانيه كبيره لمنتج جديد إسمه

SLIM BURGER

وشوفوا من أختاروا حق هالحمله الإعلانيه؟




إى............صج هالخبر

أختاروا الأميره سارة فيرغيسون،دوقة يورك,علشان هالحمله الإعلانيه لأنها أثبتت إنها قدرت تنزل وزنها بعد ما كانت سمينه

السؤال

لو ماكدونالد قررت تسوى هالحمله الإعلانيه بالشرق الأوسط وتبى شخصيات من الأسر الحاكمه،يا ترا من راح تكون الشخصيه المناسبه للحمله الإعلانيه؟

posted by Chai-7aleeb @ 3:41 AM 38 comments

Tuesday, September 12, 2006

FEAR OF DARKNESS

أنا راح أعترف إننى أخاف من الظلمه أو أدخل دار مظلمه بروحى
كله أحس إنه شىء راح يطلعلى أو ينقز بوجهى

فيكم أحد مثلى؟

posted by Chai-7aleeb @ 2:36 AM 38 comments

Saturday, September 09, 2006

HASHAASHA


هالأيام
قاعد أشوف مرض هشاشة العظام كاثر بالكويت و خاصه عند البنات و الحريم
كل شوى أسمع عن بنت متكسرة بسبة طيحه أو أى عفته إيد أو رجل بسيطه

ديروا بالكم يا بنات و روحوا فحصوا روحكم
ما لنا خلق نشوفكم مثل هالصورة

posted by Chai-7aleeb @ 11:18 PM 39 comments

TERRIBLE INFLUENZA

أخوانى و أخواتى زوار البلوغ

آسف إننى تأخرت عليكم

إنفلونزا قويه قطتنى بالفراش الله وكيلكم

إلتزمت بالإعلان المرفق و (إنثبرت) بالبيت علشان ما أعادى أحد


posted by Chai-7aleeb @ 6:38 AM 37 comments

Tuesday, September 05, 2006

WHAT IS YOUR COMMENT?



راح أترك التعليق لكم وأبى أشوف شلون بتعلقون بالفرق أو بالشبه بين الصورتين

posted by Chai-7aleeb @ 7:33 AM 53 comments

Monday, September 04, 2006

MALALLAH


أظن كلكم تعرفون دلاقات و جواريب مال الله
أسمهم معروف من زمان بالكويت ولهم باع طويل فى هالمجال
لكن،أنا من الناس اللى دايماً ضدهم لأنهم قاعدين يحطون أسم عايلتهم مال الله على علب الدلاقات و أظن إنه حرام نشوف إسم الله على علب دلاقات

علشان جذى،أبى أقترح إنه نعطى شركة مال الله إقتراح بتغيير الأسم على العلب إلى ماركه جديده غير أسم عايلتهم مال الله

شنو الماركه اللى تقترحونها لهم كأسم جديد؟

posted by Chai-7aleeb @ 6:23 AM 40 comments

Sunday, September 03, 2006

BIL 3AFYA





مأكول العافيه

posted by Chai-7aleeb @ 6:01 AM 44 comments

Saturday, September 02, 2006

KUWAITI SNOB

من الأطباع اللى أكرهها بالكويتيين هى إنهم دايماً شايفين حالهم على شعوب بلدان الخليج و العرب و دايماً يرون نفسهم إنهم أحسن من أى أحد



مثلاً،إذا ذكرت أحد من السعوديه،قالو : وييييييه يوكم أهل المارلبورو-المقصود لباسهم الدشداشه البيضاء مع الشماغ الأحمر
وإذا جاهم واحد إيرانى ، قالوا:كاه كاه ،يوكم الخبابيز
وإذا ذكروا أحد من اليمن،قالوا: ويييه قطيعه تقطع المهاره
وبعد،لو يجيهم أحد من الإمارات،قالوا : كا يووكم قوم نحن
وسيييده،لما يسمعون طارى قطر،قالوا : وييييع ،أهل التيوس
واعلياه،البحرينيين الطيبيين،دايم يقولون عنهم :وييه خداى البحرين

ولا يابوا طارى عمان،قالوا : أيييه، طبابيخنا كلهم كانوا عمانيين

يعنى ليش هالطبع الخايس فى أغلب الكويتيين اللى يشوفون روحهم على خلق الله؟

والله عيب

posted by Chai-7aleeb @ 5:22 AM 50 comments