KUWAITI LADIES ATTITUDE aka (M'zaaama6)
بعد ما شفنا و قرينا بالبوست السابق عن موضوع الشعر،تطرقنا حق موضوع جدا حساس و هو تفشى ظاهرة (المزامط و الشحاطه) ما بين الحريم بالكويتأود أخص الشكر للأخت (شوووح) و صراحتها بهالموضوع لأنها مثل ما قلت انها (بطت الجربه) و أكدت أنه ظاهرة (المزامط) تفشت ما بين الشعب الكويتى بطريقه غريبه و بكثره
تعالوا خلونا نشوف أمثله واقعيه من المجتمع الكويتى
تخيلوا أنكم جدام مره كويتيه و تسألونها هالأسئله
شوفوا شلون راح تجاوب عليكم وتحت كل اجابة راح أشرح لكم الأستنتاج
السؤال:مشكوره وايد على النقصه اللى دزيتيها،يا ترا شلون سويتى العيش و شنو البهارات اللى أستعملتيها؟الكويتيه:والله متى ما بغيتى من هالعيش و البهارات ،قولى لى و راح أدز لج
الأستنتاج:نحاسة الكويتيه ما تبى تعلم شلون تسوى العيش و من وين تشترى بهاراتها
السؤال:يا حلو دراعتج،من وين ماخذتها؟الكويتيه:والله توصايه و الخياطه اللى سوتها لى سافرت لبنان
الأستنتاج:ما تبى الكويتيه أحد يلبس مثلها
السؤال:يا حلو هالمطاره مالت الشاى،من وين ماخذتها،تهبل؟
الكويتيه:والله لحقت على آخر حبتين لما كنت فى جون لويس فى لندن
الأستنتاج:جذابه،ماخذتهم من سوق المعلم بس تبى تشوح انهم من لندن
السؤال:تهبل الكيكه اللى سويتيها،شلون سويتيها؟
الكويتيه:قوليلى متى ما بغيتى أطرش لك
الأستنتاج:ما تبى تقول الكويتيه أنه مأخذتها من وحده تسوى كيك بشقتها بالسالميه
السؤال:يأخذون العقل الأستكانات،من وين؟
الكويتيه:والله الدرزن بخمسين دينار توصايه من محل بتركيا و سكروا المحل
الأستنتاج:ما تبى أحد يصير عنده مثلهم والمحل مفتوح مو مسكر
السؤال:تزوغ البيتزا اللى مسويتها،من وين؟
الكويتيه:والله طباخى توه متعلمها من كتاب طبخ أشتريته من ميلانو لما كنت مع بو العيال
الأستنتاج:جذابه ، موصيه على البيتزا من قيصر
السؤال:واااااى ،تراجييج يهبلون،يا ترا بكم شريتيهم؟
الكويتيه:ما قصر بو العيال يابلى اياهم من محل وايد غالى فى باريس
الأستنتاج:موصيه على التراجى من الأرمن اللى فى لبنان
لا تقولون لى أنكم ما تشوفون و تسمعون بهالمواقف بينكم بالكويت
بس السؤال هو ليش هالمزامط والكذب و التغبى عند حريمنا بالكويت؟
وبعد،أبى أسأل من وين يانا هالطبع اللى تغلغل فى أغلبية الحريم بالكويت؟
لأ، و المشكله أنه كل هالحريم اللى فيهم هالأطباع أغلبهم من الطبقه الغنيه اللى عندها خير بالكويت
ساعدونى بآرائكم
posted by Chai-7aleeb @ 6:34 AM
63 Comments:
KITTY
والله العظيم،هذا اللى قاعد أشوفه بين هالبنات و الحريم هالأيام اللى مستغرب منه
شنو راح يصير بالوحده إذا قالت إنها جابت الشغله الفلانيه من هالمحل أو غيره؟؟
ليش التغبى؟
ليش الكذب؟
ليش ما يبون هالبنات أحد يلبس مثلهم؟
صراحه أنا أسمى هالظاهره
مرض
و
نقاصة عقل
و
نحاسه
المشكله العوده أنه بنات الخليج يضحكون على هالطبع بالكويتيات و مستغربين شلون الكويتيات (منحس) على هالسوالف
والله صيت شين للكويتيات عند هالعالم
الحمدلله و الشكر
جاي حليب
والله صاج ثم والله انك صاج.....بعض الحريم وخصوصا امهات الخير الي يعدي ويبدي...ان فيهم بخل وشووح ماصارر احلف لك يمين ان ذيج السنه بحفله جبيره ان وحده منهم لابسه طخم طوابيق طوابيق جان اقول حق الي ينبي (وهي خبيرة مجوهرات) ماشاء اللله خوش طخم ، جان تقوولي هذا الطخم مو اي شي وطالعيه عدل لمعته امشوهبه وشايفته بالمعرض الهندي بشويخ
وهذيج تقول ما خذته من غررراف ؟؟ابو العيال جايبه لها بعيد زواجهم ؟؟؟لج خلق اللعن ابو الفقر نعلبوداريج افلوسج تغطي الشمس فقرانه على عمرج بشي مسمي؟؟؟ولا النفنوووف وما ادراك ما النفنوف خياط خياط قمر الي ببنيد القار. وتقول اخر قطعه في فيلا مودا....وااااي وش هالعبوووو
هذا مو مزامط هذاااا سوبر مزامطيكيشن دوت كوم
الحمدالله والشكر
KITTY
عساك ان شاء الله دوم بخوش مود
شراى الموظفات اللى وياك بهالموضوع؟
وين الأخت (ريما) ما علقت لما الحين؟
علشان مو تلومونى أنزل بوستاتى يوم الجمعه العصر وقت جمعاتكم
كانى نزلته يوم الأحد الضحى العود
الغاليه أم الحفيز
صاجه و الله
هم بعد أنا سامع عن (بعض الحريم) اللى عندهم خير وايد أنهم أكبر زباين عند محلات المجوهرات (الفالصو) و إنهم يدرون أنه لو يلبسون (فالصو) محد راح ينتبه لهم
صج عاد؟؟؟
وبعد سمعت أنه بعض الحريم الأغنياء عندنا بالكويت ،يروحون محل فى لندن يبيع هدوم مستعمله (سيكوند هاند) و يبيعون هدومهم السهرة و بدلاتهم الغاليه
صج هالكلام؟
مصيبه إذا كان صج
KITTY
والله مانى حاسد ريما على نوم الضحى العود
يا شين النوم بهالوقت و يا حلو النشاط و القعده مبكر
تحسين إنه يومك حافل
الله يهني ريما على النوم
و لا تحترين
السيد شاي حليب المحترم
تحياتي لك و لمواضيعك..انت لازم تكون دكتور علوم اجتماعية لتشخيص حالة الوضع الكويتي لا لأسباب معينة ولكن للاستفادة من ما يمكن استغلاله لأي مشروع تجاري يمكن التربح من وراه.
الاخ شاي حليب
اعتقد ان هذي الامور تأتي من من خاصية النسيج الكويت وتفاعلاتة الظاهرة و الباطنة(حشا كيماوي). و الاهم من ورا هذا انك (و للأشخاص الذين يعرفون ويمكنهم) تستطيع تمييز الشخصيات وامكانية التصرف معهم والرد عليهم،، وكل ذلك من من مجرد اجابة على سؤال صغير.. كما ذكرت في البوست.
مو عيب ان شخص ما، كان من كان ان يشتري ما هو غالي أو رخيص.. و لكن تكمن المظاهر الخادعة (وانا ارى انها فرصة لمعرفة من هو امامك) في التحدث و بصورة مخادعة عن حقيقة الامر.
بالنهاية.. هذي فرصة تحليل شخصيات مجانية
ودمتم وافكاركم
جاي حليب
كل الي قلته صج.....حتى مثلهم المتعارف عليه"الملبوس على لباسه" يعني لو انت معروفه بقريشاتج التووول اي شي تلبسينه اكيد واااو ومسمي ومن ذيج الحجايه...والمسيجينه لوو تحط الي تحطه ...ويكون نفنوفها اوسكر ديلارنتي ولا فالنتيووو ويـــه مو صج خياط هذه من وين لها حاسدين الميت على موتت اليمعه شكووووه لله
THE SIMPER
مشكور على الرد و الحمد لله إنك قاعد تشوف الزوايا الخفيه للمواضيع اللى أطرحها بالبلوغ مالتى
الهدف من طرحى لهالمواضيع هو توعيه القارىء للأمور اللى نتعامل معها فى كل يوم و بالأطباع الغير لائقه فى مجتمعنا و إصلاحها عن طريق التحاور و تبادل وجهات النظر
أنا أظن إنه البلوغ مالتى راح تكون مرجع هام لكل الأشخاص اللى يبون يدرسون نفسيات الشعب بالكويت و أيضاً للناس اللى عندهم إهتمامات تسويقيه و تجاريه
لكن،الأهم من كل هذا هو هدفى الوحيد اللى يتلخص فى شى واحد و هو توعية القارىء للأخطاء و العادات السيئه و إصلاحها
علشان تدعون لى بالصحه و العافيه و تشكرونى على الوناسه اللى قاعد أعطيكم إياها بالبلوغ عن طريق العادات بالكويت
الله يخليك لنا و يخلى تواصلك معانا
الغاليه أم الحفيز
إذا كل هذا صج،عيل نبى نسوى مشروع برنامج عن هالناس مثل برنامج أوبرا و نتكلم فيه عن هالحريم
ترا والله خوش مشروع
ترا كرثه إذا هالحريم الأغنياء يلبسون فالصو و تقليد و يقولون إنه صجى
وين عيل يصرفون فلوسهم؟؟؟
ESGHANOONA
جان زين كل بنات و حريم الكويت مثلك
لكن مع الأسف الأغلبيه جذى و إنتى قاعده تتعاملين معاهم
مثل ما تفضلتى
هذا نقص
يالله صباح خير
صبحكم الله جميعا حبايب قلبي
شالبوست؟
هاهاهاهاهاها
بقولك شي أخوي تيييه كونلييجي
لازم إتعرف أول إن الحريم مقسمين نوعين ، في ناس تستاهل إتقولهم لأنهم صج سائلين يبون يعرفون
أكو ناس بلاغة شف ، إتلاقيها حاشه فيك و متراهنة بعد و تبي إتبين وجهة نظرها
أنا من الناس إللي أحب أمدح وايد وايد
حتي ساعات الأكله ما تنإكل بس حرام تعبانه عليها
بالدوام ما ألبس كشخة و كا أقول يا مانغو يا زارا
وحدة تقوللي إللي تلبسينا ما إنشوفة إهناك
أقولها مانغو بس مو ما الكويت
تيقوللي إنتي لازم غير!:
والله إنني مرة وريتها التاق يالله صدقت إنها من مانغو
يبا ماني قاصه عليج
أنا عندي كل وحدة و لازم إتعرف إشلون إترد عليها
و قتلك علي طاري الشعر و القصة
طارت بوهتها يوم إسمعت وين و متعنية
أصلا أنا كلش ما أسأل إلا لقراب مني حييل أخاف أحد يقلي قله و إلا يجعم ، إشحادة الواحد
و إلا إللي تقول جم جم قولي جم؟
و إذا قتلها السعر قالت هااااااااو ما يسوي
و إلا ما يبين إن بهالسعر
شتدر عليها بالله؟
فلازم الواحد يزامط بالكويت عشان يحشم روحه عن هالناس
الله يا أنا إندقرت بسبة ما أبطل حلجي و أنعت
ووحدة أشكرة عقب ما مانات علييي جان تقوللي
ريييما عقب ما عرفناج عدل تغيرت وجهة نظرنا فيييج
عابلنا شايفة روحج
وأنا والله ما أشوف عمري بس طريقتي بايخه أخاف أقرب من أي أحد حيل أخاف يفهمني غلط لأني أهذر وايد و بكل شي
:/
لي لقاء معاك وقت المساء و السهرة
خلوني أنام ورانا مدارس و الفزعة الساعة 6 و معافر علي الحمام و تمشع هالكشه و بجي ولدي
هاهاهاهاها
و دوخة ولبحة الواجبات
بتمتع بحياة العزابية
حمدو ربكم أقوم الساعة 1
يوم كنت عزابية أقول الساعة 6
و وأواصل لييه ما إتقوم الوالدة الساعة 7:30
أتريق وياها و أحب راسها و أروح فريشي
شاي حليب أنا بس بالصيف جذيييه
ما أقدر أطلع بالحر أذوووب
الوعد كل بعد صلاة المغرب
شكلي قاعدة أتدرب حق إرمضان
very funny and real post thanks
but you forgot to mention that guys do that to but about other things
This comment has been removed by a blog administrator.
شوووح
الصراحه....مو بطيتي الجربه الا فرقعتيها............وعلى قولة المثل"عنز الفريج ما تحب الا التيس الغريب "الخير بديرتنا ومن خلال اعيالنا.... وخفالله علينا.. خيرنا لغيرنا... والله ان في ناس من السعوديه وقطر والبحرين يتعنووون عنوووه حق محل بيلا موديه...والمسعده تقول ويـــه غالي... نعل بوخيرج اتسافرين اهو مصرف تذكره و تكاسي وسكن بفندق وازحيرج بالمطاعم وعقب اتشرين وتنبط الجناط من الخلاجين ووزن بالطياره تعالي دفعي وتقولك لابالكويت غالي...خلوووه تخلي تفكيرها الاقتصادي وتدبيرها المالي... قطيعه تقطع هالتفكير والتدربير المفرج بالفرايج
in my opinion, il nass ili tetfalsaf oo shayfa nas-ha 3al 3alam hathoool nass moo shayfeen khair oo sakhefeeeen oo 3indohom mushkella ib shakh9eyat-hom it's either enhom moo wathqeen ib nafs-hom aw yeste7oosooon ena il nass itshoof enhom mo 3al mostawa il ma6looob (oo il 9ara7a ma adri sheno ihwa ili mostawa il ma6looob in kuwait)....ana a7ib agoool 7ag kel hal nass ena il 7emdella kel wa7id il mafrooodh yekoon 3aref nas-ha oo mala da3i en-hom yeghargooon bil deyooon wel qorooodh 3ashan sayara wella safra wella clothes etc.
oo ba3dain akrah shay when u ask someone from where is your bag oo teg3ad it-teshay7a6 3alaik min Harvey ili ib London ...ishda3wa 7emdella kelna shayfeen khair oo kelna we shop in harvey shakoo il tefelsef oo ba3dain mo ya33ni etha il bag min harvey ra7 itkoon a7la min il bag ili ib villa moda !! kelha nafs il bag!!!!!!!
7elo ena il wa7eed yekoon 9aree7 ma3a nafsa oo ma3a il ghair il 7ayat betkoon a7la 9adgoooni :) I always get critized from my friends because they think im too open with everything (9areee7a)
oo ba3dain ana ma3a il ikht "Shoo7" lama galat "....اوبعدين تبون تشوحون شوحو بالعلم بالتفكير باللغات مو بالاكل الله يهداكم"
7emdellah wel shikir!! GROW UP PEOPLE !!
1 more thing there are famlies by there entire behave like that all the time.
I believe whoever does that is inscure and Intimidated by the person infront of them ...
no need to hang around those people.
والله يازين لكويت كلشي فيها صاجييين لا و أرخص بعد
يستغربون إذا ييت و ماشريت حق اليهال شي
أقولهم الوزن إللي بدفعة أغلا من لغراض
فهونت
أول الكويت مافيها شي بس ألحين والله عسا ما إتكح إلا طلعت ماركة يديدة
-------------------
شوووووح
كلامك إشحلوه
-----------------
أم الحفيز
متألقه دايما
------------------
chocolate milk !
you hit a point, they ask and open the subjects
blah blah blah
then they go talk about you blah blah blah
3/4 is gossup
شاي حليب
اليوم لزوارة عندك زهب البقصم و الدرابيل و الخبز الإيراني إللي مدهون زبدة و عسل
و إللي ما يحب الحلو إنسويلة عروسة فيها جبنة كيرييي
بجابل بلوقك الله يعينك
لأني أكثر وحدة متليعة من هالسالفة
و والله ما قمت أشتري من برة
قمت أستمتع بالأكل و الهوا
هالشيين ما يقدرون يسإلوني عنه
لا و هم ما فلست
يقولوون برد هالحزة شمودييكم
هاهاهاهاها
هالأيام عندي بيات صيفي
كل ما سألني أحد أقول بالبيت
و هم مو عاجبهم
والله تعبت من داخل أعماق يووووووووفييييييي
أقولك والله تعبت من مجتمعنا
يبدي الشين قبل الزين
و ماكو عليك بالعافية بعد
إتلاقي الحاجب نط فوق مو عاجبة
هاهاهاهاهاها
you hit a point
q8iat!!! Ma ya3jebhom el 3ajab wela el 9eyah la eb shawal wala rama'6an wela rajab! :P
ريوومه
ما عليج زووود حبيبتي....بعد مو تبون الصج بعد هذا هوووووو
والمثل يقول "حط راسك بين رجليك واشهد على والديك"وهذا انا اقول مع انهم اهلنا وحبايبنا....بس سمتهم مو عدل شوح ومزامط وقل تقدير بالناس يا حــــــــــافظ كلنا اعيال إقريه وكلمن يعرفه خيـــــــــه...والشمس ما اتغطى بمنخل الكل معروف اشعنده وما عنده
بس الي مو معروف اذا عندهم ذوق اخلاقي او شكلي وهذا ما ينعرف الا بالشوف بالمخالط حيث ان في عوايل معروفين بالسنع بس اعيالهم ما ذاقووا السنع ولا اعرفوا دربه ليش؟؟؟لانهم ما يتعبون على روحهم ويتعلمون من اهلهم فن المعشر والسنع والمنع والله لو تدشين حجرة وحده من هالبنات ما تشوفينها الا مردويسه وعفسه ما تقولين حجرة بنت الا صبي و يبون كل شي جاهز امجهز حبيبتي التربيه من البيت ما كانوا يقولون الاوليين عن البنات السنعه "ربات امها مو ربات الدايات" ...واهل الكويت قبل لا يتزوج الواحد من العيال ويختار يقولون له "قبل ما تضمهاأسال عن امها "..ولا اشقولكم
KITTY
النوم و أنا أخوك نعمه لكن حلات النوم بالليل و القومه بالنهار
إذا جذى،عيل الله يعافى الدوام
REEMA
صح النوم
ترا حشينا فيج أنا و كيتى
شهالنوم؟؟؟؟؟
يالله،عليج بالعافيه و أدرى لاحقه على الشقا لما تدخل أيام المدارس مع العيال
أحلى شىء تمشط الكشيش،لوووووووول
والله معاج حق
إن صرتى حليوه مع هالناس و طيبه زياده عن اللزوم،قالوا إنتى ساذجه و على ويهج
وإن صرتى ملشعه و قويه معاهم،قالوا عنج نحيسه و شايفه حالج
ما عرفنا حق هالناس
لكن وأنا أخوك،لازم تحطين عندج ثقه كامله بنفسك و لا يهمج أحد
سوى ما يرضيج و يرضى الله سبحانه
بس،لا تجذبين
الكذب حبله قصير و بعد إثم عليج
شوووح
اللى تقولينه (درر) و صح الله لسانج على هالكلام الطيب
ياريت الناس بالكويت (على قولتج) تتشيحط و تزامط بالفكر و النجاح و العلم
هم بهد اللى ناجحين بفكرهم،يقولون عنهم ما عندهم سالفه
واللى ناجحين بشغلهم و تجارتهم،يحسدونهم و يقولون عنهم (مصيبه صابتهم) على نجاحهم
واللى ناجح بعلمه،قالوا عنه (معقد) والله ما ندرى شنسوى بهالعالم
والناس مثل ما الكل يعرف،تقدر اليوم تلف العالم و تشترى كل اللى تبيه سواء بالمحلات عندنا بالكويت أو فى بلدان بره أو حتى بالأنترنت
بس ليش ما نحط دهننا بمكبتنا؟؟؟
ليش ما ننفع إخواننا الكويتيين بتجاراتهم و ما نشترى إلا من المحلات و الشركات بالكويت؟
مو بس بالملابس،حتى بالألكترونيات و السيارات و مواد البناء و غيرها
بس،يبقى عندى شىء واحد أحب أكون صريح فيه إنه كل اللى نبيه نلاقيه اليوم بالكويت إلا بعض الوكالات اللى مو موجوده مثل غاب و بنانا اللى أشترى منهم من أمريكا
أما الباجى،ما أقول إلا الله يديم النعمه و عندنا كل شى الحمد لله
الله يسلمج و يسلم هاللسان اللى ينقط درر
MILK CHCOLATE
الحمد لله تعجبكم مواضيعى و هم بعد خوش نقطه أثرتيها
ليش الأسئله عندنا كاثره بالكويت؟
وين مسافرين؟
وين ساكنين؟
تذاكركم (فيرست)والا (بزنس) بالطياره؟
كم نجمه الفندق اللى بتسكنون فيه؟
عسا بيتكم مودرن؟
!!!!!!!!!!!!!!! شعليكم؟
مأخذين الفلوس من بيت أبوكم؟؟
الحمدلله و الشكر مرض و نقص
MOSAN MOSAN
YES,EVEN THE MEN HAVE THIS KIND OF (SHOW OFF) BETWEEN THEM AND SPECIALLY IN GIRLS,CARS,OUTFITS AND OTHERS.
YES,SOME FAMILIES HAVE THIS KIND OF HABIT IN THEIR BLOOD.THEY ARE IN FACT INSECURE.
BUT,UNFORTUNATELY,THEY'RE ALL OVER US AND WE HAVE NO OTHER CHOICE BUT TO BUMP INTO THEM ALL THE TIME.
YOU KNOW,,,KUWAIT IS SMALL..!!
شوووح
مشكوره على التقدير الرائع
ARE YOU SERIOUS THAT I'M BORN TO BE A LEADER?HOW DO YOU KNOW?
WARDA
WE ARE VERY WELL KNOWN HERE IN KUWAIT IN SHOWING OFF THE HANDBAGS BEWEEN THE LADIES.
AS YOU SAID,THEY BUY IT FROM VILLA MODA AND THEY SAY IT'S FROM HARVEY NICHOLS.
WELL IF IT'S THE SAME BAG,WHO CARES??AND WHY YOU SAY IT'S FROM HARVEY NICHOLS??IS IT JUST BECAUSE THEY THINK THAT NO ONE HAS THE SAME ONE??
THIS IS QUITE SICKINING.
THANK GOD,WE HAVE EVERYTHING HERE IN KUWAIT AND CHEAPER.
I LOVE SHOPPING IN KUWAIT.
REEMA
أفا عليج
كل الشغل زاهب حق الزواره
بعد عندى حلوه سلطانيه من عمان و خبز إيرانى مسمسم مع قواطى جبن كرافت الحديد و مربى رقى بالقواطى التنك
كله مال أول على خبرج
لازم ما تسويين أى مبيت بالبيت
طلعى و إستانسى و ما عليج من أحد
ليش ما تلعبين رياضه؟
أو تجيك واحده بالبيت تسويلج يوغا و مساج؟
والله عندنا نعمه بالكويت بس يبيلها حمد و شكر
ZIZOTIME
VERY RIGHTLY SAID...
BUT WHY IS THAT IN KUWAIT???
THIS IS THE AWFUL QUESTION.
أم الحفيز
إيه والله
ربا أمه مو ربا الدايات
شنو هالأمثال العجيبه؟
إسم الله عليج موسوعه
جاي حليب
ما عليك زوووووووووود اعيوني
وعطوووووونا سامري يا بنات........عاشوووووو
ودّي مرّة بس ألحق قبل الزحمة
:P
أول شي الله بالخييييير
ثاني شي الموضوع حساس جداً لأنه بدأ بالتفشي في أرجاء المجتمع وأنحاءه
وهذا المرض لا يعكس إلا شيئين
1-الفراغة و وقت الفراغ الزااااااااااااائد
2- الأمراض النفسية والعقد والنقص والذي يعاني منه الكثييييرر
يا حلات الوحدة اللي تلبس وتقط على روحها ما تقصّر و إن يت و شرت شغلة رخيصة ماستحت و قالت الصج. تكبر بعيني والله
نفس امس يوم كنت اب ماكي مع بناااات يا ملقهم والله
"وييييع طاع هاذي ستايلها حدا مو اوريجينال" ولا تسألني قبل ما أقعد "وااااي نفنوفج Massimo Dutti?
ما أحبه هالمحل كل من يشتري منه
اسمالله عليج لا لا فيلا مودا اللي مو الكل يشتري منه
:P
وبعدين كيفي و عاجبني واشحلوة علي ايزوغ اشتبييييييييييين؟؟؟؟
اوووووفففف بس بس ارتفع ضغطي
:P
يبيلي واحد جاي حليب الحين وشوية بسبوسة
يالله سلااااااام
:***
BUTTERFLY
سامحينا على الزحمه بس الحمدلله الحبايب وايد الله يخليهم والبلوغ مالتى صارت
A VERY HOT KUWAITI BLOG
و لله الحمد اللى الكل صار يشرفنى فيها و يستانس من مواضيعى
أولاً،شلون تروحين ماكى و لا تقولين لى؟؟
ليش ما عزمتونى؟؟
وبعدين شنو هالنماين البنات اللى طالعه معاهم؟؟
الله يساعدج عليهم والله
أنا مثلك
تكبر بعينى الوحده الصريحه اللى ما يهمها تقول الصج إذا لبست غالى ولا رخيص
المهم الثقه بالنفس
مشكلة هالأوادم هالأيام هو النقص والفضاوة القاتله
لو الناس مشغوله،جان ما فكرت بهالأشياء التافهه
عسا كليتى فولكينو ماكى أمس؟؟؟
لما الحين محتر إنج ما عزمتينى
منو هذي اللي ماتبي تعلم شلون يسوون الكيكة؟
أعتقد بالغت يا شاي حليب بهذي.
If not, 3ayal الحمدالله والشكر
لكن أفهم اللي مايعترفون إن البدلة اللي الكل طاير عليها شغل خياطة بسعر أنزل من أسعار أوروبا
السبب البسيط الخوف إنها تكون دعاية تزيد عدد زباين الخياطة البسيطة وتموق علينا بأسعارها مع إن التصميم يكون من إبداع صاحبته مو من الخياطة
في الحفلات بس ما أقول إذا كان خياط،
Nobody would admit that anyways!
أما باجي الشغلات لا والله ماكو سبب مقنع
ياحلو الشي ليه صار جيد ورخيص
شوووح
ما قصرتى على المدح و بصراحه أحرجتينى
أن شاء الله يجى اليوم و تعرفين منو شاى حليب
على العموم،أنا متأكد من شىء واحد وهو مو المسئولين اللى راح يغيرون هالفكر الرجعى
هو بس الشباب و الفكر الواعى المتطور اللى راح يغير و يطور هالبلد
صحتين على هاشى الليله و لا تنسين تأكلين الهمبرغر مالتهم
عجييييييييبه
الله يخليك لنا و يديم التواصل
ANONYMOUS
إحنا هذا اللى نقوله
إذا صار الشىء رخيص و زين،ليش تكذبون و تقولون إنه غالى و بالسعر الفلانى و ماكو منه؟؟؟
إحنا ما نتكلم عن الأسعار و الغالى و الرخيص
إحنا موضوعنا هو ليش الحريم يكذبون و يسايقون و يتشيحطون فى الشىء اللى مو صج؟؟؟
جاي حليب
بس فولكينو ماكي !!!!انت اذا تبي سونامي ماكي ....وزلزالي ماكي ايجيك الى باب بيتك اعيوني بس انت اشررررررر
أم الحفيز
عسا الله يجيرنا من هالكوارث و مشكوره على الكرم مالج اللى ماله مثيل
لج منى إهداء سامرية مثولثه
كريم يا بارقن سرا
و دمتم
عطوني سامريه جريمن
يا بارك السرى.....يا بنات....عاشووووووووووووو
لوووووول جاي حليب طلعت روحي على ما وصيت الوايتر وهوا اثول
افا عليك اهوا بس فولكينو؟ الطاولة كانت عامرة أمس اشحلاتها
أهم شي ان ربع التكانة و ال"ستايل" اللي ياكلون السوشيّة من النص ولا اللي يقصونها
أعصابي تنتلف من هالأشكال
:P
المرة اليايّة لما نحتفل بافتتاح المدرسة التراثية نتيمّع كلّنا أرتّب غدا ولا عشا يكون اكسكلوووسييف
انتا بس طب او تخيّر
BUTTERFLY
والله أدرى فيج إنك كريمه و فيج البركه
ما قصرتى وإن شاء الله نحتفل قريباً
ضحكتينى على أهل الستايل
صج هذوله باصجين من قلب
MOORISH
WELL,I HAVE TO ADDMITT THAT YOU HAVE A GREAT POINT.THE WORLD IS CORRUPT BY MONEY BUT SINCE KUWAIT IS SUCH A SMALL COUNTRY,WE GET TO SEE IT MUCH CLOSER AND VERY OFTEN AROUND YOU.
I LIKED YOUR ANGEL ON HOW YOU HAVE SEEN THIS MATTER.
KITTY
صاجه
من كثر السامرى ياتنه النومه
السلام عليكم جميعاً، وبشكل خاص جاى حليب - أم الحفيز وسامرية، وينها غاطسة
جاى حليب متى نزلت البوست أنا أمجيكه ثلاث مرات
الموضوع حدة قوى وبالصميم. صج بنات هالوقت صايريين امنحس وأنا بصراحة ما أحب أختلط بواحدة من هالنوع. صح كلامك هذا مرض ونقص عقل اللهم يكافي
أنا مثل أوختى كيتي وأوخيتى ريما ما أخش شىء واللى يسالنى أجاوبه بكل شفافيه. وي صرت جنى الحكومة تتحدث بشفافية. لا وأزيدك بعد إذا شفت شىء كويس وارخيص أقول حق كل حبابيبى واللى يعزون على حتى قبل ما يسألون
في عندنا وحدة بالدوام عندها اشوية امزامط إلبست ساعة سواتش مو 34 الثانية الذهبية اللى مينتها سودة. اللى يضحك إن لما الكويت يابت شاك 34 قامت فئة من ربع المزامط ولبسو أم مينا سودة معى إن موديلها رجالى بس شتقول اعقول ناقصة. ريلى كان امسافر ولقاها في ألمانيا وشراها لما رجع قلت له سالفة البنات والهبة جان يقول لى لبسيها وحرى اللى معاج بالدوام. والله ولبستها وقامت رفيجتى وقالت ساعتج مثل ساعة فلانة تعال شوف وجه فلانة لما شافتها. جان أقول لها إي ريلى شراها لى من بره بس أنا موعاجبتنى لوول
بصراحة النقص اللى في بناتنا وصل مراحل خطيرة قاموا ما يشوفون يناسب ما يناسب محتشم مو محتشم المهم ماركة وغااااااااااااااااااالى . وسالفة الكيك صج أنا صارتلى والله عيب ما تبين تعلمين مقادير كيك ولا من أي محل شاريته؟ صج نقص الحمد لله والشكر
إي بعد جاي حليب أكو مكان في جنوب فرنسا في مدينة نيس اييب شنط ماركات بسعر رخيص لأن فيهم عيب وربعك كل سنة حيل نقل وقولون شاريتها ب500 و600 . عليكم بالعافية بس الله ما أمر يعطيكم فلوس علشان تقطونها على شويه شماطيط. الله يهداهم إنشاء الله. وخوش فكرة البرنامج أنا أبى أكون المقدمة
أي نسيت هالظاهرة مو بس في البنات حتى الشباب الحزام والنعال لازم ماركة وعافو الدشداشة علشان يلبسون قمصان وبنطلونات ماركة عاد الجسم حلو مو حلو مالهم شغل. والشباب تلاقى اللى ما عنده يبى يكشخ علشان يماشى إعيال العوايل وكلا على ظهر الأبو المسكين ولا الموظف معاشه رايح على هالكشخة وإذا بقى تزوج ولا ما عنده. الله يرحم رياييل أول اللى ست دشاديش صيفي وستة شتوى وعقالين وأربع أغتر وأربع قحافي وأربع سراويل إمكسر. إشفيهم إشزينهم عيل منظر الشباب الحين جنهم إبريحصيه حليان
جاي حليب نزلت بوست جديد قولى إشرايك. وأدعو جميع الأخوة لقراءته
العين الساهره
حسبي الله على ابليسج.....لا يكون تخيطين لاهل الاول دشاديشهم وهديماتهم 6 على 6 على 4 بالضبط يبتيها ييييييييييب
kitty
نقازي....ادري فيج تحبين الاسمرانيه
يا بناااااات عطوناااا الاسمرانيه
وشعلامج بالاسمرانيه... بالاسمرانيه ولا الله الا الله يسمحللي ياولوووووووووووو
ويامن عطيتاه من صغر قلب من صغر قلبي .....قلبي صويب البوم ارحم اشويه ولووووووووو
أم الحفيز
أي أوخيتى إحنا بنات أول كلشى نسوى عيل بنات هالوقت عشتو مايعرفون إلا الصالون والمطعم حتى بيضه ما تعرف اتسوى
العين الساهره
والله ومالج علي يمين..... الاوليين الوحده منهم كانت تقعد من اذن الفييير واليما اذن العشا... ماتهيع وهي تحوف في البيت وتشيل وتحط وتطبخ وتنفخ وتقلط اهلها وتقوم بالواجب ....وتاكل اكل الشر بس تعالي شوفيها مخصره مضمره وجنها البخت على التخت لا حمره ولا كحله العافيه بس الي منور اخدووودها العافيه والحركة... مو الحين بناتنا الحين رباااده وكل حجوتهم الي على السانهم وييي مالي خلق....داعييه اخدودهم جنها اتيوبات امصبغه على قوووولت مضاااوي
كل شي اولي ابرك من الحين...إديوووور الي اهو اديووور قبل لا يدشه الغبر غليااانووو كان احسن من شماطيطه الي يسويها الحين تقولين فاجه كبت اسحيللله ام الخلاجين خلوووووووووووووووه
هذا مو غليانوووو هذا تباااانووو ...شغل قبل وبس
أقول مضاوي
راويني هالريحاه
هالفئة لو تنقرض من المجتمع مو أحسن =\ ؟
المشكلة ان مثل ما قلت يكونون عيال خير بس عبالهم محد عنده خير الا اهم ويبون يطلعون روحهم الاحسن غصب ..
أنا اعتقد ان فيهم زهايمر مبكر والله اعلم -..-
راكبه باص
امصيــــــــــــــبه وانا اقول بتضربها......اهوووو عطينياها
بووووكي ويييييينه؟؟
Chai7aleeeeeeeb me dont like u anymore loolz or shal I say u should purchase me a bottle of panadol cuz I told u when I trie to read arabic Me get headache!!
but as usualy u post somehing tottaly crazy :)
صادفني هالأشكال وايد ... أعتقد فيهم عقدة نقص .. يبون الناس تقول ياحلو الكيكةأو الجنطة أو الطقم أو المطارة أو... اللي عند فلانة ماكو أحلى منها أو ما شفت مثلها ..! بالنسبة لي آما أعلم وجنه العيد .. وأستانس لمن يسئلوني منين .. ومرات أقول بدون ما يسئلوني إذا عجبتهم بلوزتي أو غيره ترى من المهلب أو من الأفغاني اللي بالمباركيه !
الزبدة اخوى
هالناس فيها نقص ثقافة وادب وتربية فتحب تطلع هالامور علشان تغطى اللى فيها
يعنى ولد الناس دايما تلقاه متواضع والا يزامط ويقول هالكلام تأكد ان متسواه ما يتعدى مستوى النظر بمترين
الطير الحر
وصلت مواصيل الافغـــــاني ؟؟؟
ماكو شي يغبا بهالديره....شفت السداري العجيبه الي عنده ما صارت وحده من الي خبرك لابسه جاكيت من عنده ذيج السنه وامبطنته بذيج البطانه العجيبه ولما اسالوووها من وين جان تقول من زمان عندي اظن فيفيان وست...وضحكت وقلت لها لا اعيوني هذا فيفيان ايست فرع المباركيه.. صج ما استحيت منها؟؟؟ اتصدق يا اخي... اعقدت نووونتها وبوزت ولي الحين تضرب لي بووز اذا شافتني ضربها الودج قطيعه تقطع هالنماين شعور نقص
من تقصين عليه انا بفهم؟؟ حنا بالكويت انعرف النووون وما يعلمووون
Wallah 3imy 3ilmich.
Dayman naby nkon 'ghair' o 'a7san' o 'a7la' i think it represents power to us.
But i will admit, ma a7ib when ppl yqaldon libsy ashkara akthar min mara. Laman ilsalfa tit7awal lay 3ada, o iyon rfejaty ygolon:
Shifna Flana o 7isbalna intay, 9ayra copy minich!
Awal shay i am flattered...after a few times i really get annoyed.
We all have our weaknesses i guess :/
السؤال:مشكوره وايد على النقصه اللى دزيتيها،يا ترا شلون سويتى العيش و شنو البهارات اللى أستعملتيها؟
.
.
.
.
.
.
هالمره طافت
السؤال:واااااى ،تراجييج يهبلون،يا ترا بكم شريتيهم؟
.
.
.
انا بعرف في كويتيه تقول يا ترا ؟؟!!!!
DA VINCI
هذا صحيح
هم بعد هالعاده متفشيه ما بين الشباب مو بس البنات
السؤال،ليش هالعاده بيننا؟
هل مثل ما قال الأخ مووريش بالرد ماله إن المشكله هى الفلوس و الوقت الفاضى؟
أظن إنه من الأسباب
العين الساهرة
مثل ما قلتى,الموضوع حدَه بالصميم
و كلامج على متمه،كل اللى تفضلتى فيه عدل و قاعدين نشوفه دار ما دارنا
هذا مثل ما قلتيه و الأخوان إنه سببه النقص
والفلوس
والوقت الزائد
والفراغ
ونقاصة العقل
التباهى بالماركات و بالأسعار مثل المرض صار عندنا و كأنه الناس مو شايفه خير
حتى ما بين الشباب،وأنا واحد منهم،قاعد أشوف البعض منهم يتباهى بسيارته و الساعه اللى لابسها و البنات اللى يغازلهم و اللنج اللى موقف بالشاليه الخ الخ
راح أروح الحين البلوغ مالتج علشان أشوف البوست
MANOOYA
لووووووووووووول
حلوه هاذى الزهايمر مبكر
WILTED_ROZE
WHAT CAN I DO?ALL THE READERS PREFER ARABIC.MY NEW PLAN IS TO DEVELOP A TRANSLATED VERSION SOON.SORRY
الطير الحر
أنت الحين صرت عمله نادره و يا ريت كل الناس مثلك
MISHARI
معاك حق 100% على اللى قلته
نقص تربيه هو مربط الفرس
MULAN
LOOOOOOOOL
THANKS FOR YOUR VISIT.
YOU MADE ME LAUGH ABOUT THE NOSE JOB.
PRINCESS
خوش تحليل
الأستنتاج العام من القراء أثبت إنه هالحاله سببها نقص و الفلوس وقل تربيه و الأهم
NOVEAU RICHE !!!!
DELICATELY REALISTIC
I ASSUME THAT NO ONE FROM THE MOVIE STARS,POP SINGERS OR CELEBRITIES GETS ANNOYED WHEN THEY'RE COPIED BY OTHERS.
I THINK YOU SHOULD BE PROUD THAT PEOPLE COPY WHAT YOU ARE WEARING.
IT SIMPLY MEANS THAT YOU ARE A FASHION LEADER AND YOU SHOULD BE PROUD OF IT.
3ATEEJA
المهم إنه فى ناس جذى و كلمة (يا ترا) واحد ناس يستعملونها و حقوق الطبع مالتها مو عند المره اللى تعرفينها
هذا للعلم
الغاليه سامريه
فقدناج،من غير شر؟؟
والله كلامج على متمه لكن ضحكتينى على جنطة ولدج
مو معقوله!!!!! أعرف وحده دايم تقول كلمة (شكراً أشكرك لا خلا و لا عدم) تعرفينها إنتى بعد؟؟؟
الغاليه سامريه
أفا عليج
هاذى هى اللى قلتلج عنها
عسا الله يعطيها الصحه و العافيه
وينها فى الحين؟بلندن؟
السامريه
اسفرت وانورت واستهلت وتباركت الصفحه ....حياالله بالقاطعه ومبروك ال
face lift
على صورتج اي هالنمونه وريتينا طولج بالسامري يا عيني عينج شمره وحلات اسمالله عليج
اقول حبيبتي البيلا نوودا...مو بالمباركيه اعيوني...بشويخ مجابل نقعة اليامعه الي يسمونها الحين الفريج الحر صوب المينا العووود عرفتيييه؟؟؟
سامريه
والله لو تقطعين الصفر أو تسويين اللى تسويين،بنات هالوقت عندهم هالموبايلات و ما يعوقهم شى
لا بغو شى،ما ردهم أحد الله يكافينا الشر
السامريه
ام عنبر وش هالخدااااي....اقولج شويخ تقوليين السيف!!!هذا وانت منعوته بالفطاانه....نقعة ثانوية اشويخ قبل عرفتيها؟؟
Nice Blog maaan...
7adda sha3bi :)))
Wallah right on the money!
آنا ما أدري ليش ما يعلمون شخصيا ما أسأل لأن ما تهمني كل هالسوالف لبس ما لبس
بس تعليقي إن جان زين يصير عند الكويتية شغل ثاني غير الهدوم والطلعة
ودي أسمع وحدة إتكلم عن قصص أطفال – عن دراسة – شغل
أحس إن عدد كبير من حريم الكويت شغلهم الشاغل توافه الحياة
من لبس وخلاجين وطلعة
السامري
يا حبج حق التقيل نعل بو شرج يزنبع بطنج من نوق القيله بس نوووم....خمرت مخادددج من النوم...يا ام سرور بعد شنو سرور لو عنبر كلهم اعيالج الله يحفظهم...الا بقولج ابنيتج المنزوعه خدوّوي اضعفت لو بعدها كديش ...اخر مره شفتها داعيه جنها صندوق امبيت
امثوله يا دافع البلا شتوكلينها...اتيوس...وي وي وي اللهم صلي على النبي ما تدش من الباب
NIGHT KNIGHT
THANKS FOR STOPPING BY AND KEEP VISITING US FOR FUN.
HAZOLAT
شكراً على زيارتك لنا و معاك حق
لكن،فيه أخوات كويتيا وايد ما عندهم هالسوالف التافهه
لكن،بدينا نشوف الأغلبيه صارت تهتم بالمظاهر و هذا اللى يخوف
شماطييط
مشكور على المحاور اللى شرحتها و ياريت مرتك تشاركنا بآرائها بالبلوغ
بعد يا ريت لو يبتدى تكتب بالحروف العربى
مشكور وايد
والله ياخوي جاي حلييب هالناس هالايام مايخلوون احد يحاله انا اعترف اني وحدة من الناس اللي ماتقول من وين شارية اغراضها لاني قبل كنت اقول بس الحين الا حق القرااب لانه في ناس ماتستحي ليش لبست شي راحت باجر وشرت مثلك ولبسته ولي صار العكس لي انت لبست مثلها سوتلك سالفة وليش تلبسين مثلي وليش وليش جنه السوق حقها بروحها وازيدك من الشعر بيت في ناس لما تشوف عليك شي ويعجبها وتروح تشوفه بالمحل يطلع مو حلو عليها ولا السعر ما يناسبها تطلع فيه عيوب الدنيا بس بعرف ليش هالعبو ؟؟
ZABOOO6A
شكراً على الزياره و معاك حق
الناس هالأيام صايره غريبه بهالطبع و الله يستر عليهم كأنهم مو شايفين خير
لندنى
أنا معاك
المظاهر عدت على أبعد الحدود فى مجتمعنا و الله يستر
وين العلاج؟
جاي حليب
تصدق طرى علي ذيج السنه بالتسعينات طلع كارتيير مزمط الفياله اتعرفه الي هو فيل لاحق فيل على دورة الرقبه وكان سعره الله لا يعني على الجذب 20,000 دينار كويتي وفي وحده عاجبه بس مستغليته وهي الله خير عندها خيـــــــــر ونعمه،،،المراد وانا رايحه سوق الذهب عند الارمني مال الذهب (سيدتي الجميله)واتعرف بعد بلاغة شفنااااه ،،وهو الله خير ما يحب يحجي ابد جان يوريني المزمط وهو كوووبي بالضبط من الاصلي ما تفرقه امصيبه شغله عجيب
المهم عرفت من له وبجم 5000دينار ....وعقب شفت المسعده باحد هالمواجب وهي لابسته...جان اقولها ماشاء الله اشحلووه مزمطج من الكويت جان تقول لا ريلي ماخذه لي من لندن!!! لك خلق؟ اصلن لو قايله الصج جان ارتفعت بعين لانها مدبره وتعرف وين تقط افلوسها بس النحااااااهس وماتسوي
Post a Comment
<< Home