KUWAITIS LOVE BUFFETS
البوفيييييهأكثر شىء يموت عليه المواطن الكويتى و أفضل طريقه يحب يأكل فيها.....ليش؟
مانى عارف السبب ،مع أنه البوفيه فى أمور سلبيه لازم الواحد يعرفها
أول هاذى الأمور هى إنه الأكل اللى محطوط على البوفيهات يكون عادةً مطبوخ قبل خمس إلى ست ساعات على الأقل وبعدها ينقلونه إلى مكان الحفل أو العشاء و يحطونه تحت السخانات لفتره طويله
علشان جذى،أنا ما آكل من البوفيهات لأنه أصلاً طعم الأكل يروح بسبب هالمده الطويله من وقت طبخ الأكل الى مدة عرضه تحت السخانات بالبوفيهات
فى موديلات و أنواع كثيره من البوفيهات تبتدى من مطعم الديك الرومى إلى الشيراتون لكن كل هالبوفيهات يستعملون نفس موديل المفارش اللى تحت الأكل واللى عادة ما تكون مفارش بيضه مدبسه بدبابيس و عليها أمتار قماش مسووينها مثل البردات دار ما دار الطاولات كلها
يعنى ما أخترعوا موديلات ثانيه حق المفارش اللى قاعد أشوفها نفس الشىء من يوم ما إنولدت؟؟
المعروف بأهل الكويت إنهم أهل الفناتق بس لما الحين ما قدروا على مفارش البوفيهات!!! غريبه
بس،ملاحظتى العجيبه إنه أغلب الكويتيين عندهم أسلوب واحد فى الأكل و إختيار واحد لأنواع الأكل اللى أول شىء يأخذونه من البوفيه
تعالوا معاى نشوف شلون أغلب الكويتيين يأكلون من البوفيه
أول شىء لما يدخل الكويتى إلى البوفيه،عيونه تتلاقط دار ما دار غرفة الأكل و يدور صيخ الشاورما علشان يلقطله صمونة شاورما على طريجه للبوفيه و قبل لا يصير الدور على راعى الشاورما و يصف ورا هالعالم
إذا وصل البوفيه،أول صنف يطب عليه هو الحمص و يترس على الأقل ثلث الصحن منه علشان قبل ما يخلص
بعد الحمص،يجى دور الكبه و يلقطله على الأقل أربع أو خمس حبات و يغمسهم بالحمص
عقب هذا،يفتر على جميع أصناف المقالى لكن فى عشق كبير بين الكويتى و السمبوسه
العيوش و المرق و الصلصات الثقيله و المعكرونه هم أساس الوجبه فما يخلى أى بوفيه من هالأصناف
لكن،الأغلبيه ما يغير صحنه لما يأكل الأكل الحار و يظل على نفس الصحن اللى فيه المقبلات و الحمص الباقى بالصحن ينخلط مع الأكل الحار
ولما يجى دور الحلو،ما فى كويتى إلا ما يطب على الكريم كاراميل وهى من أصناف الحلو اللى لو تنقطع عن الكويتى،يجن
قولولى الصج،مو جذى أغلب الناس بالكويت تأكل و تموت على البوفيهات؟؟
posted by Chai-7aleeb @ 4:02 AM
63 Comments:
hahaha ur post this time makes us hungry.. ;) bas ashwa i just finished my GHADA :D ejaza o emrayi7 :)
THE SIMPER
صحتيييييين على قلبك
الصراااحه ان ما احب البوفيهات لشنه احس انه فضلات الثلاجه وبقايه تموين المطبخ كلها بالبيف ....والاكل مو تــــازه وناهيتك على شكل هالاوادم وهم يترسوون اصحوونهم قطيعه امشفعيين يا دافع البلاه ....كل هذه بـحااامه ودناوت نفس...وان قلت حق وحده ليش تارسه اصحنج تقولك واااااي الله يهديج بعد شوي شوفي البيف بيصير مردويسه.....وهي صاجه انا شوف عين تقولين عتووي عافر عفار وامرغ نفسه بالماعين و بعضهم ما تبقه فاكهه ولا كيكا الا ونحذفت بجنطتها ....واذكر بعرس من اعروس الحمايل حاطين طقم كريستوفل لهم اقفاش واشوك وسجاجين الله وكيلكم عقب الحفله ما صفوو الا على ربع الطقم!!!! لكم خلق
لا بعضهم كلااااااس لس
ويفشلوووون ودك تحطهم بخيمة الدريوليه ابرك
أم الحفيز
كاااااااااااااااااك
صاجه والله
كفوهم خيمة الدريوليه اللى ما يستحون و يبوقون شوك و سكاكين الأوادم
واخزياه
بس سشالفته ترسة الصحن و الخير وايد و لله الحمد؟؟
و ليش أم الحفيز تسميين البوفيه (البيف) هل هو إختصار؟؟
أم الحفيز
ما قلتيلى شنو رايج بموضوع موديلات المفارش مالت البوفيهات أو على قولتج (البيف)؟؟
جاي حليب
قطيعه تقطع موديلات هالمفارش خلوووه ستان وتزمزم خلووووه وقالو موديل جبح!! خلهم يشوفون طاولة الفاتكيين مال روما يا حلوو طاولتهم يوم يختاروون البابا مالهم ليزوق المفرش شغل الصرمه على ذيج القديفه(يعني مخمل) المووف وذيج الاويه الذهبيه والشغل الملوكي مو خلاجين القواملق وقالو مفارش
عاد تبي الصج...اذا اسلوبهم جذي بالهجوم على البيــــف عزت الله هالموديل يخب عليهم ومالك علي حلفان لو يسون مفارش من الخبري خبرك الجخ جان اتلاقي الماعين بالارض وساحبين المفرش وعقب اسبوع تلاقيه عند خياط قمر بالدسمه يحوله دراعه....مادري من اي كوكب هالنماين لافيه علينا ولا اول الانقص اتداول بين اهل الفريج بالافراح يتساعدون وعقب يردونهم وفيهم نقصه ثانيه مو لهاط مثل هالايام يا دافع البلا
اهو صح ان اكل البوفيه موصحي... بس ساعات بالمناسبات مجبورين احطون بوفيه...عساس ماينحرجون جدام بعض الناس اللي تتفقق وتتشرط بالأكل واللي مسوي رجيم واللي عنده حساسيه وفي ناس ماتحب تاكل الا لما تنترس عينها من كثر الاكل اللي جدامها...
ترى العيب مو باللي حط البوفيه..العيب في بعض الناس (مو كلهم..بعضهم) اللي يدش البوفيه وجنه موشايف خير يترس صحنه عالآخر ويقعد ياكل جنه الاكل بطير..
وبالعافيه :)
Chai-7aleeb hehehehehehe il mawthooo3 3ajeeeeb :) bs il mowathee3 il 3ajeeeba moo ghareeba 3alaik :)
ana shakh9eyan ma a7ib il buffet kelish melish a7es-ha istaghfor allah kela barbesa oo il nass ili takel mena ma yehem-ha etha ako a7ad waraha ib yakil 3adi yegharfooon bil gafsha oo yedhogoon il akil oo yeredeooon yanchoboonlohom ib nafs il gafsha !!! ge6eee3a teg6a3-hom !!!.....oo ba3dain istaghfor allah oo allah yezeeed il ne3ma mo men zeeen akil il bofaihaaaaat!!!
oo 3ala 6ari il mafaresh ....la itfachech i3yon-hom tara bacher ma inkhali9 ...il mafaresh oo ya 6alabat il mefaresh!! ..me9areeef 3al 6al :P
ورده
اقول اشفيهم المداوير والسفره الخوص شغل اول...واسماط بالارض والمنادل من كل صوب ....والكل ينثبر يقعد ويبلع وعقب يقومون ويغسلون ايدهم...وبعضهم الي اخلصوا طريجهم الميد صبري اشوي!! لا يصيبج بعي...ولاااا تقولج ماكله وايد وبهضم يعلج الزقنبوط اشحقه بالعه هالبلع اهو شبعه...وش بتهضمين فيه بدوح السامري وبنص الدوحه ما تسمعين إلاتتريع بريحة الشاورما بالبصل خلوووه وقطع ......وعقب ترد البيت وتحش ويـــه حطهم مو مثل حط فلانه وتقعد اتفصفص بالعروس والمعزومين والمكان...وقب مو قصدي بس وجهة نظر.
أم الحفيز
عاد من صجهم هالناس راح توصل فيهم المواصيل و هم يبوقون المفارش؟؟
شوقتينى على مفارش الفاتيكان
وددى أشوفهم
NIGHT KNIGHT
إى والله
العيب مو فى اللى حط البوفيه
العيب بالمعازيم اللى بعضهم مو شايف خير و يترس الصحن كأنه مو شايف خير
بس ليش ما يطورون فكرة البوفيه بأسلوب جديد؟
WARDA
صاجه والله
نبهتينى على موضوع القفاش اللى الناس تروح بقفشتها من ماعون الى ماعون و تتذوق الأكل كله
ما يفكرون بغيرهم و اللى يأكل عقبهم
LONDONY
شهوة فيها العافيه
أنا من الناس اللى يروحون عروس البدو و يا حلو الأكل لأنه فيه صنف واحد تأكل منه وهو
THE LEGENDARY MACHBOOS
تأكل ولا تحتار و لا تخاف أحد يشوفك و يعلق عليك مثل عروس الحضر
شهيتنى الله يلعن إبليسك بالبوديين
انا عن نفسي ماحب البوفيه احس ويع
لانه في ناس تاخذ بيدها
ويييييييييييع وفي ناس تذوق
هم وييييييييييع
او احسن طريقه اكل اهي قعده ارضيه متربعه وصحن فيه مجبوس ودقوس يصير طعم الاكل غير احلى بوايد
يعني انا ودي اكل بيدي بس احترم الناس اللي معاي لانه في ناس مايحبون جذي تنسد نفسهم
A7LAA7OB
والله أنت على رأسى
أنت اللى تفهم بالأكل
مافى أحلى من المجبوس على سماط بالأرض و دقوس و أجار ثوم الجبل
وما يحلى أكل المجبوس إلا بالإيد و ما عليك من اللى تلوع جبدهم
خل يستريحون
ما أدرى؟؟
اللى يقول هاللى تلوع جبدهم مقطوع سرهم فى باريس؟؟
ye3t ye3ttt allah egharbel eblees
احلى حب
اسماللــــــــــــــــــه على انفوسهم ان انسدت اكو هذه الاستيكاه مالت عزج الله البوليع لتسليكها حطيه بحلوجهم وضغطي تشود اتصرف الانسداد
عشتــــــــــــــــــــــوا
بنات العز....كش كش الاوووولالاه
ما يلوووووووق ابد
ياشيـــــــــن شي ما يشابهه اهله
وياشين السرج عالبقر
جاي حليب
والله العظيم ما ابالغ ان قلت لك اغلب الطقم انباق حتى
العرس كان في احد بيوت الحمايل بالبدع في الثمانينات
ZALABYA
أكيده بتيوعين
هالصور تشوق
ولا الحمص لما تغمسينه بالكبه على قولة الأخ لندنى
زلابيه
ياختي يا حلووو كحلتج اتهبل من مسويها لج؟؟؟
أم الحفيز
عيل،لى صار عرس عود و فيه مواعين غاليه لازم نقول حق شركة حراسه تنتشر بصالة الأكل و نركب (سينسور) الماكينه اللى يمشون تحتها الناس علشان (تصفر) إذا أحد بايق شوكه ولا قفشه
أم الحفيز
أقص إيدى إذا زلابيه علمتج من وين كحلتها
الله يهداج
البوست مال أمس شكنا نحجى فيه؟؟
مو عن الغبا و التغبى؟
إلا إذا إختى زلابيه مو منهم،عيل هذا شى ثانى
شقولتج زلابيه؟
جاي حليب
خلاص الحين من تبي الوحده تسوي عرس لا اتدندر راسها تروح حق لانوطر...ويورنها الكيترينج وتنقي وان انباقوا ما يضيق خلقها....الي بيضيق خلقه الاكس وبيقولها"يا حــــافز منو الاشكال الي انتي عزمتهوووم يطول لي بعومرش"وانتي بتردين والله مادري حبايبنا وايد اشدعوواه اللاكس اقصهم اقفاش وجناقيل
وعلى قولة القايل"احر ماعندي ابرد ما عندها"وااااي جني اشووفه
ام حفيز
hehehehehehehehehehehe mawateeeni min il the7ek oo ib nafs il waqt lawa3tay chabdi bil teterye3 oo ree7at shawarma ma3a bo9al LOOOOOOOL ....ya 7elwich wala :)
3an ethenkom feta7 bab il fer3 :( akhali9 il dawam oo arja3lokom !!!
ورده
حلت دنييياج حبيبتي
والله هذا الصج بعد
والله حب وقول ابغض وقول
جاي حليب
اتهقاااااااااااااااه زلابيه فيها جقالهه ونحاسه؟؟؟ مااظنها
السامريه
قول ام سرور ....حسبي الله على ابليس جاي حليب قمت اتنطع بالاكل.....وهف بخاطري امشيخيله مع مرقة شبزي ويمها ثوم اليبل واضرب ورد الي ورا
هو ماخلصنا من المفارش البيض؟
امبله أكو غير الأبيض
البوفيه أشين شي فيه إن العالم تمر عليه واللسان مايوقف هذرة، يعني السعابيل صارت من ضمن المقادير
أعتقد البوفيهات تكون صالحة للأكل إذا كانت حفلة بسيطة أو قعدة عائلية محفوفة بعد، غير هذا من اللي في الندوات والعروس الكبيرة... وي، مــــــا ينبلع
حسبي الله على ابليسك من وين اتييب هالسوالف !؟
أنا ما احب البوفيهات لأن دايما زحمة وقثجة جنه الناس ما عندهم اكل في بيوتهم لا والمشكلة المذابح على القوزي والعيوش حتى بالليل !؟ انزين خففوا اشوي والحلو دايما خالص لا تظل كنافة
ولا بسبوسة
أنا إذا لزموا علي آكل وانحرجت ما اتعدى السلطات
الله يهداك اللي يروح العروس ويشوف الحريم شلون تنقض عالاكل ودهم ياكلون بيدينهم وريولهم ويخشون ما يتبقى تحت العبايه >__<
طبعا مو الكل البعض يا جماعه البعض .. انا عن نفسي أروح صوب الفروتس اجابل الموز والاناناس مفضلتي ^_^
المفارش ما يبون يتعبون فيها لانهم يدرون نها راح تصير بخبر كان فما تسوى السالفة =)
واااااي واااي لأ لأ من تذكرت البوفيه يالي مغص
توني رادّة من الريكاردو ، واشياااااب لي يااااب
:P
خبرك امكشخيني ومعطيني ويه لحد ما أرجع هناك و ما آكل غير البيتزا و الصيني، ولي اشتهيت سويتلي ذاك المجيبيييس الصغيّر بذاك الجدر المجكنم خنت حيلي
:/
بس آنا من معارضين سالفة البوفييييه و الأكل المتسس البايت، ولكن أشوف أنه الحل الوحيد للحفلات و العروس وما شابهه من المناسبات يالله اييب راسهم.
و ضحكتني على سالفة الخبصة بالصحن السلطة على العيش على كل شي ذكرتني اب اخوي المشفووح
لووول
و سلامتك
كيتي
انا اقول اذا يبون يسون بوفيه يسونه على الطاوله الي تدور الي بالمطعم الصيني مادري الياباني والاكل يدور والي يطوفه شي ياخذه عقب بالدوره الثانيه والطبابيخ قاعدين بالنص يطبخون وحيطون على سكة الطعام وهالشكل الاكل تازه وما كو سعابيل اله>ره عليه وتاكلين وانتي قاعده محشومه مكرومه وعقب استكانة جاي وعقبين طريجج الميد تدوحينه
الشوح
من صجج صواني كانابي عزة الله كلوج الاوادم بلسانهم....ويه مسويه كوكتيل ولا افتتاح معرض اقول شووووح اسمالله عليج انت يايه من غيشتات ولا سان تروبيه اعيووني اذا العرس ما فيه اعيوش واللحوم ومعجنات ومزات لبنانيه والحلو اشكال حش عليج ما يبتي راسهم تقول كانابل يمااا ما يصرف اشلون بيهبسووون وراهم ميد وسهر الى الصبح ما اقووول يا شوووح صج انج شوووح
شاي حليب
فوق اللي قلته انا ما اشتهي البوفيه والسبب لمهايل واللويه بالمطعم جنه الاكل بيطير
لا وكل ساع قوم حط لك الكورس ورد عاد انا لي خلق رايحين رادين
أنا شخصياً أحب بوفيه السلطات جداً، وسبب حبي أولاُ اني أموت في السلطة وثانياً لأنني لا أحب الانتظار، أبي آكل على طول بس أوصل المطعم :)
وكيح
اشفيك انا العظيم فعظموني ..... بعد قوم منها اتهضم وعقب تعبي معزوم وتعالوا اخدموني
مالك امل اكل فى بوفيه ما احب بس انا اكيييل بطريقة عجيبة تضرب براسى اكلات بدو -صينى ايطالى
يعنى بالاكل مالى مذهب :))
احب الاكل واستمتع فيه بس بشرط اكون اكل براحتى ومو من بوفيه
picky
مشكور الساعة 12:30 وخليتنى ايوع الله يهداك ومالى خلق اقوم اكل شى
ام الحفيز
اذا بالمطعم ما يخدموني عيل وشخانتهم؟
سامرية
مشكورة على تغيير الصورة
وكيح
انا قصدي بالعروس مووووو بالمطاعم
ام الحفيز
سوري ما اعرف بهالسوالف لان خبرج احنا يا دوبنا نزف المعرس ونقعده بكرسيه والباب
الله وكيلج حتى ما يمدينا نبارج لاهله من لويت الحريم وما ندري شحنا فيه
وليش دايما مطاعم البوفيه اقل مستوى من مطاعم الاكارت؟
الوكيح
ادري ويصيبكم عقر بقر من تبهلل الحريم فيكم وكل وحده ادور لها واحد حق بنتها واذا صرت مملووح تعال شوف الي عرفونك على طول اللصقوا فيك يعني ترى احنا انعرفه محجوووز وانا اختج وخوووا كااااااع كع
اقول عساك مملوح اعيوني؟
الكويتي الحر
انا قايلت لكم البوفيه قبيبه مالت البارحه يعني اكل مو تــــازه اكيد بيكون إرخص
بقولك سر
زوجي يموت عالبوفيهات لسبب واحد
ماله خلق ينطر الأكل
و صاج الشاورما ياكلها ستارتر
الله يحفظه و يحمييه
أنا أدور السلطات أول
وإللي لايصين فيها وايد ما أٌقرب منها
و بعدين أدور علي الكورنرات إللي يسوون الباستا
و بس الحلو مو صاحبته كلش هذا بلعروس
أما الهوشة ليه صار بوفيه و منيو
و ريلي يكون خالص أكله و أنا تونب باديه آكل
و تشتغل الحنة يالله يالله
ولا مرة طلعت ويا زوجي مطعم و طولنا أكثر من 45 دقيقة
المفارش لقينا لها حل
إتغطيها بقماش تووول من لبلوكات
سويناها حق عرس حماي
ريم
يا ربي بعض هالريايل الي راح مع مرته لعشاء تقولين ملحوق ؟؟ياربي ليش العشاء خصوصا اذا كنتوا اثنينكم مع بعض لازم تتطول القعده اتباصرون باموركم واقله تشلهب عواطف موووو رايحين جنكم اتأدون واجب!! اكل وانقز من لاحقكم....الا بعد انتي ماتعرفين تطبخين وتقزرونها اكل وعقب ردت بيت هذا خمال منج لان طلعت العشا مع الريل لازم تكون مزاج وروقــــــن مو لهطــــان حبيبتي
ريووومه
مفرش تول؟؟؟ هوهوهو واذا وحده لابسه مرتهش ومدت ايدها بتطاول شي من ماعون بعيد وجلب التول في بقمتها تعالي فجججي لالا مو فكره جيده وايـــد جلاليبي الوضع يصير
This comment has been removed by a blog administrator.
الميهووول
وشفيها دار المسنين؟..انا اقول لك اشفيها... فيها بركة اهل الكويت امهاتنا وابهاتنا كلهم وهم الخير والبركه...بس الزمن ما يرحم لاعمر ولا الشيب "لا طاوعك الزمن ولا طيعه "الي يخلي الي امثالك يتبعطزون على سكان دار المسنين....ويكون بعلمك دعواتهم وابركتهم هي الي حافظه ديرتنا من غدر هالزمن...بس قول الله يطول باعمارهم ويعزهم بعزه اللهم امين.... وان جانك تقصدني (وانت الي بديت انت اتحمل)....يكون بعلمك يشرفني ان كون من اهل الدار.....
.يا قز القرد جليل الحيا
ياربي هالميهله من وين تطلع
جاي حليب انا اتساءل صراحة شلون تطري عليك مثل هالمواضيع
يعني مواضيع مختاره من واقع الكويت والمجتمع الكويتي :>
بالنسبه للبوفيه صاج باللي قلته
وانا مااحب البوفيه ويا ستايل المفارش اللي جنه بردات على قولتك
This comment has been removed by a blog administrator.
جاي حليب انا اتساءل صراحة شلون تطري عليك مثل هالمواضيع
يعني مواضيع مختاره من واقع الكويت والمجتمع الكويتي :>
بالنسبه للبوفيه صاج باللي قلته
وانا مااحب البوفيه ويا ستايل المفارش اللي جنه بردات على قولتك
I hate eating from a buffet.. when ever I go to a melcha I never eat ot go near it ... people always ask me espacialy women.. shloon el buffet shloon el akal its so important its more imporatnt than the bride and groom.
you frogot the 1st thing that goes from a buffet is the Shrimps... ya 3alhum el fager
cheers
السامريه
شفتي اشلون يا اختي صاروو عيايزنا مطنزه حق عيال هالوقت.....اتصدقين هذا النيهول حرني البارحه!!لو فيه خير جان سجل عمره ودش مو يدش متلطم جعل اتلطمه الويعه
جاي حليب
حبيبي عندك بصفحتك ميزه ان محد يدش عليها الا المسمي (المسجل) والمياهيل Anonymousaaaaaat
مايدشون.
خلونا انعرف كوعنا من بوعنا ومن انحاجي والي يسلمك سولها اكتيفيشوووون
زلابيه
اشرايج بكحلتي.....سويتها عند ام بدر في القادسيه
السامريه
طر علي طمبورة عوض دوخي يطري عليج
ايهي ايهي ليييه اهي ليييه ليلي ياجميله تو التلاقي يا جميل
واشكي زماني اهـــــه يا جميله...واشكي زماني يا جميله هالي هاليييي يا جميله... ويا عونت
الله ياجميله والي ينساني ياليليليليلي يا جمييييله وابعد دياري يا جمييييله اه لي لييليليلي
واااي الله ياهي طمبوره عجيب خصوصا لما اشوف طولج محد يصيدج فيها عاشت ام سروووور
أم الحفيز
عاد الله يحفظه (اليكس) مال لونوتر يبرد الجبد و الصراحه بوفيهاته تأخذ العقل و مرتبه
الله يعينه على بوق المواعين من هالأوادم
MOORISH
YES,IT'S TRUE BECUASE IT'S OPEN BUT ALSO THE KUWAITIS TEND TO NOT TAKE ANY RISKS BY TRYING SOMETHING THEY DON'T KNOW.BETTER IT'S OPEN IN FRONT OF THEIR EYES.
شوووح
كلامج عجيب و ياريت نسلمج مهمة تغيير أسلوب الأكل بالحفلات و المناسبا و تطلعين لنا ب (فنتق) جديد
والله على قولتج ما فى أحلى من البساطه لكنه شعبنا (مشافيح) و بس يبون تكود الأكل على بو إنه يترس عينهم
لو بس الواحد يسوى الشىء اللى يقنعه و ما يهمه كلام الناس جان أبرك
لكن اللى ذابح أكثر أهل الكويت هو كلام الناس و شراح يقولون عنهم
ANONYMOUS
عاد موضوع السعابيل يبيله بوست خاص
ترقبوه قريباً
HITMAN 1
بالعافيه
TWEETY
عيل أنا العكس
بس أروح حق الحلو و آخذ لى تفاحه و أنحاش من البوفيه
MANOOYA
إى والله صدقتى
لووووووووول
نسيت ما شرحت موضوع تخشش الأكل تحت العبايات
والله مشافيح بعض هالحريم
KITTY
الغريب إنه كل اللى علقوا على موضوع البوفيه تطرقوا حق موضوع واحد الغريب وهو (الشفاحه و البحامه) عند بعض هالناس اللى تترس صحونها وتأكل بطريقه عجيبه كأنه الأكل راح يطير
يا ربى ليش جذى؟؟؟
ماكو على البوفيه النازك على قولتج
BUTTERFLY
صحتين على الريكاردو
إى والله،ماكو على جدير (المجيبيسه) و لا صار معاها ذاق الدقوس و الأجار
حسبى الله على إبليسج (يعت) الحين
وكيييح
ترا فى ناس وايد ما تحب تطلب من المنيو لأنهم يخافون يجازفون بالأكل و يبون يشوفون كل شى جدامهم
أنا أعرف ناس بعد يموتون على البوفيهات لأنهم ما يبون ينطرون لما يجيهم الأكل
بحامه و شفاحه
الكويتى الحر
لأنه نوعية الأكل تختلف وبالخارج يقيمون مطاعم البوفيهات بأقل درجه لأن الأكل مو تازه و مطبوخ من فتره
WHITE WINGS
ترا فى ناس وايد مثلج ما يحبون ينطرون الأكل
MISHARI
آسفين يوعناك
أنت مثلى،أنا أحب أذوق كل شىء
لكن محد يغلب أكل البيوت
أفضل البيت 100 مره عن المطعم
REEMA
الرياييل عامة ما يحبون النطرة و ما لهم خلق المنيو الألاكارت
صاجه
أعرف بنات ما يحبون يروحون المطاعم مع رياييلهم علشان الحنه
خوش فكره للمفارش
بس التول شفاف
عسا الطاولات اللى حدرها ما كانت مقشره؟
ANONYMOUS
دار المسنات أبرك
فيهم الخير و البركه
NESCAFE
يمكن هالمواضيع تطرى على لأننى عندى ملاحظات على مجتمعنا ما يشوفها أحد ثانى أو يمكن ما ينتبه لها أحد
والله قصدى إننى أشرح هالملاحظات علشان الناس تصلح من عاداتها إلى الأفضل
MAYBE,I'M LEADING TO SOMETHING BIG???WHO KNOWS!!
PRINCESS
صاجه والله
خليج نعيد عن البوفيه و أكلى فاكهه
سامريه
والله صدقتى إنتى و شووح و أم الحفيز
السؤال هو
لو يبتدى أحد و يجازف و يسوى عرس شعبى و الأكل فيه مال أول جان تشوفين الناس كلها راح تسوى مثلهم
هى المسئله يبيلها واحد من العوايل الكبار يبتدى هالفكره و راح تشوفين الكل راح يسوى نفس الشى
MOSAN MOSAN
LOOOOOOOL
YES,FORGOT THE SHRIMPS...!!!
AS ALWAYS,THE WOMEN ALWAYS CURIOUS TO KNOW WHAT THE BUFFET LOOKED LIKE.STRANGE..!!!!!!!
الخوات الغاليات أم الحفيز و سامريه
يه يه يه
ما طلبتو شى
الحين أسوى اللزوم
الصراحه ما نرضى على المسنات أبد
يا حلو الطنبوره
حسبى الله على إبليسكم قمت أهز
أم الحفيز
مبروك اللوك اليديد
الحين لبنان و فيها حرب
وين ،يا مغربلة الحيل سوييتى عمليات التجميل هالوقت؟؟
يما منكم يا الأمهات ما يعوقكم شى
سامريه
أسم الله عليج من الروماتيييز
شسويتى غدا اليوم حق العمات؟
أم الحفيز و سامريه
ترا عدلنا الشغل و من اليوم و رايح ماكو أى واحد مجهول يقدر يدش بيتنا المبروك
حتى اللى قال عن المسنات ،ألغيت اللى قاله
NO MORE ANONYMOUS BLOGGERS.
سامريه
إسم الله عليج
عيل ما فى الطنجره فتوووش؟
صح لسانك والله، الكويتيين مدمنين بفيهات و أهم شي أهو الحلو، يموتووووووون على الحلو
PHYSIO-80
مشكور على الزياره و الحمدلله إنك مشاركنى الرأى
سامريه
بدز لج صفرطاس الحين تنشبين لى شوية محروق صبعه و بلاليط
لا تنسين المعبوج على كتر؟
جاي حليب
الف الصلاة والسلام عليك يا حبيب الله محمد كولولولولوولولولولولش
عساها ما تكوبك يا ولد الماركه الحمره و المراعي
جعل الله يفتحها عليك اولى واخره...وجعل الدهر يكوب كل من تعدا لك يا جاي بن حليب
السامريه
وش هالعبوووو فيج روماتيزوون ؟؟من متى من اسبوعين كنت بموجب ومحد صادج بخمارية ...ياحمود عزوني
عيني عليج بارده عساج دوم متألقه يا بعد حنيني
جاي حليب
انا اشهد محد مثل الاكس مال اللانوطر ....هب ريـــــح ومايقصر ويعطي من قلبه يبرد الجبد الله يتمم عليه حتى طباخهم طباخ ابيوت انجان يريش ولا مرقوقه والجباب يضبطونها عدل اسمالله عليهم
السامريه
هذا وانتي معلقه يااامعه من بيحوشج بالعين....وش هالعبوووو
تجيج التهايم وانت نايم وانا انتي تعرفيني كل اذكر الله
والله الشيراتون عليهم خوش شورمة تخليك تنسى البوفيه :P
يسلملي راسك جاي حليب
:)
لا يعني هم نراعي شعور الاخرين
Post a Comment
<< Home