THE END OF THE DISHDASHA
آآآآآآآه ه ه عليج يا الدشداشهغميضه عليج والله اللى هجروك أغلب الرياييل و الشباب و راحو حق الترصرص بالبنطلونات و الجينزات و البلوزات المرصرصه
مو حرام هاللباس التقليدى التراثى ينهجر؟
و بسبة شنو؟
يعنى نبى بسبق الموده و نواكب العالم الغربى؟
ما أقول إلا مالت على الموده و على اللى يضحى بتراثه علشان جينز و تى شيرت
صرنا هالأيام نشوف الأقليه اللى يلبسون الدشاديش و أغلبية هالأقليه من الرياييل اللى بسن متوسط إلى كبير يعنى من 35 سنه و فوق
ليش يا عالم؟؟؟
حتى المساكين أهل الخام قامو يصيحون من الخساير اللى بسبة أغلبية هالناس اللى خلت الدشداشه و راحت حق البنطلون و اللبس الغربى
أما الشباب اللى ظل محافظ على الدشداشه،أغلبهم من فئة البدو و المناطق الخارجيه وقلة قليله من شباب الديره
مو حرام؟
لاحظوا لما تتمشون بالمجمعات راح تلاقون يمكن 90% من الشباب لابسين بنطلونات و الأقليه لابسين دشاديش
صرنا نشوف شبابنا بين يوم و ليله بهاللبس اللى صراحه خزى
بلوزات مرصرصه وفنايل علاق علشان يراوون عضلاتهم
جينزات مشققه
أساور و سلاسل
شعر مصبوغ
موديلات شعر تبتدى من قصة الهرم الى قصة السبايكى
وشم و تاتوو
ليش يا عالم جذى صاروا شبابنا؟؟؟
هل إنتو راضيين باللى تشوفونه بالشباب؟
وسؤال خاص للبنات
شنو برأيكم أحلى،الشاب بالدشداشه أو بالبنطلون؟
posted by Chai-7aleeb @ 4:33 AM
35 Comments:
الدشداشه اكيد
والدشداشه الحين صارت تنلبس بس حق المناسبات
شاي حليب بس عندي ملاحظة على شغله الصور اللي تحطها وايد صغيره ماتبين.. حاول تكبرها شويه...
ومشكور :)))
This comment has been removed by a blog administrator.
خلينا الدشداشة حق المقابر و الأماكن الرسمية
حرام عليك تبينا نلبس دشداشة بالمجمعات و بالمطاعم أصلا ً راح أتعلجب و أطيح :P
جاي حليب
الله يهداك......ان شاء الله بيجينا الدور وتقولنا لبسوا دراريع وثياب وبخانق وتمشوا بالسوق !!!....انا اقول دشداشه ولا بنطال مو مهم المهم خلهم يعرفون وشهو ال ييناسبهم والي ما يناسبهم وكله بصوب وشعور هالعيال بصوب الي امـفتر راسه بكهربا والي ابو الزلف يا زين
والكشه كشه........واغلبكم بيقول من الفراغ!! ياربي وش معنات الفراغ الي امــخلينا شماعه تعلقون عليها مشاكلكم واللله....
جاي حليب
الله يهداك......ان شاء الله بيجينا الدور وتقولنا لبسوا دراريع وثياب وبخانق وتمشوا بالسوق !!!....انا اقول دشداشه ولا بنطال مو مهم المهم خلهم يعرفون وشهو ال ييناسبهم والي ما يناسبهم وكله بصوب وشعور هالعيال بصوب الي امـفتر راسه بكهربا والي ابو الزلف يا زين
والكشه كشه........واغلبكم بيقول من الفراغ!! ياربي وش معنات الفراغ الي امــخلينا شماعه تعلقون عليها مشاكلكم واللله....
kitty
ياختي هذا الي حاط وشم بذراعه اشلون بيروح العمره؟؟؟ هوهوهو ما يجوز...لان ذراعه نيس حيث ان الوشم او( التاتووو)على قولتكم هو عباره عن احتباس الدم فوق الجلد واضافة لون لها يعني دم محبوس بالجلد شنو وضعه؟ دم نجاس يعني حتى لو مو راسم العريه لو حاط اسم الله مايجوووووووووز
هو مايطري عليكم الكاوليات امهات الدقوق قبل؟؟ انا اقول الي يحط وشم فيه عرج بن كعبر
NIGHT KNIGHT
كفو و الله اللى يحب الدشداشه و صاج إنه الدشداشه يلبسونها بس بالمناسبات
آسفين على الصور
راح نكبرها المرو الجايه إذا قدرت
JIBLA SQUARE
مع الأسف إنه الدشاديش صارت للمقابر و المناسبات فقط
ليش تتعرجب بالمجمعات إذا لبست دشداشه؟؟؟
إنت شنو تسوى بالمجمعات؟؟
تناقز ولا تراكض ورا هالبنات اللى يخليك تتعرجب إذا لبست دشداشه؟؟
أم الحفيز
أنا مو ضد البنطلون إذا لبسوه الشباب بالشاليه أو إذا راحوا البر أو بالسفر
لكن التمشى بالمجمعات ما له سالفه الترصرص بالبنطلونات الضيجه
ما عليه،،خل يلبسون بنطلونات بس بطريقه أسنع و محترمه
ترا مو كل مودا تلوق حق أهل الكويت
بس وين رايحين وياكم
KITTY
حسبى الله على إبليسك ضحكتينى على اللى بيروح العمره و حاط تاتو مره مفصخه على زنده
لوووووووول
أنا مو ضد البنطلونات
أرجو تفهمينى زين
أنا ضد اللى يلبسون البنطلونات و اللبس الغربى بطريقه غير لايقه فى مجتمعنا
يعنى بالله عليج،مثل إخوانك اللى يلبسون كبوس و دشداشه
أبرك لهم البنطلون بس يلبسونه بطريقه محترمه و ما يأخذهم (هوس) الموده
الدشداشه والله شزينها على الريال
لكن،ما قلتيلى؟؟
إنتى عندج الريال أحسن بالدشداشه ولا البنطلون؟
Ana ma 3ndy mani3.
3la 7asab el shaab ely yilbas el dishdasha.
l2an feh shabab y6l3un 7ilweeen mra b dishdasha. O feh shabab la2.
Bs 9a7 kalamak.
7ina leh shababna 9aru ytrkoon turath hum, O ygalidoon el '3arb, kitha?
Ged 3mrak shift shab '3arby labis thobe? (what we call them in saudi! :D)
It's sad.
But western culture has a very strong influence, in most parts of the world nowadays. Its kinda hard to fight.
FUCHSIA SPUNK
AT LEAST IN SAUDI,YOU'RE MUCH MORE ATTACHED TO THE TRADITIONAL THOUB THAN HERE IN KUWAIT.WHAT WE ARE SEEING THESE DAYS IN KUWAIT IS AN AMAZING SCENE OF HOW THE BOYS ARE GOING TOO MUCH TRENDY IN WHAT THEY WEAR EVERYDAY.
كاسيروه دله
شكراً على زيارتك و حياك الله بالبلوغ مالتى
لكن السؤال،ما تشوف هالأيام طريقه لبس الشباب بالبنطلون صايره فوق المعتاد؟
أعنى فى كلامى،لا شفت شباب هالأيام و طريقه لبسهم للبنطلون يتغلبها الصرعات و الموضه اللى ما تليق بالرجل الكويتى
متى صارت عندنا لبس السلاسل و الأساور و الوشم و تسريحات الشعر الغريبه العجيبه؟؟؟؟؟
فى لبس عن لبس يفرق و إحنا مع البنطلون لكن بوقار و حشمه و رجوله
جاي حليب
والله انك صـــــــاج اتصدق يا اخي انهم يذكروني بشارع الملك في الاندن
الي يسمونهم البنكاجي
بعد مو ناقصهم الا خزمات بالخشم وقطيعه خواتم قضه وبنطالات اليلد
خلوووووووووووووه وقطع
الدشداشة زينة حق المطاعم عشان تخش الكرشة و الصلعة
و البنطرون هم زين
انا 50-50 مرة ادشدش و مرة ابنطرن
أم الحفيز
لا تستبعدين
قاعدين نشوف الهوايل هالأيام
كله مطقوق
الدشداشه زينه فى كل شىء إلا التحكم بالجسم و السمنه
إذا لبست الدشداشه،ما تحس شكثر تأكل و دايماً عندك حاصل بالدشداشه
أما البنطلون،تحس إنه يضيق عليك إذا كثرت أكل
KITTY
والله أدرى يا عمرى
لكن الموده الماصخه هى اللى معوره قلبى
صاج الدشداشة رزة ولباسنا الوطني
لكنها يا أخي صعبة يعني لونها أبيض
أقل قليل إتوسخ لو ألبس آنا نفنوف أبيض تطلعلي قرون
يتروالي إن اللي بيحافظ على تراثه يقدر يحافظ وهو لابس تريننج سوت راهي
بدون ترصرص
ترى هم أكو دشاديش مرصرصة
ma a7ib il deshdasha il imkha9era oo ma adri meno ili ga9 3al reyayeel oo gayelohom shakelkom 7elo feeha !!
il ma9bena (i9bayan il teenagers) itnarfezni tasree7at-hom oo sha3arhom chen-hom showathiii, tasree7at il spikey oo il gethal oo il gel oo ili 9abegh sha3raaa oo once i commented 3ala wa7id I know ena malah modail galatli his mother khaleeeh al7een yesawi hal 7arakat 3ashan laih kober ma yesaweehom !!! shakooo what if he likes hal modail ?? bacher shefoknaaa min sha3ra il 6oweeel wella sha3ra hal wagef!!!Ge6aaaaa3
oo ba3dain il deshdasha ya tenlebes ma3a qetra oo 3gal wella la talbesooon-ha ....ma ye7erni ela deshdasha ma3a cap!! ya33ni modailllll !!!!!
oo ishsalfat il Kuwaiteyeen yalbesooon badlat 7ag il dawam (blazer and tie) ishfeeeeha il deshdashaaaa ????? ya33ni metmadneeeen !!! oo bs
*meshta6a ishway*
مساك الله بالخير
مع ان سؤالك موجه الى الفتيات والآنسات
لكن حبيت ادلو بدلوي في هالموضوع لان دلوي مليان
كوني واحد من الناس اللي دايما البس دشداشة ويؤيدون الدشداشة
مو حبا بالدشداشة لكن لدواعي كرشية
اضافة الى اني ما اعرف اطلع من البيت بدون غترة خو الشعر يالله من فضلك بريييسم
يعني ما يصير بنطرون وغترة تقول من اللي يصبون بانزين
ايام قبل
بس في موضوع اهم
اشسالفة الشباب هابين بالتي شيرت الوردي
او القميص الوردي
هذا اللي مو داش مخي
باجر يطلعون لي بدشداشة نص جم واللون وردي
وييييع
كيــــتي
هوهوهو ماتدرين ان الوشم مايجوز شرعا؟؟؟ شوفي حبيبتي كل شي حرمه ربنا له فايده للبشر الحين الوشم صار من اسباب الرئيسيه يادفع البلا لمرض الشييين.
وحرم سبحانه الذهب على الريايل ليش ؟ لان من قبل جم سنه بمجله علميه سويديه اطلعت دراسه عن تأثير الذهب على الرجل خصوصا بمنطقة الرسخ عقب الجف وعند العظمتين الي تحت الرقبه بجهة صدر الريال العلويه اتصدقين ان وجود الذهب في هالمنطقتين واحتكاكهم بالجلد يأثر على فحولة الريال سلبا؟؟؟ سبحانه ما حرم شي إلا لسبب وما نقول الا ربي زدني علماً
وشفتي اشلووووووووون ياختي
ورده
وردووووووووه ذبحتيني بالكتابه بالعنقريز دعيت اقرااا بصوت عالي جني بمدرسه اسمع نشيده
نعلبوشريج اكتبي بالعربي دودهتيني
المهم...اقول لحقتي على موديل الدشداشه المخصره
والشعر فرق بالنص وملحس في كريم شعر بريل كريم الاحمر والفرق خط سريع من القصه الى منبت الشعر بالقمه ولا وياحبهم للاطواف يتسندون عليها بايدهم اليمين والايد الثانية على الخصر
ماتقولين الا دلة اقهوة مره واقفه اجبالج... لا ويتبوسم مادري منوووو الحين هـووو....والاشابيه اخفوووس ربي لا تعاجبنا
شاي حليب
صح الله لسانك
اي والله بعض شبابنا نسوا لبس ابهاتهم
وصار عندهم اللي يلبس البنطرون منفتح وكول على قولتهم
وبعدين أكو أريح من الدشداشة ما اعتقد ؟
وعن نفسي انا اقط الدشداشة بالعطل وحق مشاوير شويخ بالذات
:)
سلوغا بلوغا
على ذكر موديلات الدشداشه
والله ومالك علي حلفان يطري علي بمجله كويتيه قديم يطري عليك مجلة مرآة الامة..ولا مقاله حق واحد مسوي موديل الباجيز على المخابي بالدشداشه يعني ترقع تصدق عاد !! ومصور الموديل وحاطينها بالمجله...يعني هالمصمم صمم الترقع بالملابس قبل الطليان عيال غبانا &دولتشي
صج الفناتق بهالديره لها مدارس...
ما اعتقد ان الدشداشة شئ اساسى بالحياة علشان اسويلها هالشى
فى ناس كويتين جدا راقين فى المجتمع وما يلبسونها
ابسطهم
عبدالله الشايجى
عبداللطيف الدعيج
عبدالله النيبارى
احمد الخطيب
المهم اللى بالراس
مشاري
اعيوني لا تاخذ الموضوع بسطحيه...جاي حليب يقصد المثل الكويتي ((اكل ما تشتهي والبس ما يشتهي الناس)) لان الانسان لما يطلع من بيته ويختلط بالبشر تنتهي حريته ولازم يلتزم بمشاعر الناس طالما بيخالطهم يعني الوحده منا ماتروح عزاء ولايصا ويهها بكوميكياج ومتشكشكه ورايحه اتعزي الاوادم هذا عيب ومو صحيح..ومافي تقدير لاهل العز....وقيس على ذلك يعني سواء بنت ولا ولد اذا طلعت بالسوق راعي مشاعر البشر الي حولكم
مو شعور النقص يغلب عليكم بملابس الملفته للنظر ....بالله عليك ريال عمره فوق 40 سنه شوف عيني محد قالي يتمشا داخل مرينا مول عند المحلات وخزيـــاه بشورت مو فوق الركبه الا فوق الفخذ والجسم حدث ولا حرج اهو كرش امزنبع الي جدام ....ياربي عيب نازل من ياختك مادري محملك مادري لنجك....اكو شي اسمه اوزار توز وانزل قطييييييعه لوع جبدي.....هذا الي يقصده جاي حليب
بالعكس هو ما عند اعتراض على مبداء لبس البنطال...النقطه ان الشخص ما ينقاد للصرعات في الاختيار من اجل لفت النظر....وعساني ما صرعتكم بالهذررره
شاي + حليب = شلاليب
دشداشة وبس
والباقي خسسسسسسسس
وهم بيني وبينك يعتمد على الجسم
الكروش ما يرهم معاها البنطرونات
جاي حليب
على طاري الدشداشه المنسيه اهديك هالاغنيه:منسيه منسيه....ياعونت الله ولا لي عندكم طاري
انا كل يتراوالي اني بالكبت بروحي
لا لي خل ولا والي يشارك بالهوى اجروحي
منسيه منسيـــــــــــــه
مع الاعتذار للمرحومه عواشه
اليوم كنت اسولف مع الشباب عن لجريمبه الناس لا شافوك جنك من كوكب اخر و انا على خبري كل لكويتيين كبير و صغير بدو و حضر ينسفون جريمبة سواء على لعقال او بدونه
انا على العموم من زمان متمسك بالدشداشة (اتمنى تحسبوني شباب مو شايب) و بعد الدوام دشداشه و جريمبة و اذا احد علق اقوله الا يرحم ابوك و يدك
و اطالبكم نسوي حملة شعارها تعيش الدشداشة و تعيش الجريمبة
و اخيرا ياحلات السعة و الراحة بالدشداشة مو مثل البنطلون يخنق
أنا أقول لكل مقام مقال
يعني بالويكند والاماكن اللي فيها بحر ممكن الواحد يلبس بنطرون
بس حق الدوام والمناسبات الرسمية والطلعات الثانية الدشداشة
ومع ان الدشداشة لبس شعبي احنا نفتخر فيه وصراحة الكويتي اهو الارّز بهالبس مع احترامي لبقية الخليجيين بس ياخوك الدشداشة والغترة تستر وايد
تخش الكرش والقصر والصلعة وغيرها يعني فيها غش :p
انا ما ادري ليش تلفت نظري البدلةوالكرفتة لوول
مرة كنت طالع بدشداشة بس بدون غترة وعقال، يوم رديت البيت وشافني ابوي مو لابس غترة.. لا شعوريا
سألني: شفيــــك؟ احسه مبتهررر
قلت له مافيني شي :))) بس كنت بشويخ احوس بالكراجات.. وهم احسه مو مقتنع بطلعتي بدون غترة وعقال، مستنكررر الوضع .. طبعا هذي ردة فعل ريال كبير بالسن.. والكبار عموما ينقدون على اللي يطلع بدشداشة بس بدون غترة او جريمبة.. لازم اتحط شي على راسك
فالبيت في هالحالة، اهو سيّد الموقف
واهو اللي يعلمنا.. ناس وايد ما تهتم للبس اعيالها وتصرفاتهم.. يقص مارينز محد يكلمه يلبس خلاجين محد يكلمه.. اذا اهله ما كلموه .. شلون تبيه يتقبل من المجمتع ؟؟
هممممممممممممم
أحس إنه موضوع مهم الصراحة، لأن نادراً ما نشوف واحد لابس دشداشة إلا بالأماكن الرّزة
و من وجهة نظري الشخصية أفضّل الدشداشة و ياحلوووووو الشتوية الغامجة والنسفة السنعة
والصيفية أفضل اللون الأبيض
و تلووووع جبدي لما أشوف واحد لابس دشداشة لونها امدوودي أو امصووفر أو امخوووضر
و أيضاً
I have this thing for suits and ties.
:P
وسلامتكمممم
جاي حليب
على ذكر الدشاديش
يطري عاى اول المغازلجيه يلبسون دشداشه بدون غتره ويحطونها عقب ما يصفطونها وبالاوتي يضغطون وعلى الجتف يحطونها....ويسون اتواليت لشعرهم الطويل يعني فرق الشعر على طرف والزلف اشطوله جنه خارطه ايطاليا والدشداشه امخصره ووووواي وشكلهم صج امغازلجيه ويفترون اكثر شي بالمباركيه
عاي = علي
يضغطون =يضغطونها
HAZOLAT
يا رخص المصبغه و الخام و الماى و الصابون بالكويت
WARDA
صاجه والله
يا شين الدشداشه المخصره
واللى يلبسون كابات مع الدشداشه
والأمهات اللى يشجعون عيالهم على هاللبس
SOLOGA-BOLOGA
أنا خبرى اللون الوردى يلبسونه الأشخاص اللى يحاربون سرطان الثدى بأمريكا؟؟
تهقا وصلوا الكويت بهالحمله؟
الكويتى الحر
كفو والله
أنا مثلك
بس هم الدشداشه ما تنلبس حق البحر و ركبة السياكل فى البر
MISHARI
يا ريت الشباب يلبسون البنطلون مثل هالأسماء اللى سميتها
الشباب هالأيام ينوا و قعدوا باللبس
MULAN
إى والله
اللى ما عنده ذوق هو اللى ماشى على هالموده البايخه
WAKEE7
صح لسانك
لكن هم الرياييل اللى عندها كروش خل تلبس هدوم مبحبحه مو يترصرصون
أم الحفيز
الله لا يخلينا من إهاءاتك و ردودك اللى كلها درر
البلوغ مالتى بدونك كأنها غرفه ظلمه
الله لا يحرمنا منك
DIVER
يا حلو لجريمبه والله
قمت هالأيام ما أشوفها إلا ساعات بالمسجد بعض الشباب يلبسونها
لكن صارت لجريمبه هالأيام ملبوسه بكثره عند فئة الأهوازيه اللى تشوفهم بالشبره أو المباركيه
PRINCESS
YOU ARE REALLY A PRINCESS.
صاجه 100% على تعليقك
TWEETY
صاجه بس الكرش مو عذر
الأماكن اللى ذكرتيها ممكن الواحد يرتاح فيها لما يلبس البنطلون بس مو بالأماكن مثل المطاعم و المجمعات اللى بس قصدهم يروحون للتمشى
LONDONY
ما أقول إلا الله يطول بعمر الوالد العزيز و يخليه فوق رووسكم
مفخره والله اللى عنده أبو جذى
BUTTERFLY
إى والله يا حلو الدشداشه الشتويه مع الشماغ و البخور والجوتى
ويقولون بدله
وعععع
أم الحفيز
إى والله
هاذى كانت أيام ملك العصير و العدنيات و أغنية
أحببتها سمراء كالخمر
شذكرج بهالأيام الله يقطع إبليسج؟
إشتهيت صمون دياي مسحب مال فرح؟؟
senior chai..
yoba khalna mara heek o mara heek shi ;) dawam o monasabat dishadeesh.. o wagt lihyata enseer shwaya dressed down.. ba3ad mako dressed down bil dishdasha! ya3ni a6la3 dishdasha o emfari3.. chini morasil? masyeer :)
o ba3dain wain el mosawaat baina o bain el 7areem? ;)
etha el safla salfat torath.. lazim ma yalbisoon malabis el gharb ;) lazim dararee3 o bakhanig ;)
THE SIMPER
أنا مشكلتى بس بالشباب اللى يلبسون البنطلون بصرعات مو لايقه حق مجتمعنا
ما عليككك زووود
من طيب اصلك
DISHDASHA
chai 7aleeb
أنا بما ألبس شورت ما أدعم بالأوادم هل مرة دشداشة خل إندعم بالمقابر أحسن :P
Dear all:
we are manufacturer of deshdasha in china, can provide you this product with top quality and low price. for more info pls contact me jelvu@hotmail.com/ or maybe we can be good friends . i like make friends around the world
Post a Comment
<< Home