GOSSIP IN KUWAIT
من عمر الدنيا،نشوف طبع بالإنسان فى كل العالم وهو طبع الحش و القراض بالناسهذا الطبع موجود فى كل إنسان لكن فى بعض الناس اللى تخاف من الله تتحكم بهالطبع و تتمالك نفسها من زلات اللسان و تعرف إنه الله موجود و هذا إثم كبير
لكن البعض الآخر،ما يهمه شى ويتفاخر بالحش و النميمه
ما يحتاج،الكل فيكم يعرف شلون هالطبع تكاثر بشكل كبير عندنا بالكويت وبين كل طبقات المجتمع
لأ،والأعظم من كل هذا،صارت الأشخاص اللى عندها حش و تتكلم عن الناس و عندها أخبار،هم الناس اللى دايماً محبوبين و الناس تركض وراهم علشان الأخبار و الحش و يستمتعون بالقعده معاهم
لا تقولون لى إنكم ما تلاحظون حتى بالمطاعم لما تدخلون المطعم،كل اللى بالمطعم يسوى هالأشياء بالترتيب
1-يسكتون كل اللى بالمطعم
2-يلتفتون على اللى داخل المطعم
3-التشييك على اللى داخل من فوق إلى تحت و التأكد من اللبس والجوتى و الشنطه و الساعه الخ الخ
4-إلتفات الوجه بحركه بطيئه إلى الشخص أو الأشخاص اللى قاعدين معاهم
5-بدأ الحش بهمسات بطيئه ما بينهم و التأكد من إنه اللى داخلين ما يلاحظون إنهم قاعدين يتكلمون عنهم
غير بعد،الحش و القراض بالشغل والمكاتب واللى دايماً يتركز على المدير أو الأشخاص اللى أعلى منهم بالعمل أو عن الموظفين طول الوقت
هذا ما يعنى إنه من خلال ساعات الدوام،بعض الناس تقضى وقت طويل على التلفون للحش مع أصدقائهم أو أهلهم عن اللى قاعد يصير بالشغل أو أمور ثانيه
ناهيكم عن المأساه الكبيره اللى قاعد أشوفها و هى زيادة نسبة الحش و القراض عند الرياييل فى الدواوين والمكاتب والسوق و البورصه الخ الخ اللى قام يتعدى على حش و قراض الحريم
حتى شوف الحريم لما يمشون بالسوق،يطالعون لبس بعض وأشكال الناس الثانيه و يبتدون بالحش مباشره و عينى عينك
هذا مو بس بينهم و بين بعض،حتى بالمجلات،أول مجله تخلص من السوق هى المجلات مالت الحش مثل مجلة هالو أو المجلات اللى فيها فضايح و كلام عن المشاهير والممثلين أو الناس اللى من الطبقات العاليه بالمجتمع الكويتى
الطامه الكبرى،هى لما الأطفال قاعدين يشوفون آبائهم و أهلهم يحشون بالناس،قاعد أشوف هالأيام طبع بشع فى بعض الأطفال اللى صار عندهم نفس طبع أهلهم و بدوا يأخذون طبع أهلهم بالحش حتى اللى فى سن 5 و 6 سنوات
والله مصيبه اللى صار اليوم تشوف كميات كبيره من الناس بالكويت،ومع الأسف من صغيرها إلى كبيرها، قاعده تحش بالناس و متطبعه بعادة النميمه
وإذا قلت لهم حرام عليكم تتكلمون عن الناس،ردوا عليك
ويييييه،إنت وايد مثالى و طيب و على ويهك!!!!! مصيبه أبيكم تشاركونى بآرائكم
posted by Chai-7aleeb @ 3:51 AM
38 Comments:
جاي حليب
ياربي انت جراح اخلاقيات ولا شنو....مسرع ما تحط ايدك على الجرح. وجعلنا بهالمحاوره انداوي منه جزء
المهم ...انا بعرف الي يحش او تحش اشفيهم زووود على المحشوش به هذه وحده والثانيه شنهي الاستفاده من هالحش هذه الثانيه والثالثه والاهم الدنيا دين وسبحانه يمهل وما يهمل اتدور الدواير ويصيب الي حااااش ببلوة المحشوش به
الحين اشتسوى عليج تصيرين علج بحلووج الناس وعلى قولة المثال "خبزن خبزتيه يا الرفله اكليه" وبعدين شيضر لو يسولفون بأشياء مافيها اطنازه ولا جمبزه على الناس...والله يوم كنا صغار واذا اسمعتنا الوالده الله يطول بعمرها انيب طاري احد بزين ولا بشين تنهرنا وتحرمنا من الطلعه وهي على طول مثلها (جلمة مادري ريحت واحدن يدري" بس ما اقول الا الله يستر على اعييلنا واهلنا من الافاه
Hatha allah wakeeeelek min il faragh il zayed ...nothing to do ...so people tend to gossip!
ana atqabal il gossip min il banat 3ashan il 9ara7aa it's known ena il 7areem wel banat ye7eshooon ib yam3at-hom ! bs ya kerh il rayal ili ye7esh ...fee wayid reyayeeel ye7eshooon oo yeshahrooon bil nass bil dewaniya oo ana I dont think ena hatha il mafroodh yekoon 6abi3 majoood bil rayal , la'anha ma il mafrooodh itkoon min soowalif-hom !!!
ihwa 3al 3omooom 6abi3 shain oo kareeeh because most of the gossip is not true , la'ana lama yetnaqal il kalam min wa7da laih il thanya oo kel wa7da itzeeeed min 3indaha cham shay tetghayar il salfa il asasiyaa ( I dont know if what i just wrote is clear...sa3at ma a3aref ashra7 nafsi )
oo salamtik :)
ورده
كلج عدل بعدل صاجه من تنتقل السالفه من وحده الي ثانيه تختلف القصه والمضمون يا دافع البا الله لا يعاجبنا
أم الحفيز
أنا والله مانى جراح أخلاقيات أكثر ما إننى قلبى على هالديره و أهلها
ودى أشوف الناس تنتبه على الإثم اللى راح يتحملونه من الحش
الله يطول بعمر والدتج وكلمتها وايد عجبتنى
صج والله
كلمت مادرى ريحت واحد يدرى
لكن وين؟؟
حتى لو قلتى ما أدرى حق بعض ناس،ردو عليج
واى،يا حبك على التغبى
ما ندرى شنسوى بهالعالم اللى تموت على القراض
WARDA
لأ والله،الطبع هذا شين للبنات و الرياييل بعد
مو شرط إنه البنات حلال عليهم يحشون بيمعاتهم بس لأنهم بنات؟؟
البنات و الحريم لازم يعرفون إنه فى إثم عليهم
بس وين يتعظون؟
طويلة العمر
الملكه اليزابيث
محشومه والله من كل حش و أهل الكويت ما يذكرونج إلا بالخير
بس،حاشج شوية طشار حجى من بعض الحريم اللى غيرانين منج على مجوهراتج و الخير اللى إنتى فيه
وبعد،ما خلوا شى بشناتك وقرضوا فيهم قرض العما
لكن،السموحه طال عمرج
naqe9aaaat 3aqel oo deeen !!! hatha il farg bain il reyayeel wel 7areem !!
oo ana ma3ak ena mo 7elo hal 6abi3 3al athnain bs 3al reyayeeel ashyaaan il 9ara7aa
أم الحفيز:
ishloonech ?? khoosh 9ooraaa :P
elmeshkela 7ata law etsawy shay zain o feeh khair
ham e7eshoon ((shefto eflana shemsawya))
o 7ash el reyayel yaqher akthar khososan lai sar 7ash bel dawam
allahuma ya kaafi
ورده
امين جعل ربي يجبر بخاطرج مشكوره....ياختي "زلابيه"شاقتني بكحل عيونها فرحت صالون جمعية القادسية تعرفينهم بنات ام بدر سولي هالكومكياج يا ختي ما عليها الكحله الوحده منا من غير كحل تصير حمصه يكافي الشر....
المالكاااااه
اشلونج وشخبارج.....ما اقول الا الله يعطيج القوه اهو حش حشووو فيج وبجنتج المنزوعه ديانا لكن الواحد ما يقول الا حسبي الله ونعم الوكيل
اسمالله عليج شـــــــــاتره مع انج 81 سنه لا اله الا الله....تففففففف عن النظله الطرش لج شبه وحرمل عن العين؟؟
ZALABYA
تسوين زين ولا تسوين شين
على قولتج بيحشون
فراغة.. شسوون مساكين!
ماكو شغل
أسهل شي
a bunch of reporters... :)
الحش عند الحريم والرياييل بس الحريم دبل ما يعبرون
وايد يحشون في الأوادم علشان يحسون إن حياتهم أحسن ومشاكلهم تهون عن مشاكل غيرهم
قناعتي إن كل ما الواحد كان مرتاح ومقتنع بحياته قل حشه بغيره
THE SIMPER
A BUNCH OF REPORTS WITH NO CAREER!!!!
LOOOOOOL
HAZOLAT
شكراً على الزياره
الحريم أكيد دبل بس الله وكليج الرياييل لاحقينهم بسرعه
صاجه إنه القناعه هى السبب فى قل الحش
لاتقولهم حرام، قولهم إن اللي يحش عندك يحش فيك
قـــــــطــــــــيعــة تقطع ابليس، اللي دايما يحش أصلا مايعرف منهو الصديج ومنهو الغريب، يحش وبس الحمدالله والشكر
ليش شلت الأنونيمس كومنتينج؟
dunes
وش هل بلاغة الشــــــــــــــــــــــف ليش شلته اكيد اكيد قايل شي مو زين فشالوووه.........اقول لا يكون انتي
ياحــــــــــــــــــــافظ
ومو خليه احد يدش في بلووغج علشان ما نعرف متى تاسس
يمااه منج وحــــــــــــــــده بازعه
DUNES
ماكو أنونيموس من اليوم و رايح
اللى يبى،حيَاه الله و اللى ما يبى ما يشوف شر
أم الحفيز
دائماً متألقة
جاي حليب
لا لا استحـــــــــــــــــــــــي هالنمونه ما اعبْر يرنبط إلساني واتسمر ابمجـــاني
هوهوهو ما تدري؟؟ انا حيــــاويه
والله لا يخليني من طيبك يابعد روحي
هاااااممممممممممممممممممم (والف ويهي على كتــر)استحي
حرام عليك أم الحفيز ماقصدت هالكلام الله يهداك، ظلمتيني
بس أعتقد الأنونيمس يشجع مدونين يجادلون من غير خوف من اللي يشوف من من أهلهم وربعهم
إذا يسبب مشاكل عيل بلاه
Ee 7reeem el q8 moshkela wana okhoook... eL 7al el wa7ed enge9 elsanhom o nerta7 menhom o men 7anat'hom :P
dunes
امحــــــــــــــــــــــــق تشجيع... يغلط على عيايزنا وشيبانا؟ حش علينا لا نقلطه المكان ولا انجابله و فرقاه عيد ...البارحه جان عطيته ما عطاني ربي.... بس الحشيمه لكم
والي ما له اسم ولا شخصيه ابرك لنا ما نعطي له اهميه
وسلامتك اعيوني
وقت زيزوو
اشتبي تلحق عليـــــــــــــــه
ياعيوني!!! عزت الله مارح تشوف الا اشكثر الثرمان في الديره من تقيع الالسنه
ام الحفيز:
entay 7elwa fe jameeee3 ashkalich , ib ke7ela oo min ghair ke7ela ....oo mithil ma gal Chai-7aleeb "Mota'aleqa da'eman" :)oo imnawraa il blogs :)
اي والله انك صاج
اووووووووووووف
و انا اولهم
و لكن صدقني انا ما احش الا في البنات الي لبسهم غريب
حجابات غريبه و لبس ضيج
حفرات و علاليق جنا قعدين في ماربيا
احش انا مو ما احش
لكن في الاشكال الغربيه
اهي الي تخليييييييك غصب طيب تنطق
شتسوي
يعني كويتيه في المطعم حاطه زقارتها جدام شباب و تنافخ عليهم
هذي بالله ما تبييني اتقد عليها
جنوس وقحين
ما تبيني انقد
لا والله ما اعبررررررررر
ما اقدر
لكن اذا بنات عادين و شباب عادين
مالي شغل فيهم
اطالع لمجرد التطمش من غير اي تعليق
مسينــــــــــــــــاكم ...ومسيناكم
ومسيناكم مسونه على الانترنت لاقونااأأه ....وأن دشيتوا بلووغ جاي حليب وايد وايد بتكونوا بتحبووونه
السلام عليكم واشلونكم وشخباركم...عسى الله لا يخليني منكم يا ورده و كتــــي
ياربي انا احب التجديد طبيعه فيني شسوووي....والصراح زلابيه شوقتني بكحلة اعيونها اتزوق
نرد لموضوعنا اما النماين الي بالمارينا حدث ولا حرج....بعمري ما شفت جرائه جذي لا بالهند ولا بالسند...امصيبه امـــحق ثقه اهم نماين اهم اشكال الهووله الهوووله...والي مصدق روحه...تقولين كازنوووفا امجابلج....وكله بصوب وتسبل العيون بصوووب
و لا أمهات النقاب عفيه محقان تصبون فيه الكحل لعيونكم وشي يشيله تالي الليل
انا جذي صرعه ما شفت هذه اسميها خرعه يا دافع البلا
في فرق بين انك تشوف شي غير طبيعي وتستنكره أو تعلق عليه بينك وبين اللي معاك وبين انك اتدور الحش ادواره وتلاحق أخبار الاوادم عشان اتكلم فيهم
أنا وحدة ما احب اسأل أحد عن أي شي عشان ما ابتلش اشعلي منهم تزوجوا تطلقوا البسوا تهيلقوا
مريحة بالي واشعليا من الناس واشعلى الناس مني
أم الحفيز مغيرة اللوك !!!!
ما عرفتج, عاد كنت أعز صورتج الاولية لما أشوفها أستانس
تويتي
الله يعز قدرج حبيبتي.....وجعلج دوم مستانسه وان راحت ولا ردت اقصــــــــها صوره
بس المضمووون مايتغير و ديماً معاكم يالغاليه
السامريه
هوهوهوهوهو متى وصلتي؟؟؟
سامريه
هوهوهوهو اشفيـج فرووور!!!!سكنهم بمساكنهم
سكنهم بمساكنهم ما مداج ادشين ....وعقب على اولج وقفت على سيادة الصلاة؟..وي !!.لا بالله ما انتي بصاحيه ابد فيج ررررررررررس؟؟؟اللهم اجعلهم اخفاف عليها
ضربت عالوتر الحساس ... صار اللي ما يحش مو كويتي .. وللأسف صارت صفة من صفاتنا ... في ناس تستحق الحش فيهم صراحة .. مع إننا قاعدين ناخذ ذنوبهم ... وإذا ماحشينا نطالع الوحدة من فوق لي تحت !! ونقول حق اللي معانا عن اللي لابسته .. شفتي جنطتها ترى ديور .. وإلا شفتي ريلها هذا اللي كان ماخذ بنت التاجر الفلاني وطلقها .. أو هذا اللي أخذ الوكالة من أمه وبيع حلالها وحاشتها سكته .. جني طلعت من الموضوع !!؟ المهم أي شخص يدخل لازم انعلق عليه حتى لو مانعرفه .. وإلا ما نرتاح !!! ليش ما نيوز!؟ مادري !!؟
نبي حل يا دكتور جاي حليب
الطير الحر
عايـــــز الجاي والحليب وهو يدندن على الاوتار الحساسه....جعل أللحانها تثمر نغمــــــها..... اللهم امين
تصدق عاد من ردود المجموعة الي هني اشووووووووووه الديره خيرهـــا بعياله بعده باقي...بس لو الله يهديهم ويحطون ايدهم في إيدين بعضهم بعض ....ويواجهون اي نوع من انواع التطرف ويتصدون له بشعار "الكويت عديلة الرووح" ولا
يصيرون قوم ما كاري ....جان احنا بخير
لان الحش والنميمه مرض ان سرى في بيت وتفشا بين المناطق تفكك المجتمع وعقب خلاص وعلى الديره السلام
لان
عدوك يتبع المثل الي يقول (شاغلهم... وأكل عشاهم) وهذه هي فرصته الوحيده ويا غافل افطن
والله يستر بستره.....وان فات الفوت ما ينفع الصوت
وسلامتكم
والله كلامك عدل ولا مخلين اعيالهم مسجلات من يصير شيء كل وحده طرشت الجيش اللي عندها ما يتعطلون
وتحياتي
وسن
walla halayam mako0 a7ad may7esh o elseba ina fee naas mategdaar mat7esh feehum ehma eyebo0n el7achey 7g nafs.hum ya3ney eli ybda3o0n eb 3merhum ma tegdar la zem t7esh wela tasket o tenbaa6 :P
o '3air chethy fee naas yb6o0n echabd ya3ney ma3ro0f 3anhum inhum 7ashasheen 7ta etha malegaw a7ad y7sho0n feeh 7ashaw eb nafs.hum o ley a7ad 7ash feehum gallaw waaaaai flaan 7ashash :S sho0faw nafskum gabel
o ana n0w 7ashait feehum :S
من وجهة نظري ماكو احد ما يحش =)
بس في فرق بين حش وحش
في حش بناء وفي حش هدام ... لوول بدت اتفلسف =\
الحش البناء لما نشوف شي غلط ونتكلم عنه ما بيننا ويكون الغرض هو اصلاح هالشي وانه ما يتكرر واذا دعى الامر وانا افضل ان نتكلم ويا الشخص المحشوش به بالموضوع عشان يستفيد وبنفس الوقت ما يكون اسمه حش بل يتغير المفهوم ليصبح "نصيحه" ..
اما الحش الهدام اهو انا نسوي من الحبة قبة ونتربص حق اي تصرف او حركة او لبس في شخص ما غرضا من فضحه او تشويه سمعته .. وهذا شي مو زين كلش وله سلبيات اكبرها ان الواحد ياخذ ذنوب
الصراحه أنا ما أحش الا على غشمره و أقول حق اللي حشيت فيه
أما إذا شخص غريب ما أحش فيه الا اذا أذاني
أما دش مطعم مثلاً انا شعليي منه
و اللي يحش فيني الله يسامحه
و يعطيك العافيه
مع السلامه
النميمة داء انساني ولا يخص مجتمع أو جنس (ذكر أو أنثى) بعينهم
بس صراحة يا عزيزي، ساعات في حفلات العرس الوحدة لا تتمالك التفاف الرأس والتعليق الضاحك من كثر الهوايل الي نشوفها :)
أم الحفيز
إنتى والله زينة المكان و الله لا يحرمنا منك
زيزو
نقطع ألسنة الحريم جريمه
نوكلهم فلفل حار ما يخالف كعقاب
KITTY
العاده اللى قاعد أشوفها بالبنات و من الردود اللى قاعد أقراها إنه أغلبية الكلام و الحش هو طنازه على اللى يمر جداهم
ترا هم الطنازه على اللى يهولون بروحهم هو أحد أنواع الحش
لكن مثل ما قلتى،كل شى ولا التعرض حق أعراض الناس
ESGHANOONA
والله خوش لعبه
راح أسويها الليله لما أروح المطعم و راح أشوف منو اللى راح يفوز
لوووووول
LAWYER
حياك الله بالبلوغ مالتى و شرفتينا
صج إنه ساعات لما تشوفين ناس لابسين أشياء غريبه تحاولين تعلقين
لكن لو قلتى الحمدلله و الشكر أحسن بدال التعليق
صاجه والله
أكره شىء أشوفه هو المره اللى تدخن فى الأماكن العامه
لأ،والطامه الكبرى الله يكافينا الشر لما الواحد يشوف واحده سكرانه
الغاليه أم الحفيز
عاد النماين اللى بالمارينا يبيلهم موسوعه كامله وأنا أقترح إنه مجلات الأزياء لازم تجى تصور الصرعات اللى عندنا
شىء غير طبيعى و أوريجينال
TWEETY
يا حلاتك والله
مريحه رأسك من الكلام
الغاليه سامريه
قلتى كلمه واحده بالصميم
من حجالك حجى فيك
يا ريت بس الناس تتعض
الطير الحر
يا حلو صراحتك
العلاج موجود
تخيلى نفسك إنتى اللى داشه المكان و تلاقين الناس تعلق عليج
راح ترضين بهالشىء؟؟؟
إرضى لنفسك ما ترضين حق الناس
وسلامتك
هذا دواك و على الله شفاك
أم الحفيز
الله لا يخلينا منج و من دعاويج
MULAN
الله يعين هالمعرس
BANGBANG 2
لوووووووول
إى والله عيالهم مسجلات
ZABOOO6A
إى والله هذا المرض بعينه و علمه
MANOOYA
الحش البناء اللى آخره إصلاح بين أطراف و عمل الخير
لكن غيره،،،،،قوية شوى
MR_CHCOLATE
حلو لما تتكلم عن شخص إنك تحلل نفسك من الأثم و تقول له إنك تكلمت عنه
WHITE WINGS
مشكلتى أنا و الشباب إننا ما نقدر ندش عروسكم يا هالحريم و نتطمش على الهوايل
Post a Comment
<< Home