KUWAITI NEWBORN
قبل كم يوم،رحت مع أختى نزور وحده من أهلنا بمستشفى المواساة لأنها والده و حاشنى نوع من الصعقه والأستغراب من هالزياره اللى راح أشرح لكم شصار فيها
أول شىء،الوالده مأخذه سويت رويال و مسويه الله يحفظها ديكور كامل للجناح اللى هى فيه و تلاحظ الديكور من تنزل من المصعد لما توصل غرفتهاهذا غير الورد اللى مرصرص و تارس كل الممر اللى بالجناح
تحس بريحة الورد و البخور من تقرب جمب الغرفه
قبل لا توصل الغرفه،تبتدى تسمع صراخ الحريم اللى مكودين داخل غرفة الوالده و تحس كأنهم قاعدين يتهاوشون مو يسولفون
سألت أختى:ليش هالصراخ؟
قالت:هالحريم بعد قاعدين يسولفون
قلت:ليش ما يسولفون بالعدال،؟ما يدرون أنهم قاعدين بمستشفى؟
قالت:هذا طبع حريمنا
المفاجأه الأولى كانت الوالده نفسهالو تشوفونها تقولون عروس مو والده
عفيا خلق و باس قوى
قميص النوم مع الروب كأنه بدلة عرس و كاشخه عالآخر
ما تقول أمس هالمره مطلعه ياهل من بطنها
يوم رحت أسلم عليها،بغيت أتعرجب من الشراشف الستان اللى تسحب على الأرض
صج تقول فراش عروس
لا،وبعد تحت الفراش النعال الستان اللى تمشى مع طخم الشراشف و هم الزباله و علبة الكلينيكس و الأكسسوارات كلها نفس الطخم
والألعن من جذى،هالوالده كاشخه بساعه كارتييه الماس و تراجى و أساور الماس كأنها رايحه تسيورة مو والده
دخلوا علينا ستاف فلبينيات كامل لابسين (يونيفورم) واحد و كله كشاكش و مزين تقول يضيفون فى حفله كبيرة مو فى مستشفى يقدمون لنا عصير و شاى بأغلى أنواع المواعين و الصوانى
لكن،صج كسروا خاطرى هالفلبينيات و هم شايلين مواعين وزنها (طن) يفترون فيها على اللى قاعدين و تحس هالحريم يلاحظون كل صغيرة و كبيرة من ناحية المواعين و التقديم و الكاكاو و الورد (كأنهم مباحث) وناهيكم عن النقزات بين هالحريم و هم يدققون بالمواعين
يوم جينا بنطلع،جات أم الوالده و قدمت لنا (بونبونيرات) كتذكار للمولود الجديد وقالت كلمتها اللى لما الحين فى بالى: والله احترنا من المولود اذا كان بنت أو ولد و ما بغينا نسوى لون وردى ويطلع المولود ولد،ولا بغينا نسوى لون أزرق وتطلع المولوده بنت،علشان جذى سوينا لون أبيض
يكون طالعه فيها يعنى ،و موفره مصاريف
ليش يا جماعة الخير كل هالمصاريف و هالمزامط و الشوح بهالمستشفيات عند الوالدات؟
posted by Chai-7aleeb @ 7:45 AM
41 Comments:
يه يه يه، يعني آنا أفتتح الكومنتس اليووووم؟؟
ذكرتني يوم أمي اولدت بأختي الصغيرة اللي فرق العمر بيني وبينها اشكبره
نفس الطريقة بالضبط
:P
اشفييييك هذا المتعارف عليه، لا والتجهيز يكون قبلها ابواااايد الا اي لون احلى و شنو الكاكاو.. ايهو اللي يقدمونه أول ما يدخلون الأوادم وايهو اللي يعطون منه لما يطلعون و خبّه..
والحلو والقهوة و اليونيفورمات و المط!ارات و الفناييييين والشراشف والمفارش
جان أقولها هاو خلصتوا كل شي عيل اشبقى حق عرسي
:P
تراوالي استقبال اللي الوالدة مصاريفه أكثر من حفلة الخطبة
:P
بس بيني و بينك وايد أريح من استقبال الناس تالي لما ترد المرة الوالدة البيت، يفضّل أن يكون بالمستشفى مرّة وحدة و بس خلاص
lesa ma shoftesh 7aga
الزوج صار لما مرته تولد ما يدري يبتسم ولا يبجي هاهاهاها فواتير من كل صوب
حلويات و تجهيز وفرش و استقبال وما بعد الاستقبال - مثل حسن نصرالله يقول حيفا وما بعد حيفا - المهم ان الموضوع صار ماصخ وكل يوم يزيد والحريم ماشاء الله كل وحده تتحدي الثانية وناسين الياهل المولود أو المولوده هاهاها
يمكن بعد نشوف وحده والدة وتسوي سحب على أول 3 حريم يحضرون الاستقبال
أو نقرأ على باب الغرفة - هذا الاستقبال برعاية شركة
Godiva
ويقولون ليش الكويتيين ما يتزوجون هاهاها أو ليش الكويتيين يتزوجون من بره الديره !
المهم مبروك ما ياكم الله يحفظ المولود - المولوده
Belembarak
bekhte9ar ele tetkalemon 3ana esma "Fashkhara" ya3ni teshe7e6 3al fathy
broo7ech walda o ta3bana ! ta3alay jablay el nas o kelshway a7ad yayech
bas 3ashan egolon "sheftaw eflana?"
ويييييييييييييييييه ماشفت شي
هذا انت توك
احنا متعودين على هالمزاامط من عشر سنوات تقريبا
لا مو بس مصاريف واااااااالده
شفت هالياهل الي عمره يومين
باجر يدش رمضان
و يسووله قرقيعان لا صار و لا استوى
هههههههههههههههه
و الياهل يا عوينتي ما يدري عن شي
!!!!!!!
انت تدري يا شاي حليب
بجم كفر الوالده !!
ب 1000 دينار
و مثل ما شافت عينك
حرييييييير و دانتيل
اكووووووووو احد ينام على فراش يتزاالق؟؟
شوف انا وحده مو متزوجه
و دايما ضد هالسوالف و رفيجاتي يقولون لي
لي تزوجتي بتسوين اردى من جذي
لكن صدقني لما رفيجتي الروح بالروح و اختي العزيزه ولدت
شرت عليها خوووووش شوور
قلت لها انتي بتولدين حقج و الا حق الناس؟؟
قالت حقي قلت سوي شي لج انتي مو عشان الناس
تدري شنو سوت
ولدت في الهادي
ماقالت حق احد
الا امها و اختها
و خالتها
و عقب ما طلعت بيوم
بلغو الناس
بدووووووون استقبال بدون بطيخ
تدري ليش؟؟
على كل هالمخاسير هم ماراح يعجب احد
اتقط الاف مألفه و اذا دزيت مسج حق الناس قلت لهم
ولدت فلانه بالسلامه في المستشفى الفلاني
و الا ستقبال اليوم و باجر
اول شي بضيق خلهم
بكنسلون طلعه
بيشترون هديه
بيكشخون ساعتين
بيروحون يطقون طريج
ساعتين يدورون مسفط
بيدخلون على الوالده 10 دقايق
و بيطلعون
!!!!!
ليش اعني الناس
الموبالي مفتوح
مسج يكفي
و كان الله غفور رحيم
و انا قاعده اكتب
و اقلاا بصوت عالي
امي يمي
تدري شنو ردت علي
؟؟
تقولي الله يعين حمووولتج عليج!!!
خالتج من ثاني يوم طاردتج
هههههههههههههه
بس والله احسن
شاي حليب
مبروك ما جاكم
وكلامك صحيح لكن الواحد شيقول
اللي قاعدين يسوون جذيه فيهم نقص ومو واثقين بنفسهم وذابحهم المسايق
الله لا يبلانا مثلهم
فوزي
والله كلامك صحيح وضحكتني على اللي قلته
لا مو بس جذي.. أكو مستشفى جديد للولادة فقط بالجابرية شغل سبع نجوم مادري شنو ب يسوون فيه
السؤال الاهم؟؟ إييييي لييييييييش؟!؟!
the simper
مسرع مسر ع ما نسيت موضوع الشحاطه والمزامط....ولمعلومك موبس شراشف وحلويات وبخور....لا هذاك اول الحين تروح المستشفى وتطلب موعد من المدير هذه الحامل يبيلها بعد 3 او 4 اشهر وتولد وتاخذ يا محفوظ السلامه الموافقه بتكسير الطوفه الي بين حجرتين وتضمهم لبعض وتصبغه وتغير براديها وتركب الرخام والخشب والموكيت ولا الزل العجمي من غرف الخطار بالبيت تنشال وتنفظ بالمستشفى...اشحسبالك وعقب اسبوع من ما تولد المسعده اتسلم المدير كل شي بدون طبعا مفروشاتها
اشرايك؟؟؟ واذا قلت شي جنك سابهم وترد عليك واما بنعمة ربك فحدث...وتقر بوزها عليك وتعطيك ظهرها...على قولة المثال "ناصحكم فاضحكم...وانا اشعلي عساهم يحترقون دراعتي وعباتي على وابيدي ماعو قرص اعقيلي (نقصه).... وبدش وبطلع ادينا واجب عجبهم شكلي ما عحبهم عندهم البحر يبلطووونه واللله
قربت الساعه يا جماعه... الناس استخفوا واقعدوا...
السالفه مو سالفة وحده والده ولا مولود يديد...
التفقق والتفلسف والنفاق اللي ماله داعي ليش؟؟
شنو الهدف منه؟؟ هل اهوه تحقير؟؟ او ان الناس راح تغير رايها فيكم؟؟
يازين البساطه..والله تسوى فشخرة الدنيا كلها
تفسفس على الطل و الدنيا كلها بتروح و بتذم و بتحش عن البنبونيرات الموزعة و عن الكاوكاو و عن الشطه الي اهما فيها لان ببساطة الكويتين ما يعجبهم العجب
المفروض هذى الفلوس الى بتنصرف يعطونها حق الوالده هدية و تشتري فيهم اغراض حق المولود ولا يفتحون خق المولود حساب ايمعونلا فيها كم بيزه احسن لهم !!
night knight
اذكر الله حبيبي العراء الي هو عزااا ...المزامط بقلاصات التقديم والدراريع شتقول انت اوقفت على ولاده ولا عرس..ماكو تربيه ولا تدبير هذا مربط القصيد لا تقولي ولا اقولك
ورده
امريكا الي هي امريكا يدزون لج بطاقة الدعوه من تيقاني ومع البطاقه يقولون لج ان في لسته لاحتياجات المعاريس اذا تحبين تاخذينها من تيفاني حتى ما تتكرر الهدايا وحتى المعاريس يقدرون يبدلون الهديه وفقا لاحتياجاتهم
بعد السنع ما فيه مذهب وجنسيه في تدبير وفطانه خفالله على بعض هالناس الي هني ؟كيفكم تصرفاتهم تصرفات اثرياء حـــــــــــــرب نوفووووووريش
هالفشخره والشحاطه لا تقتصر على الولادات فقط
صارت الاستقبالات بل المستشفيات حتا حق عمليات التجميل والزايده و البواسير ايضا
أهم ايام للمولود و الأم تنقضي في المجاملات و المظاهر, اذا الأم ذهبت لبيت اهلها للنفاس يا ترى متى تقضي العائله (الأم والأب و البيبي) الوقت الحميم?
(Bonding Time?)
I'm a big supporter of overseas births
1-You're away from the B.S. & Drama
2-Mum gets rest
3-Dad gets to spend time with baby & mum in serenity
4-Your kid gets a foreign passport
oh and BTW, some hospitals now have in-room beauty services like threading, Manicures & blow dry!
بس ناقص وحدة اتكت فال
انت ما شفت شى
وبعدين شمدعسك بين الحريم روح حزة هداوة علشان ما تبتلش
وتبى تغث وحدة تصيرلك والدة اختك والا اى كانت علشان تعرف شلون شكلها بعد الولادة روح قبل صلاة العصر
تشوف الله وكيلك الويل
بعدين شعندك انت كل تستخدم مصطلحات عيايز باسميك ام عليوى مو جاى حليب
Ana minziman gayla bolad bara....ana wa7da mali kholg hal rasmiyat o adawir ra7ty...ily y7ibny ydig 3alay :P lol ma3ina ham when i come back they will still expect a reception.
IlKuwait Arth Il Rasmiyat!
LOL mama fusla!
Fal!
Trust u to come up with something like that :P
I miss ur posts!
Wallah fashla...imsawya 3amaliyat bwaseer o asawy istiqbal....the nerve!
ماعندهم سالفه وناس فسقانه ,, وماتدري شتسوي بعمرها
وتحسب كل شي بالكشخه والفشخره الي على غير سنع ,,,,
مادري ليش يسون جذي ,, صارت مهايط ولا كل وحده تغار من الثانيه مادري
كل ماروح استقبال اشوف عجب اكثر من الي قبله ,,
واتساائل ببراااءه لماذا ؟؟؟
يعني كله ولاده ...!!!
الحمدالله والشكر ,,
تكفة لا تذكرني بهسوالف
ترى مهما تحجيت ما راح ينفع
الناس تحب الهيو على قولتهم
ام الحفيز:
الصوره الجديدة عجيبه وايد حلوه :)
3adi 3adi... 3alaihum bel 3afia..
buying a puppy is cheaper and more loyal than a wife and children
BUTTERFLY
المشكله إنه الأمهات و الوالدات يقولون إنه أريح لهم يستقبلون بالمستشفى و ما يسوون شىء يالبيوت لكن دايماً نشوف الأستقبالات تلحق المستشفى
الواقع عندنا إنه الحريم عندهم وقت فراغ وايد و يموتون على اليمعات و بس يبون لهم حجه
JUDY ABBOTT
WITH THIS AND I'M SHOCKED.I DON'T WANT TO SEE ANYMORE CRAZY THINGS LIKE THIS.
FUZZY
كاااااااااااااااك
والله يبتها
أقضب على أفكارك الجهنميه وخذ حقوق الملكيه الفكريه على موضوع السحب لأول ثلاث زوار ز على موضوع رعاية الشركات
ترا والله من صجى
اللى راح يقرون البوست راح يسوونها و صدقنى بتشوفها عن قريب
صج الله يعين الزوج لكن هم أشوف إنه الزوج ساعات يشجع الزوجه إنها تسوى جذى و هم يشاركون بشيل الكاكاو من لندن و الشراشف من لبنان
لكن الله يعين الزوج اللى مغلوب على أمره
زلابيه
الله يبارك فيك
إى والله صدقتى
إسمه فشخره
لكن العتب على الوالده اللى لها خلق و تسمح بهالشىء
LAWYER
والله إنك صاجه و محظوظ اللى راح يأخذك كزوجه
أنا من صجى متعجب على هالسالفه و ما أدرى لما وين راح توصل
لا نستبعد فى يوم من الأيام راح يحطون الياهل بصاروخ و يستقبلون بالقمر
يا حلو المسجات
تفك الواحد صج
مشكوره على الرد الرائع
الكويتى الحر
الله يبارك فيك
لكن أنا أحط اللوم على الزوج اللى يسمح بهالمسخره
KITTY
والله يا حلو هذرتك و صراحتك
الله يهداكم
يوم إنكم تعرفون إنه هالشى شقا و مدابج و شيل و حط،،،ليش شاقيين عمركم؟؟
يالله الخلقه و الذريه الصالحه
THE SIMPER
أدرى قالولى عنها
يقولون حتى راح يفتح فيها مصح ديلوكس أسمه
BANYAN TREE
الغاليه أم الحفيز
أنا سمعت بتهدم الطوف فى مستشفى الولاده لكن ما صدقت
صج عاد؟؟؟
لا،وبعد يأخذون فرش صالات الجلوس للمستشفى؟؟؟
صج مرض
الله يجيرنا
NIGHT KNIGHT
صدقنى إنه سبب كل هالأشياء هى إن الحريم واحده تشوف الثانيه
يعنى،لو الوحده غيرت هالنهج و تطلع فيها بالبساطه،جان الكل قلدها
لكن وين؟؟
كله فى بطن أهل الورد والكاكاو و المواعين و الشراشف
شفيه قوطى الماكنتوش و شراشف المستشفى؟؟؟؟؟
WARDA
صح لسانك
لو يعطون هالفلوس حق الوالده أبرك
أنا أقول لو بعد يعطون الوالده هديه قيمه مثل ساعه أو أسوار المس هم أحسن
على الأقل يقعد عندها و أستثمار
لكن،ذابحهم الحريم الشوح
MAMA FUSLA
YOU ARE AMAZING AND YOUR COMMENTS ARE THE UTMOST BEST...!!
أنا سامع إنه اللى يسوون تجميل و بواسير يسوون إستقبالات
من صجهم؟؟
والله الولاده بره الكويت أريح،لكن الحريم عندنا ما يعبرون
أتوقع لو يبون يولدون بره،يخططون للولاده على أن يكون بشهر سبتمبر فقط فى لندن علشان اليمعات
أحلى شىء كت الفال
لووووووووول
لا تستبعدينها
MISHARI
شسوى وأنا أخوك
أولاً،أنا رابى عند جدتى و علشان جذى أسمع كل يوم هالمصطلحات و ربيت عليها
ثانياً،أنا أستحى أدخل بروحى المستشفى عند الحريم و لازم آخذ أختى معاى
وأخيراً،تعرف إنه باب إستقبال الوالده اللى رحنا لها مشروط و يبتدى بس عقب الساعه 5
بس بالأخير،ماكو على مصطلحات و كلمات أهل أول
مو الحين،،،، بالله عليك، من وين طلعت لنا كلمة (أى شىء)اللى الكل يستعملها هالأيام
أهل الكويت نسوا كلامهم الأولى و قامو يتكلمون كلمه كويتيه و كلمتين لبنانيه و ثلاث إنجليزيه و هذا إنت رايح
وبعدين،أتشرف أن أكون من اللى يتكلمون و يحافظون على التراث الأصيل الكويتى بالكلام مثل أم عليوى الله يرحمه
هذا الممثل ماكو مثله و عبد العزيز النمش أسطوره ما لها مثيل
يا ريت الممثلين هالأيام يوصلون ربع إبداعه الفنى
DELICATELY REALISTIC
IF YOU PLAN TO GIVE BIRTH OUTSIDE OF KUWAIT,THEN AVOID LONDON IN THE SUMMER.IT WILL BE WORST THAN KUWAIT.
R7EEQ
هذا اللى قاعد يصير بالكويت
لكن ،أنا اللى قاعد أشوفه إنه الناس حابه هالشىء و تركض وراه
المشكله إنه الأغلبيه جذى مع الأسف
DIVER
والله ما أذكر هالسوالف إلا من حر ما فى قلبى
ما يشوفون الناس اللى ما عندها تأكل و لا يشوفون اللى قاعد يصير بلبنان و أفريقيا و يتعظون؟؟
أنا خايف إنه الله يخفس فينا بسبة هالأشكال
HITMAN 1
بالصميم
المهم وين هالريال هالأيام؟؟؟؟
MOSAN MOSAN
YOU GOT IT BRO.
STAY SINGLE.....AND GET A NICE POODLE.
انا ما عندي مانع من كل هالصرف بس على شنو؟
شدعوة يايبه انيشتاين و الا شوارزكوف؟؟
كله ياهل كويتي تعيس يمشي و سناسينه طالة من خشمه و لي صار عمره ثنعش بتشتريله بانشي حق اذية خلق الله
BERMAIT-GIRL
لا تستبعدين المطرب
قريباً راشد الماجد بالمواساة
خل يحسبون حسابنا حق التطمش
كله مطقوق
إى والله صاج
يبتها ييب
لأ،و يا ريت قريت خبر الصفحه الأولى اليوم بالقبس عن الرسوب بالكويت
كلش طبانه هالشعب
والله فشيله
shakoo raye7 swalif 7areem
الله يرحم ايام اول
اييييييييييييييه ايام الغوص
قبل المره اللي تولد
ماتقوم من الفراش وتسوي نفسها تعبانه
وسمعت انه يحطون على ويهم كركم ((نوع من انواع البهارات )) عشان يصير ويهم اصفر
الحين المكياج والتسريحات
جنها تقول يلا حسدوني على صحتي وصحة ولدي
حمدلله والشكر
وحمدلله على سلامتها ويتربا بعز اهله
اي الحين لازم جذي
ولا ما يصيرون كويتيات
احلى حب
والله انك صاج....اذكر ان يوم ولادتي لبجري...ان امي قاعده يمبي وانا اسولف وأضحك معاها وعقب دشو علينا جماعه جان تقول لي امي وووني ولا تضحكين (خايفه علي من النظله)وانا بغيتها اشاره واقعد اون ونين ماسكت والضيوف هااا عسى ما شر اكو شي يعورج وانا اوووووووون لا جواب ولا كلام...والحريم يشورون على امي يبي ادختر لبنتج وامي تقول ان شاء الله هو بالطريج.....مو الحين شاتره متحمره ومتكحله جننه البخت على التخت
وعقب يقولون الله يعيون الناس على بنيتنا طيحوووها من حيلها
والله أمر محزن مضيعة للفلوس والوكت
المفروض بدال هاللوية وتوافه الأمور
تستعد الأم حق ولدها بالقراءة في كتب الطفل
عن كيفية الإهتمام فيه وصحته
وتسأل وتستفيد من تجارب الأمهات اللي أكبر منها
مو قعدة وتشاي لا تفيد ولا تزيد
من غرائب مجتمعنا إللي لا ممكن أفهمها
DR
I miss you commenting on my posts
too bad I don't have the time, however I make an effort to read Chai's blog they're witty and funny..
Great blog chai, thanx for presenting all these topics in the smart way that gets us thinking yet puts a smile on our faces
الله يخليلج بجرج وعيالج كلهم ويخليج لهم
ALBANDRY
شسوى،أهلنا
أحلى حب
إى والله
الله يرحم أيام أول
نسكافيه
إى والله
مرض كويتى
هزلت
الحين صارت إهتمامات الحريم غير و متركزه على الناس و شنو راح يقولون
أحلى حب
شكراً
MAMA FUSLA
I COMMENTED ON YOUR NOTE.MAYBE YOU MISSED IT.
Chaimilk
I didn't miss it, but I'm commenting on Delicate's.
oh and Thanx for the compliment!
Keep the good stuff comin..
Chai, check out my past post on Sudoko
http://mamafusla.blogspot.com/2006/01/sudoko-cocoo.html
MAMA FUSLA
ROGER...!!
انا ماقول غير والله النعمه زواله
LONDONY
والله الكلام اللى تقوله عين العقل و أنا وياك 100% على اللى قاعد يصير
أنا خايف إن الله يخسف فينا من هالصرف و التبذير اللى ماله معنى
أنا أقول إننا كلنا و أهلنا محاسبين على هالمهازل اللى قاعده تصير و لازم فى حل إنه نوقفها
أنا أقول الشرهه على الزوج و الرياييل اللى مو عارفين يوقفون حريمهم
نسأل الله العافيه و الهدايه للجميع
ومشكور وايد على التعليق الرائع
براك
صح لسانك
والله من ناحية فسق وتبذير آنه معاكم
بس صراحـه أريح .. تحجز لها يوم او يومين زيادة واستقبال وخلصنا :)
مو كل ساع ناس مدرعمة
يعني اهيا قاطه قاطه .. سواء استقبالها بالمستشفى أو بالبيت !
يعني هالمصاريف لابد منها
مع اني ماأأيدها .. والمفروض نصرف بالمعقول :))
siJ wierdos..
Sometimes Kuwaiti women do things that are just so crazy and unreasonable. 7arraam, the woman who just gave birth must be tired and exhausted. She should just be her natural self, and only have close members of her family visiting her, to comfort her.
ALthough I would rather have my whole family with me, I'd much rather prefer giving birth in, for example the States, with my husband, mother and father, aunts and possibly mother-in-law and other in-laws with me..
It just goes to show you some of the priorities and values on peoples' lists..
صج سالفة الاستقبال بالمستشفى شي بايخ وماله داعي صراحه مع احترامي حق كل اللى يسوونه بس ياربي وحده توها والده وين لها خلق تلبس وتكشخ وترتز حق الاوادم..ولا وهيا حامل تعالي ركضي حق الكاكاو والكفر والعصير والحين لا بعد لازم ديكور حق الغرفة..وحدة من اهلنا يابت مصمم حق غرفتها بالمستشفى... حشا كوشه مو ولاده!!!
Post a Comment
<< Home